Amerika utanmazcasına bombardmanların dayandırılması və atəşkəsin olması üçün Təhlükəsizlik Şurasının qətnaməsinə veto qoyur. Yəni bununla uşaq, qadın, xəstə, qoca və müdafiəsiz xalqın üzərinə bomba yağdırmaqda şəriklik edir.

Siz gənclər Quranla ünsiyyət yaratdığınız hər dəfə sizdə olan cəhalət pərdələrindən biri aradan gedir. Qəlbinizdə nuraniyyət çeşmələrindən bir çeşmə açılmış olur və oradan axmağa başlayır.

İran milləti bütün vücudu ilə isar edənlərin (fədakarlıq edənlərin) təlaş və mücahidliklərinə borcludur. (Bu fədakarlar) Həm canlarını fəda edərək şəhid olanlar, həm də döyüş cəbhələrinə gedib, təhlükəni gözə alıb, can qoymuş və bütün güclərini sərf etmiş, lakin Allah-təalanın istəyi ilə bərəkətlərinin ölkəsi və İslam dünyası üçün davamlı olmağından ötrü sağ qalan şəxslərdir. General Süleymani də fədakardır və eyni zamanda da şəhiddir. Bu generallar da canlı şəhiddirlər, bir şərtlə ki, bu yolu davam etsinlər.

Qəzza əhalisi və mübarizləri dağ kimi dayandılar. Su, yemək, dərman və yanacaq çatmır, lakin duruş gətiriblər və təslim olmurlar. Həmin bu təslim olmamaq onları qalib edəcəkdir.

Şübhəniz olmasın ki, sionist, qəsbkar və düşmən olan rejimin bir gün yer üzərindən kökü kəsiləcəkdir və inşallah, bu, gələcəkdə yüz faiz baş verən hadisələr sırasındadır. Ümidvarıq ki, siz gənclər onu öz gözlərinizlə görəsiniz.

Qəzza hadisəsi Fələstin xalqı və fələstinli mübarizlər tərəfindən də bənzərsizdir, çünki bu cür duruş gətirmək, səbr, müqavimət və bu cür düşməni dəli etmək müşahidə olunmamışdı.

Qəzza hadisəsinin iki cəhətdən analoqu yoxdur. Sionist rejim tərəfindən bu hadisənin analoqu yoxdur, çünki heç zaman belə bir uşaq qətliamı, xəstəxanada olan xəstələrin başlarına səngər dələn bomba yağdırmaq və bu cür rəhimsizlik bu tarixi dönəmdə görünməmişdi.

Müsəlman millətlərin vəzifəsidir ki, öz dövlətlərindən sionist rejimə hər növ köməkliyin və hətta öz əlaqərini də kəsməyi tələb etsinlər. Əgər öz əlaqələrini (qəsbkar rejimlə) bir dəfəlik kəsməyə qadir deyillərsə, heç olmasa müvəqqəti olaraq kəssinlər.

Bəzi müsəlman dövlətləri sionist rejimə kömək etməklə cinayətə mürtəkib olurlar. Bu gün müsəlman dövlətlərin vəzifəsidir ki,  mal, neft, yanacaq və sair kimi şeylərin sionist rejimə çatmasına imkan verməsinlər, necə ki o (qəsbkar rejim), Qəzza əhalisinə suyun çatmasına imkan vermir.

Şəhidlərin qanı dünya üçün əbədi müqavimət dərsidir!