Ayətullah Xamenei bayram namazının xütbəsində xalqı təbrik etdi:

"Fitr bayramı münasibətilə təbrik edirəm".

O Həzrət sionistlər barədə belə buyurdu:

"Sionist cinayətkar qruplaşmanın kökü Fələstindən kəsilməlidir".

İnqilab Rəhbəri hamının üzərinə düşən vəzifə barədə belə vurğuladı:

"Hamının üzərinə düşən dini, əxlaqi və insani vəzifə budur ki, cinayətkar və şər varlıq olan sionist qrupu bölgədən silmək üçün səy göstərsinlər".

Daha sonra o Həzrət müstəmləkəçilərin əlaltısı olan sionistlərdən danışdı:

"Bölgənin şücaətli millətlərini niyabəti qüvvə olmaqda ittiham edirlər. Halbuki bu bölgədə yalnız bir niyabəti qüvvə mövcuddur, o da sionist rejimdir ki, müstəmləkəçilərdən niyabət olaraq soyqırımı və cinayətlər törədir".

Ayətullah Xamenei müstəmləkəçilərin sionistlərin əli ilə məntəqəyə nəzarət etdiklərini bildirdi:

"Sionist rejim bu gün Suriyaya hücum etdiyi kimi digər ölkələrə də təcavüz edir. Sionistlər bunu İkinci Dünya Müharibəsindən sonra bu bölgəyə nəzarət etmək istəyən müstəmləkəçilərdən niyabət olaraq edirlər".

İnqilab Rəhbəri insan hüquqlarından danışanların Fələstində baş verənləri seyr etdiklərini buyurdu:

"İki ildən az müddətdə sionist rejim Fələstində təxminən 20 min uşağı şəhid edib. İnsan hüquqları şüarı səsləndirənlər isə sadəcə seyr edirlər və buna qarşı heç bir addım atmırlar".

Daha sonra o Həzrət Amerikanın şər işi törətməsi müqabilində sərt cavabla üzləşəcəyini qeyd etdi:

"Amerika və sionist rejim şər törətməklə hədələyirlər. Lakin belə bir addım atsalar, şübhəsiz ki, sərt cavabla üzləşəcəklər".

İnqilab Rəhbəri düşmənin İranda fitnə etmək istəyindən danışdı və belə buyurdu:

"Əgər Amerika və sionist rejim keçmiş illərdə etdikləri kimi İranda fitnə törətməyi planlaşdırsalar, onların cavabını məhz İran xalqının özü verəcək".