Məbəs bayramı münasibətilə dünyanın bütün haqq ardınca olanları və müsəlmanlarını təbrik edirəm. Əgər besətin (Həzrət Muhəmmədin (s) peyğəmbərliyə seçilməyi) nidası haqq ardınca olanlara çatsa, əlbəttə, onların qəlblərini özünə cəzb edəcək.​

Dəyərli Peyğəmbərin (s) besətində (peyğəmbərliyə seçilməsində) ən önəmli şüarı və tutduğu istiqamət cahiliyyət ilə mübarizə idi.

Besətin ən böyük xəzinəsi tövhiddir. Çünki Allaha bəndəlik bəşəriyyəti başqalarının köləsi və qul olmasından xilas edir.

Düzdür, besət (Peyğəmbərin peyğəmbərliyə seçilməsi), tarixdə baş vermiş bir hadisədir. Ancaq biz olduğumuz zamanda da bu hadisədən bəhrələnə bilərik, yəni besətin bütün dövrlərdə olan müsəlmanlara mesajı budur ki, əgər insanların iradə və əzmi Allahın iradəsi ilə üst-üstə düşsə və İlahi iradəyə tabe olsa, insanlar, hətta mümkünsüz görünən işləri bacarar, normal düşüncə və hesablamalara görə əlçatmayan hədəflərə çata bilərlər.

Fəcr ongünlüyü İran milləti və əziz ölkəmizin yenidən həyata gəldiyinin xatirəsidir. Xalq bu günləri bayram edir və bayram etməklərində də haqq vardır.      

Bu günlər əzəmətli İslam inqilabının ildönümü (İranda inqilabın qələbə qazandığı) günləridir və İran milləti və hətta dünya müsəlmanları üçün bir bayramdır. İslam bu iftixara nail ola bildi ki, qarətçi və dünyanı talan edənlərlə mübarizə aparıb, bir millətə nicat versin.    

Gənclik dövrümdə mənə çox təsir edən şəxslərdən biri ilk növbədə mərhum Nəvvab Səfəvi idi. O, Məşhədə gələn zaman mənim təqribən 15 yaşım var idi. Mən son dərəcə onun şəxsiyyətinin təsiri altına düşdüm və Məşhəddən gedəndən bir neçə ay sonra onu çox pis bir vəziyyətdə şəhid etdilər. Bu hadisə də onun təsirini bizdə daha da gücləndirmiş oldu.  

Dəyərli İslam Peyğəmbəri Həzrət Məhəmmədin (s) Besət bayramı ilə eyni günə təsadüf edən və 08.02.2024-cü il tarixdə səhər saatlarında bir qrup dövlət rəsmiləri, İslam ölkələri nümayəndə və səfirləri İmam Xomeyni hüseyniyyəsində İslam İnqilabının Rəhbəri ilə görüşüblər.

Alimlər, elm adamları, siyasətçi və İslam dünyasının mətbuat işçiləri insanlarda ümumi bir tələb formalaşdırmalıdırlar ki, onların dövlətləri sionist rejimə qəti bir zərbə vurmağa naçar olsunlar. Biz demirik ki, müharibəyə girsinlər, nə müharibəyə girişəndirlər, nə də ki bu iş bəziləri üçün mümkündür. Lakin iqtisadi əlaqələri kəsə bilərlər.

Mən eşitdim ki, müsəlman ölkələrin bəziləri sionist rejimə silah verirlər, bəziləri də müxtəlif iqtisadi köməklik göstərirlər. Bəs, bunun qarşısını almaq millətlərin üzərinə düşən bir işdir. Millətlər (öz dövlətlərinə) təzyiq göstərə bilərlər.