Öz ölkəsini işğalçı sionistlərin cinayətləri müqabilində müdafiə edən bir millət terroristdir? Yaxud da bu millətə insani kömək və onu gücləndirmək terrorizmə kömək sayılır? 

Dünyanın imperiyalist başçıları terrorist və rəhmsiz olan İsrail rejimini özünü müdafiə edən kimi göstərirlər və azadlığını, təhlükəsizliyini və öz taleyini müəyyən etmə hüququnu müdafiə edən Fələstin müqavimətini isə terrorist adlandırırlar. 

Hər il təşkil olunan bu böyük yığıncaq mühüm bir hədəf güdməklə yanaşı, İran millətinin ehtiyac duyduğu bir hadisədir. Bu gün də mən əzəmətli İmam Xomeyninin baxış bucağından keçən ilin xordad ayından bu günə kimi baş verən iki mühüm mövzu haqda mətləb qeyd edəcəm. Fələstin məsələsinə gəldikdə, əzəmətli İmam Xomeyninin Fələstinin gələcəyi ilə bağlı proqnozlaşdırdığı məsələ bu gün tədricən həyata keçməkdədir. Əzəmətli İmam Xomeyninin Fələstin barədə istədiyi məsələ bu idi ki, saziş müzakirələrinə ürək bağlanmasın. İmam Xomeyninin nəzəri bu idi ki, Fələstin xalqının özü öz haqlarını geri qaytarmalı və düşməni geri çəkilməyə məcbur etməlidir. Bu gün bu hadisə həyata keçibdir. Fələstinlilər Əqsa fırtınası əməliyyatında meydana daxil oldular, fəaliyyətə və hərəkətə keçdilər və düşməni meydanın elə bir küncünə sıxışdırdılar ki, qaçmaq üçün heç bir yol, xilas olmaları üçün heç bir vasitə yoxdur. İki əsas və zəruri məqam. Bir məqam budur ki, 7 oktyabrda baş verən Əqsa fırtınası əməliyyatı eynilə məntəqənin ehtiyac duyduğu bir hadisə idi. Amerika və sionist ünsürləri tərəfindən hərtərəfli və geniş bir plan cızılmışdı və hədəf də məntəqənin hesablamarını dəyişmək idi. Bunun mənası sionist rejimin bütün Qərbi Asiyanın, daha doğrusu, bütün İslam dünyasının siyasət və iqtisadiyyatına yiyələnmək idi. 7 oktyabr fırtınası düşmənin tam dəqiqlik və incəliklə hazırladığı planı puça çıxardı. İkinci məqam budur ki, bu əməliyyat sionist rejimə həlledici bir zərbə idi, özü də heç bir əlacı olmayan zərbə. Sionist rejim bu zərbənin təsirindən elə bəlalara düçar oldu ki, bu bəlalardan xilas ola bilməyəcəkdir. Amerika sionist rejimi himayə edir, bir çox Qərb dövlətləri dəstəkləyirlər, lakin hamısı etiraf edir və bunu qəbul edirlər ki, sionist hökuməti üçün meydana gələn şərait elə bir şəraitdir ki, ondan qurtulmağın həll yolu yoxdur. Əqsa fırtınası belə bir möcüzə etdi; sionist rejimi elə bir yola gətirib çıxarıb ki, bu yolun sonu məhv olub aradan getməkdən başqa bir şey deyil. Siz ki görürsünüz, sionist rejim belə bir şiddət və qəsavətlə Qəzzanın müdafiəsiz əhalisinə hücum edir, bu hücum həmin planın puça çıxmasına əsəbi bir reaksiyadır. Biz sionist rejimin sona çatmasının başlanğıc dönəmindəyik. Sionist rejim dünya əhalisinin gözü önündə tədricən əriyib aradan gedir. Artıq məhv olmaq üzrədir.

Sionistlər tərəfindən Qəzza soyqırımının törədilməsi və dırnaqarası liberal Qərb hökumətlərinin bu qaniçən canavarı dəstəkləməsi Qərbdə azadlıq və bəşər hüquqlarının mənasını vicdanları oyaq olanlar üçün aşkar edir.

Biz dünyada ayıq vicdanları dəvət edirik ki, onlar zülmə, fəsada, qadın izzəti, həyat yoldaşı və analıq məqamının aşağı salınmasna və dini mənəviyyatdan uzaq düşən hökumətlərdə başqa problemlərə diqqət yönəltsin, habelə İslami hökmranlıq proqramı üzərində düşünsünlər.

Bu məktubu Qəzzanın məzlum uşaq və qadınlarını müdafiə etmək üçün ayağa qalxan vicdanları ayıq olan cavanlara yazıram.

Builki Həcc ziyarətində (düşmənlərdən) bezarlıq etmək həmişəkindən daha aydın görünür. İstər iranlı, istərsə də dünyanın hər tərəfindən olan qeyri-iranlı mömin zəvvarlar bu Quran məntiqini bütün İslam dünyasına çatdırmağı bacarmalıdırlar. Bu, vəzifədir.

  Ədaləti düzgün başa düşmək lazımdır. Ədalət dedikdə, yəni ümumi ictimai imkanlardan istifadə zamanı ictimai təbəqələşmənin aradan qaldırılması nəzərdə tutulur. Bütün imkanlar bərabər şəkildə xalqın ixtiyarına verilməlidir. İmkanlardan yararlanmaq imtiyazı zülmdür, ədalətin ziddinədir.

İslam əsasında yaranan bir hökumətin əsas işi "Zülm etməyin" və "Zülmə baş əyməyin" məsələsidir.

Təəssüflər olsun ki, İslam dünyasında məzlum Qəzza əhalisinin düşməninə kömək edən kəslər və dövlət vardır. İnşallah, bir gün özləri də peşman olub bu xəyanətin cəzasını və gördükləri işin faydasız olduğunu görəcəklər.​

Bir millət öz ölkəsində böyük bir zülmə məruz qalır; qadınları, uşaqları və evləri tam rəhimsizcəsinə məhv edilir. Amerika ,İngiltərə və bəzi Avropa ölkələri nəinki buna mane olmurlar, hətta kömək də edirlər. Biz bunlarla müxalifik.​

Qərb sivilizasiyası budur. ABŞ və Qərbin qeyri-insani siyasətinin rüsvayçılığı o yerə çatıb ki, Amerika Hərbi Hava Qüvvələrinin bu zabitinin özünü yandırdığını eşitmisiniz. Yəni o mədəniyyətdə tərbiyə alan gənc üçün də ağır gəlir, hətta onun da vicdanı sızıldayır. Təbii ki, bir nəfər deyil, min nəfər özünü yandırmalı idi, amma fəsada qərq olmaq (vicdanların oyanmasına) imkan vermir. İndi (bunların içindən) kiminsə təsadüfən vicdanı oyanıb özünü yandırdı. Qərb mədəniyyəti özünü tanıtdı, ifşa etdi və nə qədər fasid, nə qədər azğın, necə də zalım olduğunu ortaya qoydu.​

Ramazan ayının başlaması və yeni (şəmsi) il ərəfəsində Xübrəqan Məclisinin nümayəndələri 07.03.2024-cü il tarixdə cümə axşamı səhəri İmam Xomeyni hüseyniyyəsində İslam İnqilabının Rəhbəri ilə görüşdülər.

Amerikanın bəşər əleyhinə olan utancverici siyasətləri Qəzzada soyqırım mövzusunda bir yerə gəlib çatır ki, ABŞ-ın hərbi zabiti özünü yandırır.

Qəzza müsibəti İslam dünyasının, hətta ondan da yuxarı, bəşəriyyətin müsibətidir.​

Millətlər öz dövlətlərini zalım və canavar xislətli, qadın, uşaq, xəstə və qocanın qanına susamış və Qəzzada neçə min insanı bir neçə ay ərzində qətlə yetirən bir rejimə dəstək verməkdən çəkinməyə vadar etsinlər.

Alimlər, elm adamları, siyasətçi və İslam dünyasının mətbuat işçiləri insanlarda ümumi bir tələb formalaşdırmalıdırlar ki, onların dövlətləri sionist rejimə qəti bir zərbə vurmağa naçar olsunlar. Biz demirik ki, müharibəyə girsinlər, nə müharibəyə girişəndirlər, nə də ki bu iş bəziləri üçün mümkündür. Lakin iqtisadi əlaqələri kəsə bilərlər.

Mən eşitdim ki, müsəlman ölkələrin bəziləri sionist rejimə silah verirlər, bəziləri də müxtəlif iqtisadi köməklik göstərirlər. Bəs, bunun qarşısını almaq millətlərin üzərinə düşən bir işdir. Millətlər (öz dövlətlərinə) təzyiq göstərə bilərlər.

Zülm və cinayət həddi aşarsa və yırtıcılıq son həddinə çatarsa, tufanı gözləmək gərəkdir.

Bu gün 10 oktyabr 2023-cü il tarixdə çərşənbə axşamı günü səhər saatlarında Ali Baş Komandanın iştirakı ilə İmam Əli (ə) adına Hərbi Universitetdə Silahlı Qüvvələrin Hərbi Universitet tələbələrinin birgə buraxılış mərasimi keçirilib.  

İslam Respublikasının qəti nəzəri budur ki, sionist rejimlə münasibəti normallaşdırmaq qumarını özləri üçün örnək və iş metodu hesab edən dövlətlər zərər görəcəklər və onları uduzmaq gözləyir, səhv edirlər. Avropalıların dili ilə desək, uduzan atın üzərində mərc edirlər. Bu gün sionist rejimin vəziyyəti elə bir vəziyyət deyil ki, ona yaxınlaşmağa (hansısa) maraq mövcud olsun. Bu səhvi gərək etməsinlər. Qəsbkar rejim getmək üzrədir. Bu gün Fələstin hərəkatı bu 70-80 il ərzində olduğundan daha gümrahdır. Müşahidə edirsiniz ki, bu gün fələstinli cavanlar, Fələstin hərəkatı, işğalçılıq, zülm və sionizm əleyhinə hərəkat həmişəkindən daha coşqulu, daha gümrah və daha hazırlıqlıdır. İnşallah, bu hərəkat nəticəyə çatacaqdır və alicənab İmam Xomeyninin (r.ə) qəsbkar rejimi xərçəng xəstəliyi adlandırdığı kimi, inşallah, Fələstin xalqının və müqavimət qüvvələrin öz əli ilə bu xərçəng xəstəliyinin kökü bütün regionda kəsiləcəkdir.

Quran fasid qüdrətlər üçün təhdid hesab olunur. Çünki (Quran) həm zülmü məhkum edir və həm də zülmü qəbul etdiyinə görə zülmə boyun əyən insanı məzəmmət edir. Quran xalqı oyadandır. Quranla düşmənçilik edən şəxs insanların oyanışı ilə müxalifdir, zülmlə mübarizənin əleyhinədir.

Rəhmət və hidayət peyğəmbəri olan Həzrət Məhəmməd (s) və İmam Sadiqin (ə) mübarək mövlud günündə əhalinin bir qismi, hökumət məsulları, İslam ölkələri səfirləri və vəhdət konfransı qonaqları 03.10.2023-cü il tarixdə İslam İnqilabının Rəhbəri Ayətullah Xamenei ilə görüşüblər.

Rəhmət və hidayət peyğəmbəri olan Həzrət Məhəmməd (s) və İmam Sadiqin (ə) mübarək mövlud günündə əhalinin bir qismi, hökumət məsulları, İslam ölkələri səfirləri və vəhdət konfransı qonaqları 03.10.2023-cü il tarixdə İslam İnqilabının Rəhbəri Ayətullah Xamenei ilə görüşüblər.

Bir insanı və bir bəşər cəmiyyətini səadətə çatdıracaq hər nə varsa, Peyğəmbər (s) onların hamısını bəyan etdi. Təkcə bəyan etməklə kifayətlənmədi, bunları əmələ keçirdi və tətbiq də etdi. Bəli, Peyğəmbərin (s) zamanında İslam hökuməti və cəmiyyəti təşkil olundu, İslam iqtisadiyyatı, İslami cihad bərpa olundu, İslami zəkat (müsəlmanlardan) yığıldı və bir İslam ölkəsi və İslam nizamı quruldu. Bu nizamın qurucusu və bu qatarı bu xətdə idarə edən Peyğəmbər (s) və (ondan sonra) onun yerində oturan şəxsdir. Xətt də aydın və müəyyəndir. İslam cəmiyyəti və müsəlman şəxs bu xətdə, bu istiqamətdə və bu yolda hərəkət etməlidir. Çünki belə bir hərəkət baş tutarsa, o zaman insanlar kamala çatar, saleh və mələk xislətli olarlar, insanlar arasında zülm aradan gedər, pislik, fəsad, ixtilaf, yoxsulluq və cəhalət yox olar, habelə bəşər kamil xoşbəxtliyə yetişər və Allahın kamil bəndəsi olar.

İslam İnqilabı Keşişçiləri Korpusunun Komandirlər Qrupunun üzvləri 17.08.2023-cü il tarixdə Həzrət Ayətullah Xamenei ilə görüşüblər.

İmam Hüseyn (ə) bütün dünyanın zülm və sitəmin qaranlığına büründüyü və məhkum olduğu halda, həqiqəti bəyan etməyə heç kəsin cürəti çatmadığı bir zamanda belə bir dünyanın müqabilində ayaqları əsmədi, ürəyi titrəmədi və zəiflik hiss etmədi, şübhəyə düşmədi və təkbaşına meydanın ortasına gəldi. Hadisənin əzəməti budur. İmam Həsənin (ə) şəhadətə çatdığı vaxtdan öz şəhadətinə qədər təqribən on ildən artıq  fasilə var və bu on ildə siz görün İmam Hüseyn (ə) nələr edirdi. Təhrifə qarşı  mübarizə edirdi və o gün İslam üçün ən böyük mənəvi bəla təhrif idi. Elə bir dövran idi ki, o günün İslam şəhərlərinə, müsəlman ölkə və millətlərinə göstəriş verilirdi ki, İslamın ən böyük şəxsiyyətinə lənət desinlər. Əgər kimsə Əmirəlmöminin Əlinin (ə) imamət və vilayət xəttində olmaqla ittiham olunsaydı, təqibə məruz qalırdı. Təhrif baş verən bir cəmiyyətdə qeyd etdiyimiz kimi, təhrif elə bir həddə çatır ki, bununla İslamın əsasının təhrif olunma təhlükəsi qabağa gəlir, bu zaman Allah tərəfindən bir vəzifə vardır, təbii ki, Allah insanı heç bir zaman heç bir hadisə qarşısında vəzifəsiz qoymur. İnhiraf (təhrif) baş verdi, buna görə ki Müaviyyədən sonra elə bir şəxs hökumətə gəldi ki, hətta zahirdə belə İslama riayət etmirdi. Belə bir şəxs o cür fəsadla Müaviyyədən sonra müsəlmanların xəlifəsi olmuşdu, Peyğəmbər (s) xəlifəsi olmuşdu. Yaxşı, Bundan da böyük təhrif?! İmam Hüseyn (ə) belə bir vəziyyət qarşısında mübarizə edirdi. Həqiqəti bəyan etmək və bunu bütün tarix boyu aydınlaşdırmaq üçün ən əziz yaxınlarını götürüb meydana gətirir. İmam Hüseyn (ə) bu hərəkəti yerinə yetirməli idi və bununla göstərməli idi ki,  belə bir şəraitdə müsəlmanlar üçün vəzifə  nədən ibarətdir. Sonrakı əsrlərin müsəlmanları üçün bir proqram təqdim etdi. Lakin Hüseyn ibn Əlinin (ə) proqramı təkcə boş iddia, yəni "Göstəriş ver, özün də otur" şəklində deyildi. Praktiki bir proqram idi. Bu, müsəlmanlar üçün qiyamətə qədər bir dərsdir. İlahi bir rənglə İslam tarixinin alnına yazıldı, fəryad etdi və bu günə qədər də nəticə verdi. Hüseyn ibn Əlinin (ə) gördüyü həmin işi, yəni İslamı öz cihadının bərəkəti sayəsində diriltdiyi bu işi bu gün siz də o böyük şəxsiyyəti yad etməklə, onun adını anmaqla və o böyük şəxsiyyətin minbəri ilə İslam həqiqətlərini bəyan edin. İmam Hüseyn (ə) əzadarlığı bu hədəfləri güdməlidir: bəyan etmənin, aydınlaşdırmağın, agah etmənin vüsət tapması, xalqın imanının möhkəmləndirilməsi, dindarlıq ruhiyyəsini insanlarda çoxaltmaq, şücaət və dini qeyrəti insanlarda artırmaq, xalqda olan laqeydlik, məstlik və süstlüyü aradan qaldırmaq. Bunlardır, Hüseynin (ə) qiyamı və  əzadarlığının anılmasının mənası."Həqiqətən, mən bu məclisləri sevirəm". Bizə aid məsələləri diri saxlayın. İmam Sadiqin o dövrdə (ə) buyurduğu, "Əhyu əmrəna" yəni Əhli-beytin (ə) işlərini diri saxlamaq ən çətin və ən təhlükəli işlərdən biri idi, böyük bir cihad idi. Heyət aydınlaşdırma cihadının məkanıdır, bəyan etmək yeridir, İslam və Ələvi maarifinin ən mühüm məfhumlarını bəyan etmək məkanıdır.

Həcc ziyarətində iştirak etməyin hədəfi nədir? İslam ümmətinin vəhdəti və həmçinin ümmətin bütün üzvlərinin qəlblərinin bir-birilərinə yaxınlaşmasıdır. Nəyin müqabilində? Küfr, zülm, hegemonlar, bəşəri və qeyri- bəşəri bütlər, habelə İslamın aradan aparmaq istədiyi hər bir şeyin müqabilində.

Əgər bir şəxs bir fəhləyə zülm edərsə, onun bütün xeyir əməlləri aradan getmiş olar. Allah behiştin ətrini bu insan üçün haram edər. Yaxşı, indi bu zülm nədən ibarətdir? Muzdunu ödəməməkdən, səhiyyə və sığorta kimi ehtiyaclarını təmin etməməkdən və s. Əgər bir fəhləyə zülm olunmasına razı deyilsinizsə, onda onun məharətlərininin inkişafı üçün zəmin yaratmağınız gərəklidir.

Bu gün vacib məsələlərdən biri də Fələstin məsələsidir. Bir millət, bir ölkə adi deyil, əksinə, vəhşi, alçaq və zalım insanların zülmü altında qaldığı bir halda İslam dünyası sadəcə seyr və tamaşa edir

Peyğəmbərlər ədaləti həyata keçirmək üçün gəliblər. Əmirəlmömininin Peyğəmbərin canişini və İslam xilafətindəki missiyası budur....

4 Noyabr "Məktəbli Şagirdlər və Beynəlxalq Hegemonluqla Mübarizə" günü ərəfəsində görüş