Casus yuvasının ələ keçirildiyi həmin gün Amerika hökumətinin abır, etibar və vüqarı indikindən qat-qat yüksək idi. Siz bu günə baxmayın ki, Amerika insanların gözündə həqir olub, kiçilib və xalqlar açıq şəkildə Amerikanı söyür və onları lənətləyirlər. O gün isə belə deyildi. O gün Amerika dünyada birinci dərəcəli hegemon idi və heybətə sahib idi.

Qəzza əhalisi öz səbirləri ilə bəşər vicadınını hərəkətə gətirdi. Hətta Qərb ölkələrində, İngiltərə, Fransa və Amerikanın müxtəlif əyalətlərində cəmiyyət kütləvi şəkildə gəlib İsrail və ABŞ dövləti əleyhinə şüar verirlər. Onların dünyadakı abırları getdi.

Hegemonlar bomba, hərbi təzyiq, faciə və cinayətlə irəli gedirlər, iman qüdrəti isə Allahın tövfiqi ilə bunların hamısına qalib gələcəkdir.

Bu döyüş Qəzza və İsrail döyüşü deyil, haqq və batil döyüşüdür. Hegemonlarla iman arasında olan savaşdır.

Sionist rejim aciz və çaşqın vəziyyətdədir. Öz xalqına da yalan danışır. Onun əsirlərlə bağlı narahatlığı da yalandır. Onların etdiyi bombardmanlar öz əsirlərini də məhv edir.

Qərb siyasətçilərinin həyasızlıqlarından biri budur ki, öz vətənlərini müdafiə edən fələstinlilərə terrorist deyirlər. İkinci Dünya müharibəsində almanlar gəlib Parisi aldılar. Almanlarla mübarizə aparan fransızlar terrorist idilər?!

İslam dövlətləri cinayətlərin dərhal dayandırılmasına təkid etməli və sionist rejimə neft ixracının yolunu bağlamalıdır və bu rejimlə iqtisadi əməkdaşlığı kəsməlidir. Bütün beynəlxalq yığıncaqlarda bu cinayəti yüksək səslə məhkum edin.

İslam dövlətləri sionist rejimə neft və onun ehtiyaclarını təmin edən hər bir şeyin ixrac yolunu bağlamalıdırlar.

İslam dünyası unutmasın ki, İslam və məzlum Fələstin müqabilində dayanan Amerika, Fransa və İngiltərə idi. Təkcə Sionist rejim deyil. (İslam dünyası) Bunu dərk etsin və öz müamilə və mübadilələrində bunları nəzərə alsınlar.

Yekun və çox da uzaq olmayan qələbə Fələstin xalqı və Fələstin üçün olacaqdır.