Prezidentin möhtəşəm dəfn mərasimi dünyaya İslam Respublikasının xeyrinə olan bir mesaj idi ki, İslam Respublikasının xalqmehvərliyinin kökünü və onun gücünü göstərdi. İran cəmiyyəti və millətinin vücudunun dərinliyində kök salmış güc və qüdrət(dən söz gedir).

Millətimiz, əlhəmdulillah, dayanıqlı və ayıqdır və bizim Allah-təalaya etimad və təvəkkülümüz çoxdur. İnşallah, İran milləti bu hadisədən bəhrə əldə edəcəkdir.

Seçkilər milli gücü və xalq gücünü göstərən amildir. Amerika, Avropaya hakim siyasət, sionistlərin siyasəti, sərmayədarların və dünyanın böyük kompaniya sahiblərinin siyasətləri hər kəsdən daha çox xalqın iştirakından qorxurlar. Nə üçün? Çünki gördülər ki, əgər bu millət meydanda olsa, mütləq, problemlərin öhdəsindən gələcəkdir.​

Millətin seçki məntəqəsində iştirakı onların ölkənin mühüm idarə sahələrində iştirakını göstərir. Bu, ölkə üçün böyük bir sərvətdir. Əgər biz ölkənin mühüm sahələrində millətin iştirakını dünyaya göstərə bilsək, demək, ölkəyə nicat vermişik.​

Bu gün həm İran millətini istəyənlərin, həm bədxahların və həm də milli və siyasi mötəbər mövqelərə sahib olanların gözü İrandadır və istəyirlər ki, görsünlər, İran milləti bu seçkilərdə nə edir və nəticə nə olacaqdır.​

İslam inqilabının qələbəsinin ildönümündə 22 Bəhmən (11 fevral) yürüşünə görə İran millətinə təşəkkür edirəm. Xalq öz coşqulu və canlılığını göstərdi. (Bu yürüş) İran millətinin (inqilabdan) soyuduğunu arzu edənlər üçün gözlənilməz oldu.