Birinci xütbə

Bağışlayan və mehriban Allahın adı ilə

الحمد لله ربّ العالمین. الحمد لله الّذی خلق السّماوات و الارض و جعل الظّلمات و النّور ثمّ الّذین کفروا بربّهم یعدلون. احمده و استعینه و استنصره و اطلب منه التّوفیق و استغفره و اتوب الیه و اصلّی و اسلّم علی حبیبه و نجبیه سیّد خلقه سیّدنا و نبیّنا ابی‌القاسم المصطفی محمّد و علی آله الاطیبین الاطهرین المنتجبین الهداة المهدیّین المعصومین سیّما بقیّة الله فی الارضین.

Mübarək Fitr bayramına görə bu namazda iştirak edən hörmətli möminləri, İran xalqını və bütün İslam ümmətini təbrik edirəm. Həmçinin yeni il olan Novruz bayramını və İran İslam Respublikasının böyük bayramı olan 12 Fərvərdin* gününü də təbrik edirəm.

Bu il də mübarək Ramazan ayı başa çatdı və əziz xalqımız bu dəyərli İlahi təcrübəni, Allaha həmd olsun ki, layiqincə keçirdi. Ramazan ayı tövhidə əsaslanan bir hadisədir, yəni qəlbləri və insanları Allah-təalaya yaxınlaşdırır. Ramazan ayı Allah-təalaya yaxınlaşmaq meydanıdır, mənəvi həyatın yenilənməsi vəd edilən bir zamandır. Yəni Allah-təalanın Ramazan orucunu vacib etməsi mənə və sizə il boyu bir ay ərzində qəlbimizi yuyub-təmizləmək, saflaşdırmaq və bacardığımız qədər qəlbimizi dünyəvi çirkinliklərə bulaşmaqdan xaric etmək fürsəti yaradır və beləliklə də, qəlbimizi tövhid əsasında qərar verək. Ramazan orucu, bu ayda Quranla ünsiyyət, Qədr gecələri, dualar, yalvarışlar və İlahi dərgaha yönələn təvəssüllər – bütün bunların hamısı insan yetişdirən amillərdir. Ramazan ayı, həqiqətən də, Allah-təalanın ən böyük nemətlərindən biridir. Bu ayın ədəb-ərkanına riayət və əməl edən hər kəs bu miqyasda ruhən və mənən yetkinləşir, tövhid əsasında formalaşır. Allah-təala buyurur: “Bəlkə təqvalı olasınız” (“Bəqərə”, 183). Deməli, Ramazan ayı təqva üçündür, insanın qəlbi və canının təqvalı olmasına görədir.

Bu il, Allaha həmd olsun, Ramazan ayını mənəviyyatla zəngin və dolğun keçirdik. Bu mübarək ayda Quranın yayılması açıq-aşkar hiss olunurdu: Quran tilavəti, cüz oxuma mərasimləri, Quran ayələri üzərində təfəkkür etmək, ehsan vermək, məscidlərdə, hərəmlərdə, küçələrdə və ictimai məkanlarda iftar süfrələrinin açılması, eləcə də dualar və münacat məclislərində, xüsusilə də gənclərin izdihamlı və coşğulu iştirakı – bütün bunlar builki Ramazan ayında aydın şəkildə hiss olunurdu. Hər təbəqədən insanlar, zahiri görünüşlərindən asılı olmayaraq, bu mərasimlərdə iştirak etdilər, faydalandılar, dua etdilər, Allah-təala ilə danışdılar, ondan istədilər, Allaha təvəkkül etdilər və böyük mənəvi qazanclar əldə etdilər. “Xoş olsun nemət sahiblərinə bu nemətləri!” Onlar bu Ramazan ayından əldə etdikləri mənəvi bərəkəti, inşallah, il boyunca qoruyub saxlasınlar, qəlblərini təmiz və növbəti Ramazan ayına qədər bu mənəviyyatı hifz edib saxlasınlar. İnşallah, sonrakı Ramazan ayında bir dərəcə daha yüksəyə qalxacaqlar və daha irəli gedəcəklər.

Ramazan ayının sonunda isə bu coşğulu və mənalı yürüş baş tutdu. İran xalqı Ramazan ayının son cüməsində möhtəşəm bir hərəkətə imza atdı və bu böyük xalq yığıncağından dünyaya çoxsaylı mesajlar çatdırıldı. İran xalqını tanımalı və anlamaq istəyənlər, siz əziz Tehran əhalisinin və müxtəlif kiçik və böyük şəhərlərdəki insanların bu izdihamlı iştirakından çox mühüm mesajlar aldılar. Xalq bu mesajı çatdırmağı bacardı və olduqca önəmli bir iş görüldü. Bu, builki Ramazan ayından əldə edilən əsas nailiyyəti qəlbi yüksəlişlə yanaşı siyasi fəallıq və iman dolu hərəkət idi. Bu qazancları qoruyub saxlayaq.

Bu gün bayram günüdür. Bu mübarək gündə Allah-təaladan istəyin, sizə yardım etsin ki, bu dəyərli nailiyyətləri özünüz, ölkəniz və gələcəyiniz üçün qoruyub saxlayasınız.

Bismilləhir-Rəhmanir-Rəhim

Qul huvəllahu əhəd * Allahus-Saməd * ləm yəlid və ləm yuləd * və ləm yəkun ləhu kufuvən əhəd.

İkinci xütbə

Bağışlayan və mehriban Allahın adı ilə

و الحمد لله ربّ العالمین و الصّلاة و السّلام علی سیّدنا و نبیّنا ابی‌القاسم المصطفی محمّد و علی آله الاطیبین الاطهرین المنتجبین سیّما علیّ امیرالمؤمنین و الصّدّیقة الطّاهرة و الحسن و الحسین سیّدی شباب اهل الجنّة و علیّ‌بن‌الحسین زین‌العابدین و محمّدبن‌علیّ باقر علم الاوّلین و الآخرین و جعفر‌بن‌محمّد الصّادق و موسی‌بن‌جعفر الکاظم و علیّ‌بن‌موسی‌ الرّضا و محمّد‌بن‌علیّ الجواد و علیّ‌بن‌محمّد الهادی و الحسن‌بن‌علیّ الزّکیّ العسکریّ و الحجّة القائم المهدیّ صلوات الله علیهم اجمعین و السّلام علی ائمّة المؤمنین و هداة المستضعفین.

Bu ikinci xütbədə isə indi sona çatmış Ramazan ayının başqa bir tərəfini nəzərinizə çatdırıram. İran xalqı və digər millətlər bu mübarək ayın şirinliyini hiss etdilər, lakin eyni zamanda, Ramazan ayının acı tərəfi də bütün İslam dünyasında oruc tutanların qəlbini yaraladı. Bu acı hadisə Qəzza, Livan və Fələstində baş verən qanlı hadisələrdən ibarət idi. Yenə soyqırım, yenə uşaq qətliamı, yenə Amerikanın sionist işğalçı və fəsad törədən rejiminin cinayətlərinə dəstəyi, yenə də Fələstini işğal edib oradakı xalqa hakim kəsilən bu qatil və terrorçu dəstəyə yardım və himayə.

Qərblilərin siyasi bəyanatlarında dəfələrlə “niyabəti qüvvələr” ifadəsini eşitmisiniz. Onlar bölgənin şücaətli xalqlarını və qeyrətli gənclərini bu adla ittiham edirlər. Lakin mən bildirmək istəyirəm ki, bu bölgədə həqiqi niyabəti qüvvə yalnız bir dənədir, o da işğalçı və fəsad törədən sionist rejimdir. O, müstəmləkəçilərin adından (tərəfindən) fitnə yaradır, soyqırımlar törədir, cinayətlər edir və fürsət tapdığı təqdirdə digər ölkələrə hücum edir, necə ki hazırda Suriyaya müdaxilə edir. Suriya torpaqlarına daxil olur və Dəməşqin neçə kilometrliyinə qədər də irəliləyir. Bütün bunları müstəmləkəçilərin adından həyata keçirir. İkinci Dünya Müharibəsindən sonra bu bölgəyə əl qoyub hazırkı vəziyyətə salan həmin güclərdir, indi də sionist rejim onların tapşırıqlarını yerinə yetirir və işlərini təkmilləşdirir.

Dünyanı öz pulları və mediası ilə idarə edən müstəmləkəçilər terrorizmi cinayət adlandırırlar, lakin bu xəbis və cinayətkar rejim üçün terror aktlarını məqbul və icazəli hesab edirlər. Başqaları öz haqlarını müdafiə etsələr, torpaqlarını qorusalar belə onları terrorçu adlandırırlar. Amma sionist rejim açıq şəkildə soyqırımlar törədir, uşaqları qətlə yetirir, çoxlu insanları hədəf alır və qətllərini açıq-aşkar etiraf edir. Bununla belə Qərbin müstəmləkəçiləri buna göz yumur, hətta onlara gülümsəyir, yardım və himayə edirlər. Bu rejim yarandığı ilk gündən başlatdığı və bu günə qədər də davam etdirdiyi Fələstin şəhər və kəndlərindəki kütləvi qırğınlardan əlavə onların əsas metodlarından biri də fərdi terror, yəni şəxsiyyətlərin və insanların hədəfə alınaraq qətlə yetirilməsidir. Onlar “Əbu Cihad”ı Tunisdə, “Fəthi Şəqaqi”ni Kiprdə, “Əhməd Yasin”i Qəzzada, “İmad Muğniyə”ni Suriyada terror ediblər. Onlar, həmçinin, İraqda çox sayda alimləri, xüsusilə də Amerikanın 20 il əvvəl İraqa müdaxiləsindən sonra Bağdadda hədəf alıblar. Bundan əlavə, Tehranda nüvə alimlərini terror ediblər. Onların işi, hərəkəti açıq-aşkar terroristlik hərəkətidir və Amerika başda olmaqla bəzi Qərb dövlətləri də onları müdafiə edir, digərləri isə susaraq izləyirlər. Son dövrlərdə, yəni iki ildən az müddətdə sionist rejim 20 minə yaxın uşağı şəhid edib, minlərlə ata-ananın ürəyini dağlayıb. Bütün bunlara baxmayaraq, insan haqları şüarı səsləndirənlər sadəcə izləyir və bunun müqabilində heç bir addım atmırlar. O qədər ki, dünya xalqlarının məlumatları var bu cinayətlərə qarşı qəzəbli və narahatdırlar. Dünya xalqları bir çox məsələlərdən və cinayətlərdən xəbərsizdirlər. Bu gün Avropa və hətta Amerika küçələrində sionist rejim əleyhinə etirazlar məhz məhdud informasiyaya əsaslanır. Əgər daha çox həqiqəti bilsələr, daha böyük etirazlar baş verər.

Bütün bu söylədiklərimin nəticəsi budur ki, bu cinayətkar qruplaşmanın kökü Fələstindən kəsilməlidir və Allahın gücü və qüdrəti ilə bu, mütləq, baş verəcək. Burada bu iş üçün çalışmaq və bu yolda mübarizə aparmaq bir vəzifədir. Bu yolda, yəni bu şər məxluqu, bu cinayətkar varlığın kökünü bölgədən kəsmək üçün fəaliyyət göstərmək, çalışmaq həm dini, həm əxlaqi, həm də insani bir vəzifədir.

Bunu hər kəs bilməlidir! Bizim mövqeyimiz əvvəllər olduğu kimidir, Amerika və sionist rejiminin düşmənçiliyi də əvvəllər olduğu kimidir. Onlar hədələyir, şər törədəcəklərini bildirirlər. Biz, əlbəttə, onların xaricdən bir şər törədəcəklərinə çox da əmin deyilik və bunun ehtimalını yüksək görmürük. Lakin əgər belə bir iş baş versə, şübhəsiz ki, güclü və sərt cavab alacaqlar. Əgər keçmiş illərdə olduğu kimi ölkə daxilində fitnə törətməyi planlaşdırırlarsa, buna İran xalqının özü cavab verəcək, necə ki, bundan əvvəl də cavab verib. Allah sizləri müvəffəq etsin.

Bismillahir-Rəhmanir-Rəhim * Vəl-Əsr * İnnəl-insanə ləfi xusr * İlləl-ləzinə amənu və əmilus-salihati və təvasav bil-həqqi və təvasav bis-sabr

Allahın salamı, rəhmət və bərəkəti üzərinizə olsun.

*(12 Fərvərdin 1358-ci il (1 aprel 1979) tarixində keçirilən ümumxalq səsverməsində seçki hüququ olanların 98 faizdən çoxu İranda İslam hökmləri əsasında qurulan hakimiyyətə müsbət rəy verdi və bunun əsasında İran İslam Respublikası formalaşdı.)