Bütün kişilərin istəyi budur ki, evə daxil olarkən, orada özləri üçün ruhi asayiş və rahatlıq hiss etsinlər. Bu iş qadının vəzifəsidir və öhdəsindədir.

Bir dəfə bir neçə il əvvəl bir cəmin içərisində biri məndən soruşdu ki, qadın (hüquqları) məsələsində Qərb müqabilində nə müdafiəniz var? Dedim ki, mən müdafiə etmirəm, hücum edirəm! Onlar özlərini müdafiə etməli, cavab verməlidirlər. Qadınları əşyaya çeviriblər. Müdafiə nə deməkdir? Mən müdafiə etmirəm. Biz qadın hüquqları məsələsində iddiaçıyıq (qərblilər cavab verməlidirlər).

Qadın ailəni bütünlüklə əhatə edən hava kimidir. Yəni hava olmadıqda tənəffüs etmək mümkün olmadığı kimi, qadın da ailə mühitində belədir.  

Quran iki qadını bütün insanlar üçün nümunə göstərir. Biri Fironun həyat yoldaşı Asiya, digəri isə Məryəmdir. Quran kişiləri örnək kimi təqdim edən Qərb sivilizasiyasının tam əksinə olaraq, qadınları nümunə göstərir. (Qadınları da) təkcə qadınlar üçün deyil, əksinə, bütün insanlar üçün örnək göstərir.

Uca Allahın ananın qəlbində övladına qarşı qoyduğu məhəbbət bənzərsiz bir məhəbbətdir. Heç bir məhəbbət bu məhəbbətlə eyni deyildir.

Uca Allahın ananın qəlbində övladına qarşı qoyduğu məhəbbət bənzərsiz bir məhəbbətdir. Heç bir məhəbbət bu məhəbbətlə eyni deyildir.

Bəzilərinin iddiası bu idi ki, Qərbdə kişi və qadının münasibətlərində tam azadlığın olması kişilərin gözlərinin doymağı və bir daha cinsi zorakılıqlara yol verməyəcəyinə gətirib çıxaracaq. Günümüzdə nəinki bu baş vermədi, əksinə, cinsi şəhvət düşgünlüyü yüz qat artdı və müxtəlif cinsi fəsadlara səbəb oldu, bütün əxlaqi və insani sərhədləri pozub keçdi.

Qadının özü və fəaliyyəti olmadan ailəni idarə etmək mümkün deyil. Bəzən ailədə elə düyünlər yaranır ki, ancaq qadının zərif barmağı (incə duyğuları) ilə açılır. Kişi nə qədər güclü olsa da, bəzi düyünləri aça bilməz.

Qadınların evdarlıq məsələsində onların evin içində oturub heç nə etməmələrini, ictimai-siyasi fəaliyyət göstərməmələrini nəzərdə tutmuruq. Xeyr, evdarlıq, yəni xanımın ev işləri ilə məşğul olmasıyla yanaşı öhdəsindən gələ biləcəyi başqa işləri də etməsi deməkdir.

Qərblilər qadınların cinsi kölə ünvanında ticarətini etmələrinə baxmayaraq, qadın hüquqlarının qorunmasında aparıcı qüvvə olduqlarını son dərəcə həyasızcasına iddia edirlər.