Əgər biz bezarlıq məsələsində israr və ona təkid edir və onu yerinə yetiririksə,… bu, İslamın vacib buyurduğuna görədir. Ayədə buyurulur: “Allah və onun Rəsulu da müşriklərdən bezardır”, möminlər də müşriklərdən bezardırlar: “Həqiqətən, biz sizdən və Allahdan başqa ibadət etdiklərinizdən bezarıq. Biz sizi təkzib edirik. Siz yeganə olan Allaha iman gətirməyincə həmişə bizimlə sizin aranızda ədavət və düşmənçilik olacaqdır.” Bu, dinə aiddir. Bəli, bu siyasətdir, həcc əməllərində siyasi iş var, lakin bu siyasi iş elə dini vəzifənin özüdür.​

[Amerikanın] İslama və müsəlmanlara qarşı əsas siyasəti müharibə odunu alovlandırmaqdır… Müsəlmanlar ayıq olmalı və bu şeytani siyasəti puça çıxarmalıdırlar. Həcc bu ayıqlığın zəminini yaradır və həccdə müşriklərə və hegemonlara qarşı bezarlığın fəlsəfəsi də məhz budur.​

Mənim israrlı tövsiyəm bu xoşbəxt zəvvarların hamısına, xüsusilə də bu İlahi görüş məkanında iştirak edən İslam ölkələrinin alim və xətiblərinə, həmçinin bu iki şərafətli iki Hərəmin cümə xətiblərinə budur ki, məsələni doğru anlayaraq bugünkü və təcili vəzifələrini dərk etsinlər… Bütün qəzəb və fəryadlarını İslam ümmətinin düşmənlərinə, fitnələrin başında duran sionizm və Amerikaya yağdırsınlar. Müşriklərdən bezarlığı sözlərində və əməllərində açıq şəkildə göstərsinlər.

(Allah düşmənlərindən) Bezarlığı biz kənardan gətirib həccə daxil etməmişik. O, həccin bir hissəsidir, həccin ruhudur və bu əzəmətli həcc toplantısının həqiqi mənasıdır.

Bezarlıq o deməkdir ki, insanlar [həcc zamanı] bir yerə toplanaraq, qalstuk taxıb, ütülü paltar geyinmiş, ətir vurmuş və vəhşilərin ən vəhşisi kimi insanları qətlə yetirən cəlladlara qarşı, həmçinin onları dəstəkləyənlərə, onların xeyrinə beynəlxalq toplantılarda qərarlar verənlərə qarşı hayqırsınlar və fəryad etsinlər.

Bu gün dünyanın ixtiyar sahibliyi iddiasında olanlar uşaqları və xəstələri öldürürlər, xəstəxanaları dağıdırlar, mülki insanları bombalayırlar.

Döyüşçünün iki vəzifəsi var: biri düşməni geri oturtmaq, digəri isə özünü qorumaq. Lakin bizim xilasedici özünü qorumağı düşünmür, başqalarını qorumağı düşünür.

Bəzi Qərb ölkələrinin rəhbərləri illərdir dünyanın qulağını sülh və insan haqları şüarları ilə kar ediblər. Amma məsələ Qəzzadakı minlərlə məzlum uşağın qətliamına gəldikdə, nəinki bunun qarşısını almadılar, hətta zalıma yardım da etdilər!

Amerikanın birbaşa danışıqlarda israr etməsinin səbəbi budur ki, desin: “Mən təhdid, tamahlandırma və hiylə ilə İranı birbaşa danışıqlar masasına oturtmağa müvəffəq oldum.” Şəhid Rəisi buna imkan vermədi.

İranlı xilasedicilər insansevərlik xüsusiyyətinin təcəssümü idilər. İran əleyhinə Saddamın müharibəsi zamanı xilasedicilər hətta əsir düşmüş və yaralanmış düşmənə də yardım edirdilər.