Həzrət Ayətullah Xameneinin 32-ci Ümumrespublika Namaz Konfransına göndərdiyi mesaj

İslam İnqilabı Rəhbərinin tam mesajı aşağıdakı kimidir:

Bağışlayan və mehriban Allahın adı ilə

Allahın salamı Məhəmməd və Onun pak Əhli-beytinə olsun

Namaz konfransı ölkənin ən faydalı toplantılarından biridir və bu konfransın keçirildiyi gün ilin ən mübarək günlərindən biridir. Bunun səbəbi məna ilə dolu və həyatbəxş ibadətin İslam ibadətləri arasında özünəməxsus yeri və önəminə bağlıdır.

Namaz öz ədəb-ərkanı, məsələn, xuşu (Allah qarşısında özünü kiçik saymaq) və qəlbi bağlılıqla yerinə yetirildikdə, qəlbi aramlaşdırır, iradəni möhkəmləndirir, imanı dərinləşdirir və ümidləri dirildir. İnsanın dünya və axirətdə taleyi isə belə bir qəlbə, iradə, iman və ümidə bağlıdır. Bu səbəbdən namaz tövsiyəsi Quranda və digər dini mətnlərdə digər tövsiyələrdən daha çoxdur və namazın azanında onu digər işlərdən üstün elan edir.

Ata-analar, sonra müəllimlər və yaxınlar, daha sonra namazla əlaqəli həyat qaydaları və adətlər namazın yayılmasında və ona əməl edilməsində rol oynayırlar.

Dini təbliğ edən təbliğat qurumları, dini şəxsiyyətlər və sonra bütün möminlər bunu öz mütləq vəzifələri saymalı və namazın tədrisi və təbliği, namazın məna dolu incəliklərinin izahı, həmçinin hər bir müsəlmanın dünyəvi və axirət ehtiyacı üçün müasir vasitələrdən və təşviqedici metodlardan istifadə etməlidirlər.

Lazımdır ki, bu dəyərli fidanı əkib bu vəziyyətə gətirib çıxaran cənab Qiraətiyə səmimi qəlbdən təşəkkür edim.