22/09/2024
Adətən, belə təsəvvür edilir ki, İmam Sadiq əleyhissalam minbərdə otururdu və dörd min nəfər ətrafına yığılırdı. Amma belə deyildi...İmamın uzun ömür sürdüyü müddətdə dörd min nəfər tədricən o Həzrətin hüzuruna yetişiblər. Belə deyildi ki, xəlifələr İmama oturub danışmağa icazə versinlər. İmamın həyatı aram və rahat bir həyat olmayıb.
26/08/2024
İmam Hüseynin (ə) xüruc etməsi yaxşılığa əmr edib, pis əməllərdən çəkindirmək üçündür. Yaxşılığa əmr etməyin ən tam və kamil nümunəsi İslam cəmiyyəti və İslam hökuməti yaratmağa əmr etməkdir və pislikdən çəkindirmənin ən tam və kamil nümunəsi isə tağut tapdağı altında olan bir cəmiyyətin mövcudluğundan çəkindirməkdir.
24/06/2024
Builki bezarlıq, Həcc mövsümündən kənara çıxmalı, dünyanın bütün müsəlman yaşayan ölkələrində və şəhərlərində davam etməli, Allah evinin zəvvarlarından kənarda olan insanlara da sirayət etməlidir.
23/06/2024
Həcc çox sayda, möhtəşəm və müxtəlif növ insanlardan ibarət xalq kütləsi meydana gətirmiş, bu kütləni və İslamın mənəvi amil gücünü özünə və yadlara nümayiş etdirmişdir.
22/06/2024
Bura mələklərin təvaf etdiyi Əli bin Musər-Rzanın (Allahın salamı olsun ona) məzarıdır.
Allahın diqqət mərkəzində olan bir məkandır.
Təmiz qəlblər, sevgi dolu ürəklər, qəlbən bu pak ailəyə bağlananlar öz sevgi dolu qəlbləri ilə Uca Allahla danışırlar.
O məkan səkkizinci İmamın bərəkətindən zikr, (Allaha olan) diqqət və tövhid mərkəzidir.
20/06/2024
Hər zaman Həccin əzəmətli yığıncağı və mürəkkəb ayinlərinə dərin düşüncə gözü ilə baxılarsa, (bunlar) müsəlman üçün qəlbin qüvvət tapmasına və güvən əldə etməsinə səbəb olmaqla yanaşı düşmən və bədxah üçün qorxulu və zəhmli olacaqdır.
20/06/2024
Allahın əmri ilə bütün insanları bütün dövrlərdə Həcc mövsümündə Kəbə evinə dəvət edən ürəkoxşayan İbrahimi nəğmə bu il də dünyanın hər bir yerindən müsəlmanlardan bir dəstənin qəlbini bu tövhid və vəhdət mərkəzinə cəzb etmişdir.
19/06/2024
Öz düşüncə və rəftarınızı Həccin həqiqət və maarifinə yaxınlaşdırın, habelə yenidən ələ gətirilən və bu maariflə qarışan kimliyi evlərinizə qaytarın. Bu, Həcc səfərinizin qiymətli və həqiqi sovqatıdır.
16/06/2024
Məntəqənin hazırkı şəraiti həm sionist düşmən üçün ölüm-qalım məsələsidir, həm haqq cəbhəsi üçün.
15/06/2024
İslam İnqilabının Ali Məqamlı Rəhbəri Ayətullah Xamenei böyük və əzəmətli Həcc Qurultayı münasibətilə verdiyi mesajda “bəşəri miqyas” və “İslamın mənəvi amilinin gücünü” həccin vacibliyinin iki aspekti adlandırıb və Qəzzada baş verən müasir tarixdə bənzəri olmayan faciələrə toxunaraq vurğulayıb: Sionist rejim və onun havadarlarından, xüsusən də ABŞ-dan bəraət bu il Həcc mövsümündən sonra da, müsəlmanların məskunlaşdığı ölkə və şəhərlərdə, dünyanın hər yerində davam etməli və xalqa yayılmalıdır.
07/06/2024
Bu ləyaqətli Allah bəndəsinin (İmam Cavadın) qısa həyatı küfr və tüğyanla mübarizədə keçmişdir. İmam Cavad (ə) camaata bunu demək istəyirdi ki, mən İslam və Peyğəmbər ailəsinin tərəfdarıyam. İmam Rza (ə) və İmam Cavad (ə) Məmunun hiyləgər və riyakar çöhrənisi üzə çıxarmaqdan ötrü var gücləri ilə çalışırdılar və buna da müvəffəq oldular.
07/06/2024
İmam Cavad (ə) müqavimətin göstəricisidir. 25 yaşında şəhadətə yetişmiş, qısa ömür sürmüş böyük bir insandır. Hiyləgər Abbasi xalifəsi olan Məmunla mübarizə aparmış və heç vaxt bir addım belə geriyə çəkilməmiş və bütün ağır şəraitə dözmüşdür və mümkün olan bütün mübarizə metodları ilə mübarizə aparmışdır.
Bu ləyaqətli Allah bəndəsinin (İmam Cavadın) qısa həyatı küfr və tüğyanla mübarizədə keçmişdir. İmam Cavad (ə) camaata bunu demək istəyirdi ki, mən İslam və Peyğəmbər ailəsinin tərəfdarıyam. İmam Rza (ə) və İmam Cavad (ə) Məmunun hiyləgər və riyakar çöhrənisi üzə çıxarmaqdan ötrü var gücləri ilə çalışırdılar və buna da müvəffəq oldular.
28/05/2024
Əksər imamlar tanınmayıblar. İmam Həsən Müctəba (ə) o əzəməti ilə tanınmayıbdır. Həzrət Museyi-Kazim (ə), Həzrət Hadi (ə) və İmam Cəfər Sadiq (ə) o böyüklükdə və fövqəladə təşkilatlanma ilə dünyada tanınmayıblar.
27/05/2024
Şiə cəmiyyəti içərisində imamlara mərifət cəhətdən çox nöqsanlarımız vardır. Bəzən bir cəhətə aşırı dərəcədə və səthi surətdə (dəlillərlə) diqqət ayrılıb, digər cəhətlər isə diqqətdən kənarda qalıb. Bəzən də, hətta bu ifrat dərəcədə yanaşılana da diqqət edilməmiş və elə həmin zahiri məsələlər və zahiri diqqətlərlə kifayət olunmuşdur.
24/05/2024
Məncə, biz şiə cəmiyyəti olaraq bizim üzərimizə düşən böyük bir vəzifə öz imamlarımızı dünyaya tanıtdırmaqdır.
Plakat
İran İmam Rzanın İranıdır
19/05/2024
İran İmam Rzanın İranıdır. 8-ci imam olan şəfqətli imamın bərəkəti bütün ölkə əhalisinin vəziyyətinə şamildir.
15/05/2024
Zil-Qədə ayının bazar günləri tövbə və yalvarış günləri olmaqla yanaşı, bu günlərdə (xüsusi) əməl vardır ki, böyük arif cənab Hacı Mirza Cavad Məliki "Əlmüraqibat" kitabında Allah Rəsulundan (s) nəql edir ki, səhabələrinə xitabən buyurdu: "Sizlərdən hansı biriniz tövbə etmək istəyirsiniz?" ......
13/05/2024
Builki Həcc ziyarətində (düşmənlərdən) bezarlıq etmək həmişəkindən daha aydın görünür. İstər iranlı, istərsə də dünyanın hər tərəfindən olan qeyri-iranlı mömin zəvvarlar bu Quran məntiqini bütün İslam dünyasına çatdırmağı bacarmalıdırlar. Bu, vəzifədir.
06/05/2024
Əzəmətli İbrahimi Həcc mərasimi ərəfəsində bir qrup Həcc ziyarətinin məsul rəsmiləri, təşkilatçıları və Allah evinin ziyarətçiləri Ayətullah Xamenei ilə görüşdülər.
06/05/2024
Əzəmətli İbrahimi Həcc mərasimi ərəfəsində bir qrup Həcc ziyarətinin məsul rəsmiləri, təşkilatçıları və Allah evinin ziyarətçiləri Ayətullah Xamenei ilə görüşdülər.
24/04/2024
Bəzi günahlar vardır ki, insan onların günah olmasına diqqət etmir. Danışdığımız sözlər və sosial şəbəkələrdə verdiyimiz nəzərlərin bir çoxuna görə (Allah dərgahında) cavab verməliyik. Xülasə, ehtiyatlı olmaq lazımdır. Quran buyurur: "Çünki qulaq, göz və ürəyin hər biri sorğu-suala tutulacaqdır". Rəftarlamızda olan səhvlərin tapılmasına diqqət etmək lazımdır. Əgər bunlar bilinsə, islah olunması, onlara görə tövbə və istiğfar etmək də mümkün olacaqdır. Əgər bu səhvlər tapılmasa, insan daha tövbə də etməyəcək, üst-üstə yığışıb qalacaq və qəlbi nurani olmaqdan saxlayacaqdır. Belə olması isə heyifdir.
17/04/2024
Sizlər gəncsiniz; orucun, Quran tilavətinin, gecə vaxtı, sübh namazında qabaq və gündüzlər oxunan duaların sizlərdə yaratdığı təsir mənim kimilərlə müqayisədə neçə qat artıqdır. Sizlər mütləq şəkildə bu il Ramazan boyu nuranilik əldə etmisiniz. Bu nuraniyyəti qorumağa çalışın. Bunun yolu da günahdan uzaq qalmaqdadır.
23/03/2024
İslama ilk iman gətirən Xədicəyi-Kübra olmuşdur. Daha sonra o, bütün var-dövlətini İslama dəvət və təbliğ etmək yolunda xərclədi. Əgər Xədicənin köməyi olmasaydı, İslamın hərəkətində və inkişafında əsaslı bir xələl və durğunluq yarana bilərdi. Daha sonra isə o, Allah Rəsulu və bütün müsəlmanlarla birlikdə Əbu Talib dərəsinə sürgün olundular və elə Əbu Talib dərəsində də haqqın dərgahına qovuşdu.
12/03/2024
Təəssüflər olsun ki, İslam dünyasında məzlum Qəzza əhalisinin düşməninə kömək edən kəslər və dövlət vardır. İnşallah, bir gün özləri də peşman olub bu xəyanətin cəzasını və gördükləri işin faydasız olduğunu görəcəklər.
06/03/2024
İslam Respublikasının vücuda gəlməsi dünyada iki qütblük yaradan bir zəlzələ idi. Bir cəbhə liberal demokratiya, bir cəbhə də İslama bağlı cümhuriyyət. Liberal demokratiyanın zatında zülm mövcuddur, lakin dinə əsaslanan xalqmehvər cəbhənin ən mühüm məsələsi zülmlə üz-üzə dayanmaqdır.
05/03/2024
Quran hidayət kitabıdır və bizim hamımızın da hidayətə ehtiyacımız vardır. Quran xəbərdarlıq kitabıdır. Yəni istər bu dünyada, istərsə də axirətdə bəşəri təhdid edən xətərlərə nisbət xəbərdarlıq.
05/03/2024
Savadlı, agah, mərifət sahibi olan qadınlar bütün bu sahələrdə irəliləməlidirlər. Qadının nümunə olduğunu göstərsinlər və desinlər ki, müsəlman qadın öz dinini, hicabını, qadınlığını, incəliyini, şəfqətini və zərifliyini qoruyub saxlayan qadındır. O həm öz hüququnu müdafiə edir, həm mənəviyyat, elm, araşdırma və Allaha yaxınlaşma sahəsində öndə gedir və görkəmli şəxsiyyətləri göstərir, həm də siyasi sahədə mövcuddur. Bu, qadınlar üçün bir nümunəyə çevrilir.
04/03/2024
İslam dünyasında çoxlarının Quranla ünsiyyəti yoxdur və bu, acı bir həqiqətdir. Müsəlman ölkə başçıları Qəzza (hadisəsi) zəminində Quranın təliminə əməl edirlərmi? Quran bizlərə buyurur: "Möminlər kafirləri möminlərin yerinə başçı götürməməlidirlər." Qəzza barəsində bu ayəyə əməl edilirmi?
04/03/2024
Nə üçün İslam ölkələri başçıları qatil və xəbis sionist rejimlə öz əlaqələrini, kömək və dəstəklərini kəsməyi aşkar şəkildə elan etmirlər? Quran buyurur: "Mənim və özünüzün düşmənlərinizi özünüzə dost tutmayın". Bu ayəyə əməl olunurmu? Quran buyurur: "Kafirlərə qarşı şiddətli olarlar". Bu kəskin reaksiya (zahirdə) göstərilirmi?
03/03/2024
Allah-təala müsəlman xalqların hər birini sionist rejimə dəstəyin dayandırılmasına görə öz hökumətlərinə təzyiq etməməkləri və müsəlman hökumətlərini də Quranın göstərişlərinə əməl etmədikləri üçün cəzalandıracaq.
02/03/2024
Müqavimətin, Qəzzada mübarizələri aradan apara biləcəklərini güman edən düşməni məyus etməsi İslami qüdrətdən qaynaqlanırdı. Elə oldu ki, Amerika və Avropada gənclər Quranın sorağına getdilər. Səbəb Qurana etiqad bəsləyən xalqın müqavimət etməsinə səbəb olan amilin Quranda nə olduğunu bilmək idi.
01/03/2024
Quran bəşərin dərdlərinə dərman olan kitabdır; istər mənəvi, ruhi, fikri dərdlər olsun, istərsə də bəşər cəmiyyətlərinin dərdləri və müharibələr, zülmlər və ədalətsizliklərdən qaynaqlanan dərdlər. Quran bunların dərmanıdır.
Plakat
Əlinin (ə) vilayəti, yəni bu
28/02/2024
Əli ibn Əbu Talibin vilayəti, yəni nə? Yəni fikirlərində Əlinin ardınca olasan, fəaliyyətlərində Əlinin yolunu izləyəsən. (Vilayət) Səni Əli ibn Əbu Talib ilə güclü, möhkəm və nöqsansız bir əlaqə ilə bağlasın, (yəni) Əlidən ayrılmayasan. Budur, vilayətin mənası. Yaxşı anladınız ki, vilayət nədir? Məhz burada bu hədisin mənasını başa düşürük: "Əli ibn Əbu Talibin vilayəti mənim qalamdır". Əli ibn Əbu Talibin vilayəti mənim qalam və hasarımdır. Allah buyurur: "Hər kəs bu qalaya daxil olarsa, mənim əzabımdan amanda qalar". Hər kəs bu hasara daxil olarsa, Allahın əzabından amanda qalar. Çox maraqlı bir sözdür. Yəni nə? Yəni müsəlmanlar, Quran ardıcılları əgər həm fikir və düşüncə və həm də əməl və fəaliyyət cəhətindən Əli ibn Əbu Talibə bağlansalar, Allahın əzabından amanda qalarlar. Məgər bundan başqa bir şeydir? Məgər bundan qeyrisidir? Əgər Əli ibn Əbu Talib bu gün tanınsa, tanındıqdan sonra mən və sən alicənab onun kimi əməl etsək, o zaman vilayətə yiyələnərik; vilayət, yəni bu.
26/02/2024
İslam qadın üçün hicabı təyin etdi. Bu hicabın özü təhlükəsizlik vasitələrindəndir. Hicabla həm müsəlman qadın təhlükəsizlik əldə etmiş olur, həm də müsəlman kişilər. O yerdə ki hicabı qadından alırlar, o yerdə ki qadını üryan və soyunmağa sövq edirlər, birinci növbədə qadının, daha sonra isə kişilərin və cavanların əmniyyətləri alınacaqdır. Sağlam və təhlükəsiz bir mühitin olmağından, qadının cəmiyyətdə öz işini həyata keçirməyindən və kişinin də öz məsuliyyətlərini yerinə yetirməyindən ötrü İslam hicabı təyin etmişdir və bu hicab da İslamın gözəçarpan hökmlərindən biridir. Hicabın başqa faydaları da mövcuddur.
24/02/2024
İmam Cavadın (ə) bizlərə verdiyi böyük dərs budur ki, münafiq və riyakar qüdrətlər qarşısında mübarizə aparmaq üçün xalqın agahlığını artırmaq istiqamətində səy göstərməliyik.
Fotolar
Beynəlxalq Quran müsabiqəsində iştirak edənlərin İnqilab Rəhbəri ilə görüşündən foto görüntülər
23/02/2024
İran İslam Respublikasının 40-cı Beynəlxalq Qurani-Kərim müsabiqəsinin iştirakçıları 22 fevral 2024-cü ildə cümə axşamı səhəri İslam İnqilabının Rəhbəri Ayətullah Xamenei ilə görüşdülər.
22/02/2024
İran İslam Respublikasının 40-cı Beynəlxalq Qurani-Kərim müsabiqəsinin iştirakçıları 22 fevral 2024-cü ildə cümə axşamı səhəri İslam İnqilabının Rəhbəri Ayətullah Xamenei ilə görüşdülər.
16/02/2024
Müsəlmanlar islah olsalar və İslamın əsil və həqiqi nümunəsini bəşəriyyətə göstərsələr, bəşəriyyət İslama cəlb olunacaq.
15/02/2024
Bu gün o böyük şəxsiyyətin mövlud günüdür. Bu gündə Hüseyn ibn Əlidən (ə) dərs almaq gərəkdir. Hüseyn ibn Əlinin ümmətə verdiyi dərs budur ki, haqq, ədalət və onun həyata keçməsi, zülmlə mübarizə üçün həmişə hazırlıqlı olmaq və (insanın) bütün varlığı ilə meydana gəlməyi lazımdır. (İmam Hüseynin etdiyi iş) O miqdar və həddə nə mənim, nə də sizin görə biləcəyiniz bir işdir, lakin şəraitimizə, əxlaq və (gündəlik) rəftarlarımıza münasib olan həddə isə bu iş bizə də aid olur. Gərək (bunları) öyrənək.
15/02/2024
Bu gündə elə bir kəs dünyaya göz açdı ki, İslamın taleyi ondan, onun hərəkətindən, qiyamından, fədakarlıq və ixlasından asılı idi. Bu böyük şəxsiyyət bəşəriyyət tarixinə misli və bənzəri olmayan bir hərəkət təqdim etdi və bunu bəşəriyyətin gözü önündə sərgilədi ki, heç zaman unudulmayacaqdır. Bu (şəxs) nümunədir.
Son
