Sizlər gəncsiniz; orucun, Quran tilavətinin, gecə vaxtı, sübh namazında qabaq və gündüzlər oxunan duaların sizlərdə yaratdığı təsir mənim kimilərlə müqayisədə neçə qat artıqdır. Sizlər mütləq şəkildə bu il Ramazan boyu nuranilik əldə etmisiniz. Bu nuraniyyəti qorumağa çalışın. Bunun yolu da günahdan uzaq qalmaqdadır.

Bizim vəzifələrimizdən biri Quranı tilavət etməkdir. İslam dünyasında elə bir kəs olmamalıdır ki, Quran tilavət etmədən bir gün keçirmiş olsun. Bacardığımız qədər Quran oxuyaq. "Bacardığınız qədər onu qiraət edin". Əgər siz gündə bir səhifə oxuya bilmirsinizsə, (heç olmasa) yarım səhifə də olsa, oxuyun, (əsas odur ki) oxuyasınız.​

Quran tilavətini Quran tərcüməsi və təfsirinə doğru yönəldin ki, bu iş (Quranda) dərin təfəkkür etməyə səbəb olsun. Birinci iş Quranın tərcüməsidir. Həqiqətən, belə olmalıdır ki, ölkədə müxtəlif gənclər və yeniyetmələr cəmi arasında Quran ayəsi oxunarkən ayənin məzmununu hər kəs anlasın, ayələri əzbər bilib, bu ayələrdən yararlansınlar. Bu, ölkə və cəmiyyətin dini mərifətinin inkişaf səviyyəsinə kömək edir.

Həzrət Əba Abdullah Hüseynin (ə) əzadarlıq mərasiminin ilk gecəsi 24.07.2023-cü il tarixdə bazar ertəsi axşamı İslam İnqilabı Rəhbərinin iştirakı ilə İmam Xomeyni (r.a) hüseyniyyəsində keçirilib.

Qurana diqqətlə qulaq asmaq adi bir məşğuliyyət deyil. Hər gün Quran oxumağınız gərəklidir. Demirəm ki, məsələn, gündə bir cüz (20 səhifə), ya bir hizb (5 səhifə) oxuyasınız. Gündə yarım ya bir səhifə oxusanız da, gərək bu tilavət tərk olunmasın. İl ərzində elə bir gün olmasın ki, Quranı açıb tilavət etməyəsiniz.

Müqəddəs Ramazan ayının ilk günü İmam Xomeyni hüseyniyyəsində bir qrup Quran fəalı ilə videobağlantı vasitəsilə çıxış