Biz bacarıqlı və zəkalı (döyüş taktikası üçün) layihə verənlərin və fələstinli cavanların alınlarından və güclü biləklərindən öpür, həmçinin onlarla iftixar edirik, lakin son hadisələrin qeyir-fələstinlilərin işi olduğunu deyib boşboğazlıq edənlər səhv hesablama aparıblar.

Müsəlman millətlərdən heç biri bu gün fələstinlilərin üzləşdiyi düşmənçiliklə üzləşməyibdir. Bu qədər pislik, xəbislik, rəhimsizlik və qaniçənliklə yanaşı olan düşmənçiliklə heç vaxt müsəlman millətlər və İslam ölkələri üzləşməyibdir.

Qərblilər, məxsusən də ABŞ və İngiltərə heç bir dövləti bu qondarma sionist və qaniçən dövləti himayə etdiyi qədər himayə etməyibdir. Bu rejim fələstinli qadın, kişi, uşaq və qocaya rəhm etməyibdir. Şəhər sakinlərini quduz it kimi fələstinlilərin canına salıb. Bu zülmün müqabilində bir millət necə reaksiya verməlidir? Bəs, məlumdur ki, tufan qopardacaqdır.

Sionist rejimin başçıları və havadarları bilsinlər ki, Qəzza əhalisinin qətliamı və kütləvi qırğını onların başına daha böyük bir bəla gətirəcəkdir.

7 oktyabr tufanı sionist rejim üçün bərpa oluna bilməz bir kəşfiyyat və hərbi məğlubiyyətdir.

Bu gün 10 oktyabr 2023-cü il tarixdə çərşənbə axşamı günü səhər saatlarında Ali Baş Komandanın iştirakı ilə İmam Əli (ə) adına Hərbi Universitetdə baş tutan Silahlı Qüvvələrin Hərbi Universitet tələbələrinin birgə buraxılış mərasimindən foto görüntülər

Şəhidlər təbii olaraq həmişəyaşardırlar və həmişəyaşarlıq şərti şəhidlərdə mövcuddur, lakin bizim də vəzifəmiz vardır. Biz şəhidlərin adlarını diri saxlamalıyıq, biz gərək şəhidlik məfhumundan və şəhidlərin mesajlarından düzgün yaşayışı gözəlləşdirmək üçün istifadə edək. Bizim öz cəmiyyətimizdə və dünya cəmiyyətində ictimai yaşayışı qaydaya salmağa ehtiyacımız vardır. Şəhidlərin və onların xatirələrinin köməyi ilə bu işi yerinə yetirmək mümkündür.

Bu gün sionist rejim kin və qəzəblə doludur və Quran buyurur: "Acığınızdan ölün". Allahın köməyi ilə Quranın bu "De, acığınızdan ölün" ayəsi sionist rejim barəsində həyata keçməkdədir.

İslam Respublikasının qəti nəzəri budur ki, sionist rejimlə münasibəti normallaşdırmaq qumarını özləri üçün örnək və iş metodu hesab edən dövlətlər zərər görəcəklər və onları uduzmaq gözləyir, səhv edirlər. Avropalıların dili ilə desək, uduzan atın üzərində mərc edirlər. Bu gün sionist rejimin vəziyyəti elə bir vəziyyət deyil ki, ona yaxınlaşmağa (hansısa) maraq mövcud olsun. Bu səhvi gərək etməsinlər. Qəsbkar rejim getmək üzrədir. Bu gün Fələstin hərəkatı bu 70-80 il ərzində olduğundan daha gümrahdır. Müşahidə edirsiniz ki, bu gün fələstinli cavanlar, Fələstin hərəkatı, işğalçılıq, zülm və sionizm əleyhinə hərəkat həmişəkindən daha coşqulu, daha gümrah və daha hazırlıqlıdır. İnşallah, bu hərəkat nəticəyə çatacaqdır və alicənab İmam Xomeyninin (r.ə) qəsbkar rejimi xərçəng xəstəliyi adlandırdığı kimi, inşallah, Fələstin xalqının və müqavimət qüvvələrin öz əli ilə bu xərçəng xəstəliyinin kökü bütün regionda kəsiləcəkdir.

İnqilab Rəhbərinin xərçəng sionist rejiminin müqavimət və Fələstin xalqının əli ilə kökünün kəsilməsinə təkid etməsi Qəsbkar rejim getmək üzrədir Bu gün fələstinli cavanlar və Fələstin hərəkatı həmişəkindən daha coşqulu və daha hazırlıqlıdır