Allah Rəsulunun vəfat etdiyi andan 260-cı (qəməri) ilə qədər imamlar orta, uzun və bəzən də qısamüddətli bir zamanda İlahi hökumət qurmağa çalışdılar. Məsələn, bizim nəzərimizcə, İmam Həsənin (ə) dövründə İslam hökumətinin qurulması cəhdi qısamüddətli bir zaman üçün nəzərdə tutulmuşdu.

Əgər şiə tarixinin Əmirəlmöminin (ə), İmam Həsən (ə), İmam Hüseyn (ə) və Xanım Fatimeyi-Zəhra (s.ə) kimi böyük simaları olmasaydı, bu gün kitab səhifələrində nəinki təkcə şiədən, əksinə, İslamdan bir əsər-əlamət tapılmazdı. İslamı mən və sizlər üçün qoruyub-saxlayan Əlinin (ə) adı, xatırlanması və bu böyük şəxsiyyətlərin şəhadət və fədakarlıqlarını xatırlamaq olmuşdur.

Dünya mediası öz nümunələrini təqdim edərək insanları azdırmaq üçün bütün imkanlardan istifadə edir. Millətlərin əllərində də onların qarşısında təqdim edəcək heç bir nümunələri yoxdur, lakin bizim əlimizdə vardır. İmam Həsən (ə) və İmam Hüseynə (ə) "Cənnət əhlinin cavanlarının ağası",— deyirlər. Yəni onların gəncliyi həmişə bir nümunə olaraq dünya gənclərinin gözü önündə olmalıdır. Peyğəmbər (ə) və Əmirəlmömininin (ə) gəncliyi də belədir.

İmam Həsənin (əleyhissalam) üslubu nifaq xəttini ifşa etmək idi.