Plakat
Peyğəmbərin böyük dərsi
20/09/2025
İzzət günündə, zillət günündə, çətinlikdə, asanlıqda – hər bir halda Allahı yada salmaq, Allaha söykənmək, ondan istəmək– bunların hamısı Peyğəmbərin bizə verdiyi böyük dərsdir.
Seyid Əli Xamenei
27.09.1991
19/09/2025
Peyğəmbərin İlahi və təbii bir heybəti vardı və onun hüzurunda camaat özünü itirirdi, amma o, insanlarla nəvaziş və gözəl əxlaqla davranırdı. Bir cəmlə oturduğu zaman isə onun peyğəmbər və bu toplumun rəhbəri, böyüyü olduğu seçilmirdi.
Seyid Əli Xamenei
27.09.1991
Plakat
Peyğəmbərin yaşam tərzi
19/09/2025
Peyğəmbər qulamlarla oturub-durur, onlarla birlikdə yemək yeyir və sadə libas geyinirdi. Qarşısına hansı yemək var idisə, ondan yeyirdi, bir yeməyi xoşuna gəlmədiyi üçün rədd etmirdi. Bütün bəşəriyyət tarixində bu əxlaq misilsizdir.
Seyid Əli Xamenei
27.09.1991
Plakat
Peyğəmbərin hökumət əxlaqı
15/09/2025
Peyğəmbərin hökumət əxlaqı belə idi: düşmənin vəsvəsələri qarşısında ayıq-sayıq, möminlər qarşısında isə təvazökar.
Ayətullah Əl-Üzma Seyid Əli Xamenei
12.05.2000
15/09/2025
Peyğəmbər (s) o məqam, şan-şöhrət və əzəməti ilə belə ibadətindən qafil olmurdu, gecənin yarısında ağlayır, dua və istiğfar edirdi. Ümmü Sələmə belə dedi: “Ya Rəsuləllah! Allah-taala səni bu qədər ucaldıb, günahlarını bağışlayıb, bəs nə üçün ağlayırsan?” Buyurdu: “Əgər Allahdan qafil olsam, məni nə saxlayar?” Bu isə bizim üçün dərsdir.
Seyid Əli Xamenei
27.09.1991
Plakat
Bəndəliyin əsas sirri
14/09/2025
Peyğəmbərin Allaha bəndəliyinin əsas sirri budur: heç bir qüdrəti Allahın qarşısında hesaba almamaq, ondan qorxmamaq, başqalarının istəklərinə görə Allah yolunu tərk etməmək.
Ayətullah Əl-Üzma Seyid Əli Xamenei
27.09.1991
14/09/2025
Həzrət Peyğəmbərin (s) misilsiz həyatı və şəxsiyyəti İslam tarixinin bütün dövrləri üçün daimi bir dərs və örnəkdir. Quran bu barədə buyurur: "Allahın Rəsulunda sizlər üçün gözəl nümunələr var". Onun bu mübarizliyi sayəsində İslam təlimləri bütün tarix boyu yayılmışdır. Bu təlimlər yalnız müsəlmanlara aid deyil, bütün bəşəriyyət İslamın təlimlərinin yayılmasından faydalanır.
14/09/2025
Xanım Xədicə (əleyha salam), həqiqətən də, məzlumdur, çünki Peyğəmbərin həyat yoldaşı olmaq şərəfi onun barəsində ikiqat dəyərə malikdir. Başqaları da Peyğəmbərin həyat yoldaşı olmaq şərəfinə nail oldular, lakin onlar Peyğəmbərin risalətinin əsas dövrlərində üzləşdiyi əzab-əziyyətlərə qatlanmadılar. On il Mədinədə olmuşdu, amma izzət, hörmət və o dövrlə müqayisədə rahat bir həyat idi. Xanım Xədicə (əleyha salam) isə Peyğəmbərin əziyyətli dövrünə və çətinliklərinə dözdü.
Plakat
Bütün yaxşılıqların müəllimi
12/09/2025
İslam Peyğəmbəri bütün yaxşılıqların müəllimi, ədalətin, insanlığın, mərifətin, qardaşlığın müəllimi, həmçinin bəşəriyyətin tarixin sonuna qədər davamlı tərəqqi, təkamül və inkişafının müəllimi idi.
01/09/2025
Məhz bu, Həzrət Məhdi (ə) haqqında müxaliflərin irəli sürdüyü və daim təkrarladıqları yeganə etirazdır. Lakin Qurani-Kərim bu ağlabatan olmamaq şübhəsini açıq-aşkar aradan qaldırır.
Mətndən çıxarış
Səccaddan Həsən Əskəriyə qədər olan xətt
01/09/2025
Əhlibeyt imamlarının (əleyhimussalam) həyatının bütünlüklə Allah yolunda cihad və mübarizə ilə dolu olduğunu biz görmüşük və oxumuşuq.
İmam Səccad (ə)‑dan on birinci imam İmam Əskəriyə (ə)‑yə qədər davamlı bir xətt vardır. Bu davamlı xətt bütünlüklə çalışmaq, döyüş, mübarizə və o dövrün hakimiyyətinə qarşı dayanmaq, hakimiyyətə bağlı olanlara qarşı mövqe sərgiləməkdən ibarətdir.
Həmrəzmane- Hüseyn, səh 333
Plakat
Ayə bütün bəşərə ünvanlanıb
24/08/2025
Tövbə surəsinin 128-ci ayəsinin ilk iki cümləsi, yəni "Həqiqətən, sizə özünüzdən bir Peyğəmbər gəldi və sizin əziyyət çəkməyiniz ona ağır gəlir. O, sizə qarşı çox qayğıkeşdir..." bütün bəşər övladına aiddir, necə ki, başqa bir ayədə də buyurulur: "Ey insanlar! Mən sizin hamınıza tərəf göndərilən Allahın elçisiyəm". Yəni bütün bəşər Peyğəmbərin müxatəbidir.
23/08/2025
Allah Rəsulunun vəfat etdiyi andan 260-cı (qəməri) ilə qədər imamlar orta, uzun və bəzən də qısamüddətli bir zamanda İlahi hökumət qurmağa çalışdılar. Məsələn, bizim nəzərimizcə, İmam Həsənin (ə) dövründə İslam hökumətinin qurulması cəhdi qısamüddətli bir zaman üçün nəzərdə tutulmuşdu.
23/08/2025
İmam Rzanın (əleyhissalam) hamımıza dərsi budur ki: Ey müsəlman! Mübarizədən yorulma. Yatma, çünki düşmən həmişə ayıqdır və müxtəlif formalarda, fərqli geyimlərdə, müxtəlif maskalarda və rəngbərəng formalarda ortaya çıxır. Gözünüz iti olsun, düşməni tanıyın, onunla mübarizə yolunu bilin və Əli ibn Musa Ər-Rza kimi əvvəldən axıradək mübarizəni davam etdirin.
23/08/2025
Bu iki cümlə çox mühümdür: "Sizin əziyyət çəkməyiniz ona ağır gəlir" – yəni bəşərin əziyyətə düşməsi əzəmətli Peyğəmbərə ağır gəlir və o, insanların əziyyətə düşməsi ilə əziyyətə düşür, ardınca: "O, sizə qarşı qayğıkeşdir" – yəni o, sizin üçün can yandırır, sizə bağlıdır, taleyinizə həqiqi mənada maraq göstərir. Bu da bütün bəşər övladına ünvanlanmış bir xitabdır.
23/08/2025
Quranda əzəmətli Peyğəmbərdən bəhs edən ayələr çoxdur. Bu ayələrin bəziləri indiki bəşərin vəziyyəti ilə çox aydın bir uyğunluq təşkil edir. İnsan ayəni oxuyanda görür ki, sanki elə bu gün və bu günün insanı üçün nazil olub. Bu ayələrdən biri "Tövbə" surəsinin 128-ci ayəsidir.
08/08/2025
İmam Səccad (ə) İslam cəmiyyətində əxlaqı təlim vermək və dəyişməklə məşğul oldu. İmam Səccadın (ə) təhlilinə əsasən, İslam dünyasının əsas problemlərinin mühüm bir hissəsi xalqın əxlaqının tənəzzülə uğraması və zay olub aradan getməsi idi.
Əgər camaat İslam əxlaqına sahib olsaydılar, Yezid, İbn Ziyad, Ömər Səd və başqaları o faciəni törədə bilməzdilər... Hakimiyyətlər istər fasiq olsunlar, istər dinsiz və zalım – xalqı belə böyük bir faciəni törətməyə, yəni Peyğəmbərin (s) oğlunu və Fatimeyi-Zəhranın (əleyhassalam) övladını öldürməyə vadar edə bilməzdilər.
Plakat
İmam Səccadın həqiqi siması
07/08/2025
İmam Səccad (ə) barəsində yaradılmış o susqun, başıaşağı, məzlum və passiv obraz tamamilə həqiqətə ziddir. İmam Səccadın (ə) həqiqi siması mübariz, qəhrəman, yorulmaz və (zülmlə) barışmaz bir simadır. O, tam tədbirlə, tam dəqiqliklə yolları tanıyır, onları seçir və hədəflərə doğru bu yollarla irəliləyir, özü isə (bu yolda) yorulmur, amma düşməni yorur.
05/07/2025
Həqiqətən də, İslamın İmam Hüseynin qiyamı ilə qorunduğuna dair bu etiqad düzgün bir etiqaddır. Təxminən yüz il əvvəlki dövrlə müqayisədə insanların dindarlığına zahirən bu günkü qədər qarşı çıxanlar yox idi, amma bu gün keçirilən mərasimlər daha coşqulu, daha təsirli və daha geniş miqyasda keçirilir. Bütün bunlar Hüseyn ibn Əlinin (ə) rəhbərliyi ilə dünyada irəliləyən bir həqiqətin və bir cərəyanın göstəricisidir. Bu cərəyan yol açacaq və xalqların düyünlərini açacaqdır.
04/07/2025
Görürsünüz, İmam Hüseyn (ə) buyurdu: Biz zilləti qəbul etmirik, "HEYHAT MİNNƏZ-ZİLLƏH, Əbəllah zalikə", Allah zilləti qəbul etməyimizə qarşıdır. Möminin haqqı yoxdur ki, kafirlərə qarşı təslimiyyətin zillətini qəbul etsin və onların təzyiqinə və zorakılığına boyun əysin.
03/07/2025
İmam Hüseyn (ə) buyurdu: "ZİLLƏT BİZDƏN UZAQDIR". İmam Hüseynin hərəkəti izzət hərəkəti idi, yəni haqqın izzəti, dinin izzəti, imamətin izzəti və Peyğəmbərin təqdim etdiyi yolun izzəti. İmam Hüseyn (ə) izzətin təcəssümü idi və ayağa qalxdığı üçün həm də fəxr və qürur mənbəyi oldu.
02/07/2025
Həzrət Zeynəbi-Kübra (s.ə.) “Təlle- Zeynəbiyyə”nin zirvəsinə çıxıb Peyğəmbərə (s) xitabən dedi: “Ya Rəsuləllah (s)! Asimanın Mələklərinin salamı üzərinə olsun. Bu sənin bədəni qana boyanmış, bədən üzvləri doğranmış, əmmaməsi və paltarı qarət edilmiş Hüseynindir”. O, İmam Hüseynin (ə) rövzəsini oxumağı başladı və gizli qalmasını istədikləri əhvalatı uca səslə danışdı. İmamın əziz bacısı istər Kərbəlada, istər Kufədə, istərsə də Şam və Mədinədə Aşura hadisəsini uca səslə bəyan etdi. Bu çeşmə elə həmin gündən qaynamağa başlayıb və bu gün də qaynamaqdadır. Bu hadisə Aşura hadisəsidir.
02/07/2025
Biz bu gün Hüseyn ibn Əlini dünyaya tanıtmağa ehtiyac duyuruq. Zülmə, fəsada, alçaqlıq və rəzalətə düçar olmuş dünya Hüseynin təcəssüm etdirdiyi azadlıq və hürriyyət dəyərlərinə möhtacdır. Bu gün dünya xalqlarının, gənclərinin və qərəzsiz xalqların belə bir həqiqət üçün ürəkləri döyünür.
17/06/2025
İmam Hadinin (əleyhissalam) həyatı müqavimət və mübarizə ilə dolu bir həyatdır. Bu böyük İmamın xüsusiyyətləri gənc yaşda vəfat etmək, ömrü boyunca cihad, Allah yolunda heç nə ummadan çalışmaq, çətinliklərdən, (zalım) güclər və güclülərdən qorxmamaq, Allah yolunda vüqar və təmkin nümayiş etdirmək və Allah müqabilində bəndəlik və təvazökarlıq etməkdən ibarətdir.
24/04/2025
İmam Cəfər Sadiqin (əleyhissalam) şəhadətinin ildönümü münasibətilə matəm mərasimi bu gün səhər 24.04.2025-ci il tarixdə cümə axşamı İslam İnqilabı Rəhbərinin iştirakı ilə keçirilib.
24/04/2025
İmam Cəfər Sadiqin (əleyhissalam) şəhadətinin ildönümü münasibətilə matəm mərasimi bu gün səhər 24.04.2025-ci il tarixdə cümə axşamı İslam İnqilabı Rəhbərinin iştirakı ilə keçirilib.
Video - İlk dəfə yayımlanır
Ayətullah Xameneinin müqəddəs Cəmkəran məscidində iştirak etdiyi anlar
14/02/2025
KHAMENEI.IR mediası "Nimeyi-Şaban" İmam Mehdinin (ə.c.) mübarək mövludu münasibətilə "Cəmkəran mehrabı" adlı klip yayımlayır. Bu klipdə İslam İnqilabı Rəhbərinin müqəddəs Cəmkəran məscidindəki iştirakı yer alır.
Həzrət Ayətullah Xameneinin müqəddəs Cəmkəran məscidinə ziyarəti onun ilin müxtəlif vaxtlarında həyata keçirdiyi müntəzəm proqramlardan biridir. Yayınlanan video da bir müddət əvvəl baş tutmuş belə proqramlardan biridir.
"Cəmkəran mehrabı" ifadəsi isə illər öncə İnqilab Rəhbərinin Həzrət Mehdiyə (ə.c.) ithafən yazdığı bir qəzəldən götürülüb:
"Qozare ğəm del ra məgər konəm çu "Əmin" Coda ze xəlq be "Mehrabe-Cəmkəran" bi to"
01/02/2025
Zeynəbi-Kübranın (ə) əzəmətli səbir və duruşu nəticəsində bu gün dini dəyərlərin dünyada geniş yayılmış olduğunu görə bilirsiniz.
Mətndən çıxarış
İmam Hadinin (ə) şəhadəti münasibətilə keçirilən rövzə mərasiminin axırında olunan çıxış
04/01/2025
Əgər İmam Hadinin (əleyhissalam) bu səyləri olmasaydı, bu gün biz “Ziyarəti-Camiə”yə malik olmazdıq və o ziyarətdə olan özünə xas maarif şiələrin əlində çatmayacaqdı.
Plakat
Belə xalq zəlil olar
15/12/2024
Əmirəlmöminin buyurdu: "Öz evində düşmənlə mübarizə aparan millət zəlil olar, düşmənin evinizə qədər gəlib çatmasına imkan verməyin". Buna görə də qüvvələrimiz, görkəmli generallarımız, əziz şəhidimiz Süleymani, onun dostları və həmkarları, gənclərimiz Suriya və İraqa getdilər. İlk öncə İraqda, daha sonra Suriyada oranın öz cavanlarını təşkilatlandırdılar, silahlandırdılar. İŞİD-in müqabilində dayandılar, İŞİD-in belini qırdılar və ona qalib gələ bildilər.
22/09/2024
Adətən, belə təsəvvür edilir ki, İmam Sadiq əleyhissalam minbərdə otururdu və dörd min nəfər ətrafına yığılırdı. Amma belə deyildi...İmamın uzun ömür sürdüyü müddətdə dörd min nəfər tədricən o Həzrətin hüzuruna yetişiblər. Belə deyildi ki, xəlifələr İmama oturub danışmağa icazə versinlər. İmamın həyatı aram və rahat bir həyat olmayıb.
Plakat
Bu göz yaşı köhnəlməz
21/07/2024
İmam Hüseyn (əleyhissalam) üçün ağlamağın və ağlatmağın öz yeri vardır. Məbada kimsə belə düşünə ki, ağlamağın nə yeri var, artıq bu işlər köhnəlib! Xeyr, bu, batil düşüncədir.
11/07/2024
İmam Hüseynin (ə) Kərbəladakı işi pak və mütəhhər cəddi Həzrət Məhəmməd ibn Əbdulllahın besətdəki işi ilə oxşar və müqayisə olunasıdır. Məsələ bundan ibarətdir. Necə ki, Peyğəmbər besətdə təkbaşına bir dünya ilə üzbəüz oldu, İmam Hüseyn (ə) də Kərbəla hadisəsində təkbaşına bir dünya qarşısında dayandı.
22/06/2024
Bura mələklərin təvaf etdiyi Əli bin Musər-Rzanın (Allahın salamı olsun ona) məzarıdır.
Allahın diqqət mərkəzində olan bir məkandır.
Təmiz qəlblər, sevgi dolu ürəklər, qəlbən bu pak ailəyə bağlananlar öz sevgi dolu qəlbləri ilə Uca Allahla danışırlar.
O məkan səkkizinci İmamın bərəkətindən zikr, (Allaha olan) diqqət və tövhid mərkəzidir.
07/06/2024
İmam Cavad (ə) müqavimətin göstəricisidir. 25 yaşında şəhadətə yetişmiş, qısa ömür sürmüş böyük bir insandır. Hiyləgər Abbasi xalifəsi olan Məmunla mübarizə aparmış və heç vaxt bir addım belə geriyə çəkilməmiş və bütün ağır şəraitə dözmüşdür və mümkün olan bütün mübarizə metodları ilə mübarizə aparmışdır.
07/06/2024
Bu ləyaqətli Allah bəndəsinin (İmam Cavadın) qısa həyatı küfr və tüğyanla mübarizədə keçmişdir. İmam Cavad (ə) camaata bunu demək istəyirdi ki, mən İslam və Peyğəmbər ailəsinin tərəfdarıyam. İmam Rza (ə) və İmam Cavad (ə) Məmunun hiyləgər və riyakar çöhrənisi üzə çıxarmaqdan ötrü var gücləri ilə çalışırdılar və buna da müvəffəq oldular.
07/06/2024
İmam Cavad (ə) müqavimətin göstəricisidir. 25 yaşında şəhadətə yetişmiş, qısa ömür sürmüş böyük bir insandır. Hiyləgər Abbasi xalifəsi olan Məmunla mübarizə aparmış və heç vaxt bir addım belə geriyə çəkilməmiş və bütün ağır şəraitə dözmüşdür və mümkün olan bütün mübarizə metodları ilə mübarizə aparmışdır.
Bu ləyaqətli Allah bəndəsinin (İmam Cavadın) qısa həyatı küfr və tüğyanla mübarizədə keçmişdir. İmam Cavad (ə) camaata bunu demək istəyirdi ki, mən İslam və Peyğəmbər ailəsinin tərəfdarıyam. İmam Rza (ə) və İmam Cavad (ə) Məmunun hiyləgər və riyakar çöhrənisi üzə çıxarmaqdan ötrü var gücləri ilə çalışırdılar və buna da müvəffəq oldular.
28/05/2024
Əksər imamlar tanınmayıblar. İmam Həsən Müctəba (ə) o əzəməti ilə tanınmayıbdır. Həzrət Museyi-Kazim (ə), Həzrət Hadi (ə) və İmam Cəfər Sadiq (ə) o böyüklükdə və fövqəladə təşkilatlanma ilə dünyada tanınmayıblar.
27/05/2024
Şiə cəmiyyəti içərisində imamlara mərifət cəhətdən çox nöqsanlarımız vardır. Bəzən bir cəhətə aşırı dərəcədə və səthi surətdə (dəlillərlə) diqqət ayrılıb, digər cəhətlər isə diqqətdən kənarda qalıb. Bəzən də, hətta bu ifrat dərəcədə yanaşılana da diqqət edilməmiş və elə həmin zahiri məsələlər və zahiri diqqətlərlə kifayət olunmuşdur.
24/05/2024
Məncə, biz şiə cəmiyyəti olaraq bizim üzərimizə düşən böyük bir vəzifə öz imamlarımızı dünyaya tanıtdırmaqdır.
Son
