Cənab doktor! Ermənistanla Azərbaycanın ABŞ-da əldə etdiyi son razılaşmanı necə qiymətləndirirsiniz? Bu, bizim üçün təhdid sayıla bilərmi? Bu məsələyə dair ehtimal olunan tədbirlərimiz nədən ibarətdir?

• Ümumilikdə bu məsələ daha böyük bir planın tərkib hissəsidir və təkcə İrana aid deyil. Məsələ Mərkəzi Asiya və Qafqazdan geniş istifadə çərçivəsindədir. ABŞ, NATO və digərləri də buna, mütləq şəkildə şübhəli bir baxışla yanaşırlar, həm bir cür Rusiyaya təzyiqdir, həm də bizə. Amma əsas sual budur ki, bu addım İran üçün geosiyasi təcrid və basqı yarada bilər, yoxsa yox. Bu isə məsələnin bizimlə nə kimi əlaqəsi olduğuna baxmalıyıq. Bu barədə Ermənistanın Təhlükəsizlik Şurasının katibi mənimlə əlaqə saxladı və izah verdi, eləcə də Xarici İşlər Nazirliyi ilə, Prezidentlə əlaqə saxlayıb izah etdilər. Mən demirəm ki, onların bu davranışı dəqiq idi, daha dəqiq də ola bilərdilər. Amma dedikləri budur ki, biz sadəcə ticari bir iş görmüşük və müəyyən yolları asanlaşdırmaq istəyirik, heç bir halda şimal–cənub yolunu kəsmək niyyətində deyilik. Əlbəttə, bu məsələ sənədləşdirilməlidir, telefon danışığındakı sözlər kifayət deyil. Amma əgər sənədləşdirilsə və razılıq əldə olunsa, bu, bizim üçün geosiyasi təcrid yaratmaz, o bir məsələdir, bu isə başqa məsələ. Amma əgər qarşısını kəsərsə, onda yarada bilər. Deməli, hər şey bu hadisəyə necə yanaşacağımızdan asılıdır. Hazırda da məsələ bizimlə onların arasında müzakirə mövzusudur.

Yəni hazırda yer üzərində baş verən bu hadisə özü-özlüyündə bizim üçün zati bir təhlükə hesab olunmur?

• Bəli, öz-özlüyündə indilikdə təhlükə sayıla bilməz, bir şərtlə ki, deyilən addımlar atılsın. Əlbəttə, daim diqqət və nəzarət lazımdır, mən “Heç bir problem yoxdur” demirəm.

İran İslam Respublikasının analitik yanaşmasında həmin bölgədə geosiyasi təcrid və basqının nümunəsi necə tərif olunur ki, baş versə, biz onunla mütləq müxalif olaq?

• Geosiyasi basqı bu məkanda belədir ki, İranın Ermənistana yolu kəsilsin. Əgər yol kəsilərsə və İranın çıxışı olmazsa, bu, həqiqətən, təcrid və basqıdır. Amma Ermənistanın İrana verdiyi izahlar belə bir niyyətin olmadığını göstərir. Əgər doğrudan da təcrid olarsa, biz, mütləq, qarşısını almalıyıq. Amma indiyə qədərki izahlar göstərir ki, belə bir mövzu gündəmdə deyil. Əlbəttə, məsələ daha dəqiq araşdırılmalıdır və mən düşünürəm ki, Prezidentin ora səfəri bunu xeyli aydınlaşdıracaq.