Şəhid olduğumuz zaman qələbə həyata keçir. Allahla və daha aramızda olmayan şəhidlərlə görüşmək şövq və həsrətindən bu dünya mənə daralıb." Tehran cümə namazındakı çıxışdan: "Əzizlərim, vəfalı Livan xalqı, Hizbullah və Əməlin coşqulu gəncləri! Hamımız əziz seyidin şəhadətə yetişməsinə görə müsibətə düçar olmuşuq və yas içindəyik.  Əlbəttə, yasımız ruh düşkünlüyü, pərişanlıq, ümidsizlik mənasında deyil, Seyyidüş-Şühəda Hüseyn ibn Əlinin yasına bənzər bir yasdır. Hizbullah, həqiqətən, "Pak ağac"dır. Hizbullah və onun qəhrəman və şəhid rəhbəri Livanın tarixi və kimlik fəzilətlərinin xülasəsidir. Hizbullah və şəhid seyid Qəzzanı müdafiə etmək və Məscidül-Əqsanın müdafiəsi uğrunda cihad apararaq bütün bölgəyə və bütün İslam aləminə həyati bir xidmət yolunda addım atdılar. Allahın salamı şəhid rəhbər Nəsrullahın üzərinə olsun...

Bu gün İranın müdafiə gücü dillərə düşüb, İranın dostları bu müdafiə gücü ilə fəxr edirlər və İranın düşmənləri bu müdafiə gücündən qorxurlar, bu bir xalq və ölkə üçün çox mühüm məsələdir.

Həzrət Ayətullah Xamenei Şərqi Azərbaycan və Təbriz əhalisi ilə görüşdə Səttarxan barədə bir hadisəni nəql edir. Bu video klip bu barədədir. Ayətullah Əl-Üzma Seyid Əli Xamenei:   Çarın (Rusiya) məmurları Səttarxana israr edirdilər ki, evinin üstünə ağ bayraq tax ki, orada olan rus qoşunlarının hücumundan qorunasan. Səttarxan isə cavabında dedi: "Mən Əbülfəzl Abbasın bayrağı altındayam, onun tədbiri ilə desək, "Beydəq", başqa heç kimin bayrağı altına girmərəm". 17.02.2025

1978-cı il fevral ayının 18-də Təbriz əhalisinin tarixi qiyamının ildönümündə bu səhər (17.02.2025) minlərlə Şərqi Azərbaycan əhalisi İslam İnqilabının Rəhbəri ilə görüşdü.

KHAMENEI.IR mediası "Nimeyi-Şaban" İmam Mehdinin (ə.c.) mübarək mövludu münasibətilə "Cəmkəran mehrabı" adlı klip yayımlayır. Bu klipdə İslam İnqilabı Rəhbərinin müqəddəs Cəmkəran məscidindəki iştirakı yer alır. Həzrət Ayətullah Xameneinin müqəddəs Cəmkəran məscidinə ziyarəti onun ilin müxtəlif vaxtlarında həyata keçirdiyi müntəzəm proqramlardan biridir. Yayınlanan video da bir müddət əvvəl baş tutmuş belə proqramlardan biridir. "Cəmkəran mehrabı" ifadəsi isə illər öncə İnqilab Rəhbərinin Həzrət Mehdiyə (ə.c.) ithafən yazdığı bir qəzəldən götürülüb: "Qozare ğəm del ra məgər konəm çu "Əmin" Coda ze xəlq be "Mehrabe-Cəmkəran" bi to"

Hegemonların ünsürləri Suriyadakı bu hadisələrdən sonra sevinc halındadırlar, bu düşüncə ilə ki, müqaviməti dəstəkləyən Suriya hökumətinin süqut etməsi ilə artıq müqavimət cəbhəsi zəifləyib. Bu hadisələrlə müqavimət cəbhəsinin zəiflədiyini düşünənlər müqavimətin özü və müqavimət cəbhəsi haqqında düzgün bir anlayışa malik deyillər. Onlar müqavimət cəbhəsinin, əslində, nə olduğunu bilmirlər. Müqavimət cəbhəsi məhv edilə bilən bir texniki vasitə deyil. Müqavimət bir iman və təfəkkürdür, (həmçinin) qəlbi və qəti qəbul edilən bir qərardır, müqavimət məktəbdir, etiqadi bir məktəb. Bir qrup insanın imanı olan bir düşüncə təzyiq göstərməklə nəinki zəifləmir, əksinə, daha da güclənir. Müqavimət budur : hər nə qədər təzyiq etsəniz, bir o qədər möhkəmlənəcək, hər nə qədər cinayət törətsəniz, bir o qədər yüksək ruhiyyə əldə edəcəkdir, onlarla nə qədər çox döyüşsəniz, onlar daha da genişlənəcəklər. Allahın qüdrət ilə müqavimətin genişlənməsi keçmişdəkindən daha artıq bütün regionu əhatə edəcəkdir.

Müqavimət və müqavimət cəbhəsi budur. Hər nə qədər təzyiq etsəniz, bir o qədər möhkəmlənəcək və hər nə qədər cinayət törətsəniz, bir o qədər yüksək ruhiyyə əldə edəcəkdir. Onlarla nə qədər çox döyüşsəniz, onlar daha da genişlənəcəklər və mən sizə qeyd edirəm ki, Allahın qüdrət və qüvvəti ilə müqavimətin genişlənməsi keçmişdəkindən daha artıq regionu əhatə edəcəkdir. Müqavimətin mənasını anlamayan cahil təhlilçi elə düşünür ki, müqavimət zəifləyərsə, İran İslam Respublikası da zəifləyəcəkdir, mən deyirəm ki, Allahın gücü və qüdrət ilə Allahın izni ilə İran güclüdür, qüdrətlidir və daha da qüdrətli olacaqdır.

Suriyada baş verən hadisənin Amerika və sionist rejimin ortaq planının məhsulu olmasına şübhə edilməməlidir. Düzdür ki, Suriyanın qonşu ölkələrindən biri bu zəmində açıq-aşkar rol ifa edib və indi də edir. hal-hazırda da etməkdədir. Bunu hər kəs müşahidə edir. Lakin bu fitnə və planın ən əsas amili, eləcə də əsas göstəriş otağı Amerika və sionist rejimdədir. bu haqda dəlillərimiz vardır. Bu dəlilillər insan üçün heç bir şübhə yeri qoymur.

"Yorulmaq bilməyən mücahid", şəhid Seyid Həsən Nəsrullahın İslam İnqilabının Rəhbəri ilə əvvəllər yayımlanmamış görüşlərindən bəzi məqamlar

Bu Livan və Fələstin hadisələri də eynilə bizim təhmili döyüş (İran-İraq döyüşü) və Müqəddəs Müdafiə illəri hadisəsi kimidir, bu da Allah yolunda cihaddır. İslami olan bir ölkə, yəni Fələstin dünyanın ən xəbis kafirləri tərəfindən qəsb edilib, Fələstin və Məscidül-Əqsanı müsəlmanlara və öz həqiqi sahiblərinə qaytarmaq istiqamətində səy göstərmək və kömək etməyin hamıya vacib olması qəti olan şəri bir hökmdür.

“Fələstin” adlı parlaq tarixi kimliyə sahib müstəqil bir ölkə, Qərbin dəhşətli bir fitnəsi əsasında 20-ci əsrin qırxıncı illərində ingilisin başçılığı ilə o millətdən qəsb edib silah, qırğın və aldatmaq gücünə, əsasən, Avropa ölkələrindən köçürülən camaatın ixtiyarına verildi. Bu böyük qəsb şəhərlərdə və kəndlərdə bir dəstə müdafiəsiz insanların kütləvi qırğını ilə yanaşı idi Dünya (bunu) unutmayıb və unutmayacaq o günü ki Ariel Şaron adlı bir cinayətkar qatil Səbra və Şətilanı qan gölünə çevirdi Amerika rəsmilərinin zehnində terrorizm məfhumu yanlış bir məfhumdur. Onlar terrorizmi yanlış məna ediblər; elə bir tərzdə məna edirlər ki, Səbra və Şətila (yəni fələstinlilərin iki yaşayış düşərgəsi) əhalisinin bir gecədə soyqırım və qətliamı terrorizm hesab olunmur! Qondarma sionist rejimin başçılarında olan vəhşilik və cinayət qərizəsi Fələstin facisəinin başlandığı ilk onilliklərdəki vaxtla heç bir fərq etməyib, həmin siyasət, həmin yırtıcılıq və amansızlıq əxlaqı Səbra və Şətila faciəsini vücuda gətirdiyi Kimi bu gün də eynilə zamanə tağutlarının zülmət içində olan zehn və qəlblərinə hakimdir Əlbəttə, bu gün inkişaf etmiş texnologiyalardan yararlanmaqla cinayətin əhatə dairəsi kifayət qədər genişlənib və daha faciəvi olub Yırtıcı və qaniçən düşmən- qəsbkar terrorist rejim cinayət üçün bir hədd-hüdud bilmir. Bunlar dövlət deyillər, bunlar cinayətkar bir bandadırlar, qatil bir bandadırlar, terrorist bir bandadırlar.

Düşmənin hərbi meydana daxil olduqda yaratdığı psixoloji savaş  (müqabil tərəfdə) qorxu və geri çəkilməklə nəticələnir. Qurani-Kərim bu geri çəkilmənin, əslində, Allahın qəzəbinə səbəb olduğunu bəyan edib açıqlamışdır: "Hər kəs o gün o mövqedə (döyüşü davam etdirmək üçün başqa bir yer axtaran və ya (döyüşçü) dəstəyə qoşulmaq üçün yeni bir mövqe seçən şəxs istisna olmaqla) onlara arxa çevirərsə, mütləq, Allahın qəzəbinə düçar olar". Sizə hücum edən bir düşmənlə qarşılaşsanız (hücum edənlərin müxtəlif növləri var, məsələn, biri qılıncla və meydanda üz-üzə hücum edəndir, biri təbliğat hücumçusu, biri iqtisadi hücumçu, digəri isə yeni texnologiyalara malik hərbi hücumçudur), əgər qeyri-taktiki olaraq geri çəkilsəniz (əlbəttə, bəzən geri çəkilmək taktikidir, bəzi vaxtlarda geri çəkilməyin özü irəliləmək kimi bir taktikadır və bunun eybi yoxdur; Quran buyurduğu kimi, "...Döyüşü davam etdirmək üçün başqa bir yer axtaran və ya (döyüşçü) dəstəyə qoşulmaq üçün yeni bir mövqe seçən şəxs istisna olmaqla"), bu mövqelərdən başqa halda geri çəkilsəniz,  "Allahın qəzəbinə düçar olar".

KHAMENEI.IR mediası "Hörmətli qonağı uğurlama" adlı videoklipdə İnqilab Rəhbərinin cənazə namazı və böyük mücahid şəhid İsmayıl Haniyənin dəfn mərasimini gözdən keçirib.

İslam İnqilabının Rəhbəri 01.08.2024-cü il tarixdə cümə axşamı günü Tehran Universitetində HƏMAS-ın siyasi bürosunun rəhbəri şəhid İsmayıl Haniyə üçün cənazə namazı qıldı.

Şəhid İsmayıl Haniyənin İslam İnqilabının Rəhbəri ilə son görüşündən olan anlar

Həzrət Seyyidüş-Şühədanın (ə) əzadarlıq mərasimi 16.07.2024-cü il tarixdə cümə hicri-qəməri təqvimi ilə 1446-cı ilin Məhərrəm ayının 11-ci gecəsi, yəni şami-qəriban məclisi İnqilab Rəhbərinin və Əhli-beyt aşiqlərindən ibarət bir qrup insanların iştirakı ilə İmam Xomeyni (r.ə) hüseyniyyəsində keçirildi ​

Bu əzizi itirdikdən sonra gördüm, demək olar ki, bütün qəzetlər, bütün mətbuat virtual məkanda müxtəlif cərəyanlardan olan müxtəlif insanlar onun xidmətlərindən, gecə-gündüz tanımadan etdiyi fəaliyyətlərdən danışırlar. onun işini təqdir edirlər və tərifləyirlər.  Ürəyim yandı. Ürəyim Rəisinin halına yandı.

Bura mələklərin təvaf etdiyi Əli bin Musər-Rzanın (Allahın salamı olsun ona) məzarıdır. Allahın diqqət mərkəzində olan bir məkandır. Təmiz qəlblər, sevgi dolu ürəklər, qəlbən bu pak ailəyə bağlananlar öz sevgi dolu qəlbləri ilə Uca Allahla danışırlar. O məkan səkkizinci İmamın bərəkətindən zikr, (Allaha olan) diqqət və tövhid mərkəzidir.

Hər il təşkil olunan bu böyük yığıncaq mühüm bir hədəf güdməklə yanaşı, İran millətinin ehtiyac duyduğu bir hadisədir. Bu gün də mən əzəmətli İmam Xomeyninin baxış bucağından keçən ilin xordad ayından bu günə kimi baş verən iki mühüm mövzu haqda mətləb qeyd edəcəm. Fələstin məsələsinə gəldikdə, əzəmətli İmam Xomeyninin Fələstinin gələcəyi ilə bağlı proqnozlaşdırdığı məsələ bu gün tədricən həyata keçməkdədir. Əzəmətli İmam Xomeyninin Fələstin barədə istədiyi məsələ bu idi ki, saziş müzakirələrinə ürək bağlanmasın. İmam Xomeyninin nəzəri bu idi ki, Fələstin xalqının özü öz haqlarını geri qaytarmalı və düşməni geri çəkilməyə məcbur etməlidir. Bu gün bu hadisə həyata keçibdir. Fələstinlilər Əqsa fırtınası əməliyyatında meydana daxil oldular, fəaliyyətə və hərəkətə keçdilər və düşməni meydanın elə bir küncünə sıxışdırdılar ki, qaçmaq üçün heç bir yol, xilas olmaları üçün heç bir vasitə yoxdur. İki əsas və zəruri məqam. Bir məqam budur ki, 7 oktyabrda baş verən Əqsa fırtınası əməliyyatı eynilə məntəqənin ehtiyac duyduğu bir hadisə idi. Amerika və sionist ünsürləri tərəfindən hərtərəfli və geniş bir plan cızılmışdı və hədəf də məntəqənin hesablamarını dəyişmək idi. Bunun mənası sionist rejimin bütün Qərbi Asiyanın, daha doğrusu, bütün İslam dünyasının siyasət və iqtisadiyyatına yiyələnmək idi. 7 oktyabr fırtınası düşmənin tam dəqiqlik və incəliklə hazırladığı planı puça çıxardı. İkinci məqam budur ki, bu əməliyyat sionist rejimə həlledici bir zərbə idi, özü də heç bir əlacı olmayan zərbə. Sionist rejim bu zərbənin təsirindən elə bəlalara düçar oldu ki, bu bəlalardan xilas ola bilməyəcəkdir. Amerika sionist rejimi himayə edir, bir çox Qərb dövlətləri dəstəkləyirlər, lakin hamısı etiraf edir və bunu qəbul edirlər ki, sionist hökuməti üçün meydana gələn şərait elə bir şəraitdir ki, ondan qurtulmağın həll yolu yoxdur. Əqsa fırtınası belə bir möcüzə etdi; sionist rejimi elə bir yola gətirib çıxarıb ki, bu yolun sonu məhv olub aradan getməkdən başqa bir şey deyil. Siz ki görürsünüz, sionist rejim belə bir şiddət və qəsavətlə Qəzzanın müdafiəsiz əhalisinə hücum edir, bu hücum həmin planın puça çıxmasına əsəbi bir reaksiyadır. Biz sionist rejimin sona çatmasının başlanğıc dönəmindəyik. Sionist rejim dünya əhalisinin gözü önündə tədricən əriyib aradan gedir. Artıq məhv olmaq üzrədir.

İslam İnqilabının Ali Rəhbəri Həzrət Ayətullah Məkarim Şirazinin xəstəliyi və xəstəxanaya yerləşdirilməsi ilə əlaqədar Tehran xəstəxanalarından birində onu ziyarət edib.

İmam Cavad (ə) müqavimətin göstəricisidir. 25 yaşında şəhadətə yetişmiş, qısa ömür sürmüş böyük bir insandır. Hiyləgər Abbasi xalifəsi olan Məmunla mübarizə aparmış və heç vaxt bir addım belə geriyə çəkilməmiş və bütün ağır şəraitə dözmüşdür və mümkün olan bütün mübarizə metodları ilə mübarizə aparmışdır. Bu ləyaqətli Allah bəndəsinin (İmam Cavadın) qısa həyatı küfr və tüğyanla mübarizədə keçmişdir. İmam Cavad (ə) camaata bunu demək istəyirdi ki, mən İslam və Peyğəmbər ailəsinin tərəfdarıyam. İmam Rza (ə) və İmam Cavad (ə) Məmunun hiyləgər və riyakar çöhrənisi üzə çıxarmaqdan ötrü var gücləri ilə çalışırdılar və buna da müvəffəq oldular.

Onun xəstə yatağına çatdıqda halım dəyişdi, özümü saxlaya bilmədim və ağlamağa başladım, narahat oldum. Sonra o, mehribanlıq göstərdi və məhəbbətlə baxdı. Bir neçə cümlə dedi və o qısa cümlələri zehnimdə saxladım. Çölə çıxdım və o cümlələri yazmağa başladım. İmamın (r.ə) eynilə dediklərini yazdım, özümdə saxladım. Onun zehnində ən mühüm sözü də adəti üzrə, orada gərək bizə deyərdi, yəni həssas bir mövqe idi və mən də məsuliyyət daşıyırdım (hökumət başında idim). Onun dediyi cümlə: "Kafirlərə qarşı sərt olun və öz aranızda isə mehriban". Zənnimcə, İmamın vəsiyyəti (İmamın yazdığı otuz səhifəlik vəsiyyət) bu bir neçə cümlə ilə xülasələşə bilər. Güclü olun, zəiflik göstərməyin, Allaha söykənib, zalımlara qarşı sərt, öz aranızda isə mehriban olun. Əgər birgə olsanız, heç kəs sizə zərər yetirə bilməz.

Bu ağır hadisədə Təbrizin sevimli və mötəbər imam-cüməsi höccətül-İslam, vəl-müslimin Ali Haşim, mücahid və fəal xarici işlər naziri cənab Əmir Abdullahian, Şərqi Azərbaycan əyalətinin inqilabi və dindar meri cənab Malik Rəhməti kimi görkəmli şəxsiyyətlər, uçuş ekipajı və bir dəstə həmkarları İlahi rəhmətə qovuşdular.​

Çox kədər və təəssüflə mücahid alim, xalqmehvər prezident, çox çalışan və İmam Rza (əleyhissəlam) xadimi cənab höccətül-İslam, vəl-müslimin Hacı Seyid İbrahim Rəisi və onu müşayiət edənlərin şəhadət sayağı ölümü nəticəsində dünyalarını dəyişməsinin acı xəbərini aldım.​

Fələstinlilərə kömək etmək yolunun sionist rejimlə rabitə yaratmaq və əlaqə qurmaq olduğunu düşünsək, bu, çox böyük bir səhv olar. Bu qırx ildə sionist rejimin cinayətləri azaldı məgər?! İnsafən, sionist rejim də rəzillik və cinayətin ən son həddini törətməkdədir. Daha bundan artıq və bundan xəbis iş çox az zehnə gələ bilər. Əllərindən gələn hər bir qələti edirlər. Həm ABŞ himayə edir, həm də Avropa. Fələstin həm məzlumdur, həm də qüdrətli; məzlum qüdrətli. Bu gün Fələstin belədir, yəni, həqiqətən də, qüdrətlidir. Fələstinli gənclər Fələstin hadisənin unudulamasına imkan vermirlər. Dayanıblar düşmənin təcavüzü qarşısında, cinayəti müqabilində. Qarşıda Qüds Günü vardır. Məncə, bu il Qüds Günü digər illərdəkindən fərqli olacaqdır. Qüds Günü yaxşı fürsətdir ki Fələstin xalqı ilə həmrəylik və sıx əlaqə göstərilsin, onlara müsbət ruhiyyə ötürülsün və sözün həqiqi mənasında bu meydanlarda olmaları üçün onların qəlbinə qüvvət verilsin.

İslam İnqilabının Ali Məqamlı Rəhbəri Ayətullah Xamenei bu gün səhər (bazar ertəsi) təqvalı və böyük xidmətləri olmuş alim Ayətullah İmami Kaşaninin cənazəsi üzərində Fatihə oxuyub onun cənazə namazını qılmışdır.

1978-cı il fevral ayının 18-də Təbriz əhalisinin tarixi qiyamının ildönümündə bu səhər (18.02.2024) bir qrup Şərqi Azərbaycan əhalisi İslam İnqilabının Rəhbəri ilə görüşdü ​

Mərhum Mirzə Kiçik xan Cəngəlinin məsələsi xüsusi bir məsələdir. Meşə hərəkatı ilə eyni vaxtda ölkənin müxtəlif yerlərində bir sıra başqa böyük hadisələr baş verdi - məsələn Təbrizdə mərhum Şeyx Məhəmməd Xiyabani və ya Məşhəddə Polkovnik Məhəmməd Təqi Xan Pesian - bunların hamısı demək olar ki, eyni vaxtda baş verdi, lakin meşə məsələsi xüsusi bir məsələdir. Mirzə Kiçik xan Cəngəlinin hərəkatında olan xalq yönümlü olmaq və onun işindəki nəcibliyin o dönəmdə bütün İranda o hərəkatla eyni zamanda baş verən iki-üç hadisə ilə heç bir oxşarlığı yoxdur. Mirzə Kiçik xan ruhanidir, tələbədir. Rəşt hövzəsinin özündə o dövrdə böyük şəxsiyyətlər var idi ki, onlardan bəhrələnmək fürsəti olub, bunda heç bir şəkk-şübhə yoxdur. Buna görə də Mirzə Kiçik xan hərəkatının mənşəyi yüz faiz dini və etiqadidir. İnsan müşahidə edir ki, öz təşkilatları daxilində müxaliflərin olmasına baxmayaraq, onun ətrafındakı İfratçılar deyirdilər ki, biz onları döyüb yatırtmalıyıq! (Amma) Mirzə Kiçik xan qoymurdu, onların qarşısını alırdı və bu işi görməklərinə mane olurdu. Yəni davranış da dini davranışdır. Bildiyiniz kimi o zaman marksist hərəkatının hay-küy salması və Sovet İttifaqının yaranması, dünyada və xalqlar arasında (bu zəmində) baş verən səs-küy, onun bəzi xalqlar üçün yaratdığı cazibə təbii olaraq bəzi insanları özünə cəlb etdi və yaxın adamları da ona eyni şəkildə xəyanət etdilər. Lakin bu kişi həm İslam dininə bağlı olduğuna görə marksist təfəkkürə cəlb olunmadı və o nəzəriyyəni açıq-aşkar və qəti şəkildə rədd etdi, həm də xarici qüvvələrlə müxalif idi. Yəni bu siyasətin xaricilərdən gələn bir siyasət olduğuna görə idi. İngilislər, Qazax rusları və bu kimi hakim qurumlarla qarşı-qarşıya dursa da, eyni zamanda o tərəfə də cəlb olmadı. Öz müstəqilliyini qorudu. Halbuki (bu hərəkat) yüz faiz İslami və İrani bir hərəkatıdır. O, Rəştdə və özünə xas ərazidə - Gilanda İslam quruluşunun və İslam Respublikasının miniatür vahidini yaratdı.

İmam Xomeyninin vəfatından sonra onun bir çox arzuları həyata keçdi; ölkənin özünəinamı və öz imkanları ilə kifayətlənməsi, ölkənin elmi və texnoloji tərəqqisi, siyasi inkişafı, İslam Respublikasının nüfuzunun Qərbi Asiya və Şimali Afrikanın geniş məntəqəsində vüsət tapması. Bu arzuların bir çoxu həyata keçib və başqa bir çox arzuları da Allahın izni ilə həyata keçəcəkdir. Qüds Gününü müsəlmanlar canlı saxlamalıdırlar. Mən İsrailin hərislikləri haqda xəbərdarlıq etdim ki, belə deyil ki, o, qəsb etdiyi torpaqlarla kifayətlənsin. Gördünüz ki, Qüdsdə öz paytaxtını elan etdi. Bu arzuların bir çoxu həyata keçib və Allahın izni ilə başqa bir çox arzuları da həyata keçəcəkdir. Alicənab İmam Xomeynimizin İslam Respublikası günbəgün daha çox yüksəliş və əzəmət əldə edəcəkdir.

Dünyanın bugünkü qadını örnək istəyir. Əgər onun örnəyi Zeynəb və Fatimeyi-Zəhra olarsa, onun işi düzgün dərk etməkdən, mövqeyini dərk etməkdə sayıq olmaqdan, fədakarlıqla yanaşı ən gözəl işləri seçməkdən və hər şeyin bahasına olsa da, Allahın insanların çiyninə qoyduğu bütün böyük öhdəlikləri yerinə yetirməkdə dayanıqlı olmaqdan ibarət olacaqdır. Bir qadının ki örnəyi Fatimeyi-Zəhra və yaxud Zeynəbi-Kübra olarsa, nəticə bu olacaq. Əgər qadın cah-cəlalın, kef çəkməyin, ötəri həvəslərin, həmçinin təməli və kökü olmayan hisslərə təslim olarsa, o yolu gedə bilməyəcəkdir. (Tərəqqiyə tərəf) Yol gedən adamın ayağı hörümçək toruna bənzər bu bağlılıqlardan qurtulmalıdır ki, o yolu gedə bilsin.

Allah, inşallah, məqamını uca etsin. Xoş onun halına. Bir ömür zəhmət və çalışmaq, axırı da aləmlərin Rəbbinin (nəsib etdiyi) şəhadət mükafatı! Siz (ailəsi) də onun mükafatında şəriksiniz.

İslam İnqilabının Ali Məqamlı Rəhbəri Ayətullah Xamenei bu gün səhər (cümə axşamı) 28.12.2023-cü il tarixdə şəhid Seyid Rəzi Musəvinin cənazəsinin yanında iştirak edərək onun ruhuna "Fatihə" oxuyub, o başıuca şəhidə meyit namazı qıldı. ​

Uca Allah Musaya və Haruna Fironun yanına getməyi əmr etdi. Təbii ki, bu, əzəmətli bir iş idi. İki nəfərin o günün əzəmətli bir qüdrəti ilə təkbaşına üzləşməsi və mübarizə aparmaq üçün getməsi (çox böyük bir işdir). Fironun qüdrəti çox əzəmətli bir qüdrət idi. Həzrət Musa dedi: “Pərvərdigara! Bəli, biz getsək mümkündür ki məsələn bizi öldürüb qətlə yetirsinlər, (nəticədə) işimiz yarımçıq qalsın”. (Təbii ki ) Öldürülməkdən qorxmurdular. Allah-təala Həzrət Musaya buyurdu: “Şübhəsiz, mən sizinləyəm, eşidirəm və görürəm”. Qorxmayın, qorxmayın! Vahiməyə düşməyin! Hesablamada səhvə yol verməyin, Allah sizinlədir. “Şübhəsiz, mən sizinləyəm, eşidirəm və görürəm”. Bədr döyüşündə kafirlər öz bütlərinin adlarını şüar olaraq səsləndirməyə başlayanda Peyğəmbər müsəlmanlara “Allahu Məvlana və la Məvla ləkum” demələrini buyurdu.   Allah bizim mövlamızdır, himayədarımızdır, gücümüz onun qüdrətinə arxalanır və sizdə (isə) bu yoxdur! İran millətinin qüdrətinin əsas və mühüm hissəsi Allahın himayəsinə etimada görədir. “Süstləşməyin və kədərlənməyin ki, əgər (həqiqi) mömin olsanız, siz üstünsünüz”. Əgər qəlbdə və əməldə iman olarsa, dağlar bir cəmiyyət, bir dəstə və bir qüdrətli şəxsin qarşısında hamar olar! Firon hakimiyyətinin yaratdığı o qeyri-adi çətinliklərdə Musa öz qövmünə dedi: “İstəinu billahi vəsbiru” “Allahdan kömək istəyin, səbr edin və müqavimət göstərin”. “Şübhəsiz, yer üzü Allaha məxsusdur və istədiyini onun varisi edər. (Gözəl) Aqibət pərhizkarlarındır”. Mühüm olan budur! Bəziləri dedilər ki, biz ələ keçdik, lakin Allah-təala öz qüdrətini göstərərək Firon və onun qövmünə qələbə çaldı. Mən sizə deyirəm: “İnnə məiyə Rəbbi”. Bilin, Allah bizimlədir. Allahın bizimlə olmasının mənası iki nəfər əliyalını təkbaşına Fironla döyüşə göndərə bilməsidir. Bütün imkanlardan istifadə edirlər, bu mübarək inkişafı, bu İslam Respublikasını, bu təcəssüm etmiş inqilabı məğlub etmək üçün və (lakin) edə bilmədilər. Allah bizim mövlamızdır. İnanmayanlar bu qırx ilə baxsınlar! Bu qırx ildə dünyanın maddi qüdrətinin mərkəzi sayılan düşmənlərimiz bütün vücudları ilə bir araya gəldilər və bu inqilab və hərəkatın qarşısında dayandılar, zərbə vurdular və bütün güclərini sərf etdilər. Bütün vücudları ilə bir araya gəldilər və bu inqilab və hərəkatın qarşısında dayandılar, zərbə vurdular və bütün güclərini sərf etdilər. Qırx ildən sonra onlar ilk gündəkindən daha zəifdirlər, biz isə ilk gündəkindən daha güclü, bu onu göstərir ki, (Allahın buyurduğu kimi) “Mən sizinləyəm”, (bəli) Allah-təala bizimlədir, “Eşidirəm və görürəm”. Bu inqilab çox qəribədir, bu (inqilab) hələ bundan sonra da dünya hegemonlarına başağrısı verəcəkdir.

Əlimizdə olan çoxsaylı məlumatlarımız bunu bildirir ki, bu günlərin hazırkı siyasətini, yəni həmin son həftədə sionist rejimin daxilindəki siyasətləri a                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           merikalılar tənzilmləyirlər. Yəni siyasət yürüdənlər onlardır və bu baş verən işlər amerikalıların siyasətidir. Amerika cinayətkarların cinayətlərində qəti şəkildə şərikdir.  

İslam İnqilabı Rəhbərinin məktəb şagirdləri və universitet tələbələrilə görüşündə hamısı yeniyetmə və gənc məktəbli və universitet tələbələrindən ibarət iştirakçılar İnqilab Rəhbərini "Heydər, Heydər..." şüarı ilə həyacanlı şəkildə qarşıladılar.

İslam Respublikasının qəti nəzəri budur ki, sionist rejimlə münasibəti normallaşdırmaq qumarını özləri üçün örnək və iş metodu hesab edən dövlətlər zərər görəcəklər və onları uduzmaq gözləyir, səhv edirlər. Avropalıların dili ilə desək, uduzan atın üzərində mərc edirlər. Bu gün sionist rejimin vəziyyəti elə bir vəziyyət deyil ki, ona yaxınlaşmağa (hansısa) maraq mövcud olsun. Bu səhvi gərək etməsinlər. Qəsbkar rejim getmək üzrədir. Bu gün Fələstin hərəkatı bu 70-80 il ərzində olduğundan daha gümrahdır. Müşahidə edirsiniz ki, bu gün fələstinli cavanlar, Fələstin hərəkatı, işğalçılıq, zülm və sionizm əleyhinə hərəkat həmişəkindən daha coşqulu, daha gümrah və daha hazırlıqlıdır. İnşallah, bu hərəkat nəticəyə çatacaqdır və alicənab İmam Xomeyninin (r.ə) qəsbkar rejimi xərçəng xəstəliyi adlandırdığı kimi, inşallah, Fələstin xalqının və müqavimət qüvvələrin öz əli ilə bu xərçəng xəstəliyinin kökü bütün regionda kəsiləcəkdir.

Rəhmət və hidayət peyğəmbəri olan Həzrət Məhəmməd (s) və İmam Sadiqin (ə) mübarək mövlud günündə əhalinin bir qismi, hökumət məsulları, İslam ölkələri səfirləri və vəhdət konfransı qonaqları 03.10.2023-cü il tarixdə İslam İnqilabının Rəhbəri Ayətullah Xamenei ilə görüşüblər.

Ey Peyğəmbərimiz! Sənə beyət edənlərin (Allah-təala onların qəlblərində olandan xəbərdar idi) sadiqcəsinə olan beyətləri Allah-təalanın onların qəlbinə aramlıq və hüzur nazil etməsinə səbəb olur. İmam Xomeyniyə (r.ə) bu gün beyət edən şəxs (həqiqətdə) Peyğəmbərə (s) beyət etmişdir. Siz İmam Xomeyninin (r.ə) inqilab xəttini diri saxlamaqla, köhnəlməyə imkan verməməklə və köhnə rəngə boyanmasına əngəl olmaqla həqiqətdə Peyğəmbərə (s) beyət etmiş olursunuz. Siz bu gün inqilaba beyət etməklə, beyətinizi yeniləməklə Peyğəmbərə (s) beyət etmiş olursunuz.

Ehtiyatlı olmalıyıq ki, yolu yanlış getməyək, səhv etməyək və haqla batili səhv salmayaq. Quran bizlərə meyar verib. Quran buyurur ki, "Məhəmməd Allahın Rəsuludur. Onunla birlikdə olanlar". Bizim söhbətimiz bundan gedir ki, görəsən, biz Peyğəmbərləyik, ya yox? (Yol budur, axı). Bunun əlaməti vardır: "Onunla birlikdə olanlar kafirlərə qarşı sərtdir". Əgər siz görsəniz ki, getdiyiniz bu yol kafirləri şad edir, bilin ki, kafirlərə qarşı sərt deyilsiniz. Demək, Allah Rəsulu ilə deyilsiniz, Peyğəmbərlə birlikdə deyilsiniz. Amma əgər görsəniz ki, xeyr, bu getdiyiniz yol hegemonları, din və İslamın ziddinə olan zalım dövlətləri narahat edir, əsəbi edir, bəs, düz yoldur. Bu kafirlərə qarşı sərt olmaq deməkdir. Bu oldu meyar və ölçü. Gərək diqqətimizi cəmləyək, nə etdiyimizi və nə danışdığımızı bilək. Danışdığımız söz düşmənin planı istiqamətində olmamalı, düşmənin cədvəlinin pazıllarını tamamlamamalıdır. Bəzən mümkündür ki, bir nəfər qəflət edib bir hərəkət etsin və bir söz desin ki, düşmənin plan cədvəlini doldursun, bu, təhlükəlidir. Ehtiyatlı olmaq lazımdır ki, bu baş verməsin. Əgər biz ehtiyatlı olsaq, düşmən heç bir qələt edə bilməz, heç bir iş görə bilməz.

Sistan, Bəlucistan və Cənubi Xorasan məntəqəsindən minlərlə əhali 11.09.2023-cü il tarixdə bazar ertəsi günü İslam İnqilabının Rəhbəri ilə görüşdülər.