Bizim İlahi vədəyə yəqinimiz vardır, gələcəyə də ümid bəsləyir və öz vəzifəmizə əməl edəcəyik.

Bəzi İslam dövlətləri beynəlxalq yığıncaqlarda sionist rejimi təkcə zahiri olaraq mühakimə ediblər. Bu, məqbul sayılmır. Əsas iş sionist rejimin həyati fəaliyyətini kəsməkdən və İslam dövlətlərinin bu rejimə enerji və malların çatmasının qarşısını almaqlarından ibarətdir.​

Sionistlərin Qəzzada bacarıqsızlığı Amerika və Qərb ölkələrinin də bacarıqsızlığıdır. Dünya hazırda müşahidə edir ki, geniş imkanlara, avadanlıqlara və hərbi inkişafa sahib bir rejim Amerika və Qərb ölkələrinin dəstəyinə baxmayaraq, bu imkanların heç birinə sahib olmayan öz müqabil tərəfinə qalib gələ bilmədi.​

Sionistlər əvvəldən dedilər ki, bizim hədəfimiz HƏMAS-ı məhv etməkdir, lakin qırx gün keçməsinə baxmayaraq, bu işi yerinə yetirə bilmədilər və gələcəkdə də edə bilməyəcəklər. Xəstəxanalara və insanların evlərinə girmək qələbə deyildir.

Sionist rejimin Qəzzada məğlubiyyəti bir həqiqətdir. Xəstəxanaların, qadın və uşaqların Qəzzada bombardman olunması sionist rejim başçılarının bu məğlubiyyətə görə kəskin əsəbi olduğunu göstərir.​

Qəzza hadisələri bir çox gizli qalmış həqiqətləri dünya əhalisi üçün aşkar etdi və bu həqiqətlərdən biri Almaniyanın kansleri, Amerika və Fransanın dövlət başçılarının və həmçinin İngiltərərinin Baş nazirinin irqi ayrı-seçkiliyə dəstək verməsidir.​

Sionistlər özlərininin üstün irqə sahib olduqlarını, digər bəşər üzvlərini isə aşağı səviyyəli irq hesab edirlər. Buna görə də heç bir vicdan əzabı hiss etmədən neçə min nəfər uşağı qətlə yetiriblər.​

Əgər qadının örnəyi Zeynəb və Fatimeyi-Zəhra olarsa, fədakarlıq və hər şeyin bahasına olsa da, onun işi düzgün dərk etməkdən, mövqeyini dərk etməkdə sayıq olmaqdan və ən gözəl hərəkətləri seçməkdən ibarət olacaqdır.

Qəzzada baş verən bütün bu qırğınlara baxmayaraq, sionist rejim indiyə qədər bu hadisənin həqiqi məğlubudur, çünki öz aradan getmiş abrını geri qaytara bilmədi və gələcəkdə də bu işi görməyə qadir olmayacaqdır.

Amerikalılar Qəzza cinayətlərində sionistlərlə şərikdirlər və əgər onların silah-sursat və siyasi baxımdan köməkləri olmasa, sionist rejim üçün bu işi davam etdirmək mümkün olmayacaqdır.