Qədir-Xum məsələsi bu yüksək məzmuna sahib olması ilə bütün müsəlmanlara aiddir, çünki bu məsələ ədalət, fəzilət və Allah vilayətinin hakimiyyəti mənasını daşıyır. Biz əgər, həqiqətən də, Əmirəlmöminin Əlinin vilayətindən möhkəm yapışmaq istəyiriksə, özümüzü və ətraf mühitimizi ədalətə yaxınlaşdırmalıyıq. Bunun ən böyük nümunəsi budur ki, bacardığımız qədər ədaləti bərqərar edək. Çünki ədalətin əhatə dairəsi sonsuzdur. ​

Həzrət Adəmin zamanından başlayan peyğəmbərlik və risalət silsiləsi və dinlə siyasətin pik həddə yeni formada və metodla birləşməsinin bir (İlahi) sünnətə çevrilməsi və cəmiyyətin hidayətini zəmanət altına alması Qədir-Xum hadisəsində baş verdi.​

Əgər vilayət İslami olarsa, Əmirəlmöminin Əlinin kölgəsi altında yaşayış mömin, hətta fasiq və kafir üçün, bir sözlə, hər kəs üçün hasil olacaqdır. Hətta kafirlər belə, orada rahat həyat sürəcəklər. Belə deyil ki, orada təkcə təqvalı insanlar rahat olsunlar, təqvalı olmayanlar da o mühitin təhlükəsizliyindən, bərabərliyindən, ədalətindən və o mühitin mənəvi hüzurundan istifadə edəcəklər. Əgər hökumət İlahi olmazsa, cəmiyyət, daxilində ayrı-seçkilik hökm sürən bir cəmiyyət olacaqdır.​

Qədir-Xum hadisəsi İslamın həqiqi ruhu və məzmunundan qayanaqlanan bir hadisədir. Allah-təalanın Peyğəmbərə (s) vəfatından təqribən yetmiş gün öncə "Sənə əmr etdiyimi insanlara çatdır, əgər çatdırmasan, öz risalətini yerinə yetirməmisən", –deyə buyurması onu göstərir ki, İslamın həqiqi ruh və məzmunu Qədir-Xumda mövcuddur.​

Müqəddəs Qədr gecəsinə daxil olmağa hazırlıq üçün Ramazan ayında qəlblərinizi İlahi zikrlə bacardığınız qədər nurlandırın. Çünki "Qədr gecəsi min aydan daha xeyirlidir. O gecə mələklər və ruh Rəbbinin izni ilə hər bir işin (təqdiri üçün) yerə enərlər". O gecə mələklərin yeri səmaya bağladığı, qəlblərə nur yağdırdığı, yaşayış mühitini Allahın fəzl və lütf nuru ilə nurani etdiyi bir gecədir.​

Ramazan ayının zirvəsi Qədr gecəsi günləri və mübarək Qədr gecələridir. Biz bu zirvəyə (Qədr gecəsinə) gəlib çatmışıq; biz aləmlərin Rəbbinə misilsiz təvəssül, yalvarış, dua və ondan (acizanə) tələb etmək fürsətindən istifadə etməliyik...Özünüz, bütün din qardaşlarınız, ölkəniz və cəmiyyətiniz üçün dua edin, Allahdan istəyin və o duaların icabətə yetişməsindən əmin olun.​

Qədr gecəsində ən gözəl əməl duadır. Ehya saxlamaq (oyaq qalmaq) da dua, təvəssül və zikr üçündür. Dua, yəni Allah-təala ilə danışmaq. Dua, əslində, Allahı özünə yaxın hiss etmək və ürək sözünü onunla bölüşməkdir. Dua bir istək, tərif, həmd və məhəbbəti izhar etməkdir. Bütün bunların hamısı duadır.

Əli ibn Əbu Talibin vilayəti, yəni nə? Yəni fikirlərində Əlinin ardınca olasan, fəaliyyətlərində Əlinin yolunu izləyəsən. (Vilayət) Səni Əli ibn Əbu Talib ilə güclü, möhkəm və nöqsansız bir əlaqə ilə bağlasın, (yəni) Əlidən ayrılmayasan. Budur, vilayətin mənası. Yaxşı anladınız ki, vilayət nədir? Məhz burada bu hədisin mənasını başa düşürük: "Əli ibn Əbu Talibin vilayəti mənim qalamdır". Əli ibn Əbu Talibin vilayəti mənim qalam və hasarımdır. Allah buyurur: "Hər kəs bu qalaya daxil olarsa, mənim əzabımdan amanda qalar". Hər kəs bu hasara daxil olarsa, Allahın əzabından amanda qalar. Çox maraqlı bir sözdür. Yəni nə? Yəni müsəlmanlar, Quran ardıcılları əgər həm fikir və düşüncə və həm də əməl və fəaliyyət cəhətindən Əli ibn Əbu Talibə bağlansalar, Allahın əzabından amanda qalarlar. Məgər bundan başqa bir şeydir? Məgər bundan qeyrisidir? Əgər Əli ibn Əbu Talib bu gün tanınsa, tanındıqdan sonra mən və sən alicənab onun kimi əməl etsək, o zaman vilayətə yiyələnərik; vilayət, yəni bu.

İslamı ictimai və siyasi məsələlərdən çıxarıb onu fərdi və insanların həyatının şəxsi məsələləri ilə məhdudlaşdırmağa çalışanların cavabı Qədir-Xum məsələsidir. Dəyərli Peyğəmbər (s) o həssas mövqedə, ömrünün son aylarında Allahın göstərişi ilə əsaslı və əhəmiyyətli bir məsələni bəyan edir və bu məsələ Peyğəmbər (s) zamanından sonrakı hökumət məsələsini bəyan etməkdir. Burada Əmirəlmömininin (imam) təyin edilməsi məsələsi təkcə mənəvi cəhətlərdən deyildir, əksinə, deyə bilərik ki, mənəvi cəhətlər təyin etməklə mümkün deyildir. Təyin etmək hökumət, ölkə idarəçiliyi, siyasət və İslam camiəsinin idarəçiliyi məsələlərində mümkündür. Peyğəmbər (s) bunları insanlara tövsiyə etdi.

Qədir-Xum məsələsi bütün müsəlmanlara aid bir məsələdir, çünki ədalətli hakimiyyət, fəzilət, və Allah vilayəti mənasındadır. Əgər Əmirəlmömininin vilayətindən yapışanlardan olmaq istəyiriksə, özümüzü və öz yaşayış mühitimizi ədalətə yaxınlaşdırmalıyıq.

Qədir-Xum hadisəsi və Əmirəlmömininin (ə) dəyərli İslam Peyğəmbəri (s) tərəfindən İslam ümmətinin Əmr sahibi ünvanında təyin olunması böyük və dolğun mənalı bir hadisədir. Bu, həqiqətdə əziz Peyğəmbərin (s) camiənin idarəçilik məsələsinə dəxalət etməsidir. Hicrətin onuncu ili Zihəccə ayının on səkkizi baş verən bu hərəkətin mənası İslamın camiənin idarəçilik məsələsinə əhəmiyyət verməsidir. Bu cür deyil ki, İslam nizamında və İslam camiəsində idarəçilik işləri öz başına buraxılsın və buna etinasız yanaşılsın. Səbəb budur ki, bir cəmiyyətin idarə olunması məsələsi həmin cəmiyyətdə olan ən təsirli məsələlərdən biridir.

Mən, əmim Həmzə, qardaşım Cəfər və əmim oğlu Ubeydə bir iş barəsində Allah-təala ilə əhd bağlamışdıq. Əmirəlmöminin bu əmi (və digər iki nəfər) ilə bir məsələdə əhd bağlayıblar. O məsələ, adətən, “Şəhadətə yetişənə qədər cihad etmək”dir. Yəni bu yolda, bu hərəkatda şəhadət anına qədər qorxu olmadan gedəcəyik. Sonra Həzrət dedi ki, bu yoldaşlar—bu üç nəfər məndən qabağa düşdülər, "Onlardan sonraya qaldım". Onlardan geridə qalıb şəhid olmamağım mənə çox ağır gəldi. Bizim dövrümüzdə olan fədakar insanlar Əmirəlmömininə iqtida etdilər. Onun ardınca getdilər. Şəhadət aşiqi idilər və onun ardınca idilər.Sanki Əmirəlmöminin Əlinin (əleyhissalam) fəryadı tarixin əbədi səhnəsində hələ də səslənir. O belə deyir: Düşmənlə vuruşmağa çağırılanlar və həvəslə, aşiqanə və şövqlə icabət edənlər haradadırlar? Özümüzə giriftar olduqda heç bir iş görə bilmərik. Bunu bizə o 20 və ya 25 yaşlı döyüşçü öyrədib. Əgər tikanlı məftildən keçmək istəyirsənsə, əvvəlcə gərək öz nəfsinin tikanlı məftilindən keçməlisən.Şəhidlər sizin və mənim kimi onlara qoşulmayanlara müjdə verir. (Bu ticarətdə) Mal candan ibarətdir, bu malı sizdən alırlar ki, müqabilində cənnət versinlər.Bu, ilahi vəddir, Allah sizə vəd edir, şəhadət belə bir şeydir.

Peyğəmbərlər ədaləti həyata keçirmək üçün gəliblər. Əmirəlmömininin Peyğəmbərin......

Peyğəmbərlər ədaləti həyata keçirmək üçün gəliblər. Əmirəlmömininin Peyğəmbərin canişini və İslam xilafətindəki missiyası budur....