Sual 46: “Müqəssir cahil” kimə deyilir?

Cavab: Müqəssir cahil o şəxsə deyilir ki, öz cəhalətindən xəbərdardır və bunu aradan qaldırmaq yollarını da bilir, amma şəriət hökmlərini öyrənməkdə səhlənkarlıq edir.

​                                                                                                                                  

Sual 47: “Qasir cahil” kimə deyilir?

Cavab: “Qasir cahil” o şəxsə deyilir ki, cahil (biliksiz və məlumatsız) olduğunu ümumiyyətlə, bilmir və ya cahil olduğunu bilir, amma cəhalətini aradan qaldırmaq üçün bir yolu yoxdur.

​                                                                                                                                  

Sual 48: “Ehtiyat-vacib” ifadəsi hansı mənanı bildirir?

Cavab: Ehtiyat ünvanında müəyyən bir işi yerinə yetirmək və ya tərk etməyin vacibliyini bildirir.

​                                                                                                                                  

Sual 49: Bəzi fətvalarda işlənən “fihi işkal”  ifadəsi harama dəlalət edirmi?

Cavab: Bu ifadə müxtəlif yerlərdə müxtəlif mənaları bildirir. Əgər bir işin icazəli olması barədə "işkal" sözü gələrsə, o işə əməl etməyin haram olmasına dəlalət edir.

​                                                                                                                                  

Sual 50: Bütün bu ifadələr: “Fihi işkal”, "muşkilun", "la yəxlu min işkal" və "la işkalə fih" fətva sayılır, yoxsa ehtiyat?

Cavab: "La işkalə fih" ifadəsindən başqa bütün bu ifadələrin hamısı ehtiyata dəlalət edir.

​                                                                                                                                  

Sual 51: "İcazəli deyil" ifadəsi ilə "haramdır" ifadəsinin fərqi nədir?

Cavab: Əməl məqamında fərqləri yoxdur.