Ümid edirəm ki, İslam ümməti dövlətlər arasındakı əlaqələrin genişləndirilməsi ilə öz şövkət və əzəməitini yenidən ələ gətirər və bütün imkan və potensialların bir arada yer alması bütün millətlərin, ölkələrin və İslam dövlətlərinin xeyrinə olar.

Ramazan ayı həm yalvarış, həm də cihad ayıdır. İslamın əvvəl illərində Bədr döyüşü və Məkkənin fəthi Ramazan ayında olub. Bu illərdə də Qüds Günü İran millətinin mübarizə günü olub və şükürlər olsun ki, digər xalqlar da bu il o hərəkəti geniş miqyasda müşayiət ediblər.

Allahın mütləq qanunu budur ki, peyğəmbərlərin yolu qalib olacaqdır və Allah möminləri müdafiə edəcəkdir. Biz İslam İnqilabının qələbəsini gördük. Bu, haqqın batilə qələbə çalması idi. Səddam rejimi ilə müharibədə Amerika, Sovet İttifaqı, NATO və hətta bəzi müsəlman ölkələri, o cümlədən qonşumuz olan Türkiyə bizim əleyhimizə idilər, lakin biz qalib gəldik.

Dünya nizamı böyük siyasi dəyişikliyə məruz qalmaqdadır. Bu dəyişikliyin iki xüsusiyyəti var: çox sürətlə həyata keçir və İslam Respublikası düşmənlərinin cəbhəsini zəiflətməyə yönəlib.

Qurani-Kərimin nazil olduğu mübarək Ramazan ayının ilk günündə günorta saatlarından sonra İmam Xomeyni hüseyniyyəsində İslam İnqilabının Ali Məqamlı Rəhbəri Ayətullah Xameneinin hüzurunda Qurani-Kərimlə nurani ünsiyyət məclisi keçirilib.

İslam Respublikası ərsəyə gələndə azadlıq və xalqa söykənməyi də özü ilə gətirir, lakin bunların kənarında din qeydini də gətirir. Liberal demokratiya liderlərinin dünyaya hakim olmaq planlarını da alt-üst edir.

Liberal demokratiyanın liderləri dünyaya hakim olmaq üçün plan cızıblar. Onlar liberalizm və demokratiya bayrağı altında dünyanın sərvətlərini talamaq, ölkələrə və millətlərə hakim olmaq istəyirlər. Təbii ki, İslam buna qarşıdır.

Fələstin məsələsi müqabilində səssizlik İslam dünyasına zərbə vurdu, yəni İslam hökumətlərinə və bütün İslam ümmətinə aid olan belə bir təcavüz qarşısında səssiz qaldılar. Həmçinin bu təcavüzə həmrəy oldular və bu işlər də məhz həmin ölkələri( İslam ölkələrini) zəiflətdi. Nəticədə də, düşmənin onlar üzərində hökmranlıq etməyinə səbəb oldu.

Ramazan ayının zirvəsi mübarək Qədr günləri və gecələridir. Biz bu zirvəyə çatmışıq. Əziz bacı və qardaşlar, bu gecələrin qədrini bilin!Bu saatların qədrini bilin! Aləmlərin Rəbbinə təvəssül, yalvarmaq, dua edib istəmək üçün misilsiz fürsətdən istifadə edin! Qədr gecələrindəki bu əzəmətli məclislər, həqiqətən də, ibrətamizdir.Səslər Allaha yalvarış üçün ucalır.   اِلَيْكَ عَجَّتِ الاَْصْواتُ فی صُنُوفِ اللُّغاتِ Səslər müxtəlif dillərdə sənə tərəf ucalır. Dualarınızdan biri də bu olsun ki, Uca Allah bu gecələrdə dua edən möminlərin dualarını qəbul etsin və qəbul olacağına da arxayın olun! Mənim və sizin üzünüzə açılan qiymətli pəncərələrdir. Gəlin özümüzü bu pəncərələrdən əsən mənəvi və müqəddəs nəsimin ixtiyarına verək. Müxtəlif insanlar, müxtəlif sosial təbəqələr, müxtəlif geyimləri, üslubları və davranışları ilə hamısı bir səqf altında, bir məclisdə toplaşır, təvəssül edirlər,göz yaşı axıdırlar. Bunların qədirini bilin, bunlar çox qiymətli və çox dəyərlidir. Bunlar bir millətin mənəvi dayaqlarını möhkəmləndirən amillərdir. Ona (millətə) çətin yollarda kömək edir. Bunlar mömin bir şəxsin qəlbini gücləndirir. Onun Allaha olan təvəkkülünü artırır. Allaha təvəkkül etdikdə isə daha Allahdan başqa heç kəsdən qorxmayacaqsınız. Allahdan başqasından qorxmadıqda da öz yüksək hədəflərinizə doğru möhkəm addımlayarsınız.

Ramazan ayı təbliğ, bəyan etmə və insanlarla ünsiyyət qurmaq üçün fürsət ayıdır.

Əziz bacılar və qardaşlar! İndi içində olduğumuz bu Ramazan ayının qədrini bilək! Tarix boyu minlərlə Ramazan ayı gəlib keçib və sənin, mənim olmayacağımız minlərlə Ramazan ayı da olacaq!