06/05/2024
Qəzza məsələsi bu gün dünyanın birinci məsələsidir. Sionistlər və himayədarları olan Amerika və Avropa Qəzza məsələsini ictimai rəyin gündəmindən çıxarmaq üçün hər nə edirlərsə, nail ola bilmirlər. (Bunun üçün) ABŞ və Avropa universitetlərinə nəzər salın.
05/05/2024
Silahlı Qüvvələrin son nailiyyətləri dünya xalqlarının və qlobal məsələləri müşahidə edənlərin gözündə İslami İran barədə vüqar və əzəmət hissi yaradıb.
05/05/2024
Mülahizə edin ki, ABŞ dildə İsraillə müxalifət etməklə hansı rəftarı sərgiləyir. Amerikalı tələblər nə dağıdıb tökmək şüarı verdilər, nə kimisə öldürdülər və nə də hər hansı bir yeri yandırdılar. Onlara qarşı bu şəkildə rəftar olunur.
05/05/2024
Demək olmaz ki, başqa zamanlarda bu hərəkət (mübarizə) pik həddə çatmadı. Xeyr, İmam Rzanın (ə) dövründə və digər zamanlarda da vəziyyət belə idi. Lakin İmam Sadiqin (ə) dövründə bir fürsət irəli gəldi və bu böyük şəxsiyyət bir iş gördü ki, cəmiyyətdə düzgün İslami mərifətin (dərindən tanımağın) əsaslarının möhkəmlənməsi ilə daha təhriflər bu prinspləri aradan apara bilməzdi. O şəxsiyyətin gördüyü həmin iş bu zəminin qalması və tarixin hər bir dövründə ləyaqəti olan şəxslərin bu zəmindən istifadə edərək İslam hökuməti və İslami dəyərlərə əsaslanan köklü təməl prinsiplərini meydana gətirmək və bu üstün olan binanı tikib hazırlaya bilməsinə səbəb oldu. Bu, İmam Sadiqin (ə) gördüyü bir iş idi.
04/05/2024
Sadiq vədə əməliyyatında İran milləti və Silahlı Qüvvələrin iradə gücünün beynəlxalq arenada təzahür etməsi sionistlərin qəzəblənməsinə səbəb olmuşdur.
04/05/2024
Qəzza məsələsini dünyanın birinci məsələsi olmasından çıxmağına imkan vermək olmaz. Sionist rejim üzərinə təzyiq günbəgün daha da artmalıdır.
Plakat
Allaha təvəkkül edin
03/05/2024
Allah-təalaya hüsni-zənniniz olsun və ona təvəkkül edin. Bilin ki, Allahın möminləri müdafiə etmək vədi mütləq və dəyişilməzdir.
03/05/2024
Fələstin aralarında müsəlman, xristian və yəhudi olmaqla Fələstin xalqının özünə aiddir. Fələstini onların özlərinə qaytarsınlar. Sionistləri ölkədən çıxarmaq və yaxud da saxlamaq qərarını onlar özləri versinlər. Bu bizim BMT-də qeyd olunan həll yolumuzdur.
02/05/2024
Lakin başdan ayağa xəbis, şər və xətadan ibarət olan rejimin özü öz səhvlərinin üzərinə başqa bir səhv də əlavə etdi və bu səhv də İranın Suriyadakı konsulluğuna hücum idi. Hər bir ölkədə olan konsulluq və səfirlik binası həmin ölkənin torpağı kimidir, səfirlik ona aiddir. Sionist rejim İranın Suriyadakı konsulluğuna hücum etməklə sanki torpağımıza hücum edib. Bu, dünyanın qanunudur. Xəbis rejim bu məsələdə səhv etdi, tənbeh olunmalıdır və olunacaqdır.
02/05/2024
Şəhid Mütəhhəri öz müxatəbini hidayət edirdi. Onlara düzgün düşüncə yolunda qəlbi hüzur, aramlıq və yəqinlik bəxş edirdi. Şəhid Mütəhhəri məsuliyyət hissi daşıyan biri idi, vəzifəsini yerinə yetirmək arxasınca idi və həqiqətən, boynuna düşən vəzifə ilə bağlı təşvişdə idi. O, heç zaman fəaliyyətsiz qalmadı.
02/05/2024
Şəhid Mütəhhərinin çox mühüm və böyük xüsusiyyəti həm düşüncə istehsal etmək, həm də bu düşüncəni nəşr edib yaymaq idi. Düşününcə yaymaq çox mühümdür. Sakit oturmazdı, həmişə düşünməkdə idi, həmişə təşvişdə idi ki, düzgün, möhkəm və dərin düşüncəni öz dinləyiciləri arasında yaysın. Sözün həqiqi mənasında fikri mübarizə cihadını uzun illər ərzində o başlamışdı. Hücumların ən şiddətlisi ilə üzləşirdi, üz-üzə qalırdı və onlara qalib gəlirdi.
02/05/2024
Fələstin öz həqiqi sahiblərinə, yəni fələstinlilərin özünə qaytarılmayana qədər Qərbi Asiya məsələsi həll olmayacaqdır.
01/05/2024
Qəzza əhalisini bombalamaqla sionist rejimin yaratdığı faciə nəticə verməyəcəkdir.
30/04/2024
Maddi dünyada işçiyə şurup, bolt və maşın kimi bir vasitə olaraq baxılır. İslamda isə belə deyildir. İslamın fəhləyə baxışı və ona verdiyi dəyər İslamın o əməyə verdiyi dəyərdən irəli gəlir.
30/04/2024
Biz illərdir ki, Amerika və Avropanın kəskin sanksiyaları ilə üz-üzəyik. Bu sanksiyaların hədəfi nədir? Yalandan deyirlər ki, bu, nüvə silahı və bəşər hüququna görədir. Xeyr, bunlar deyil. Terrorizmi dəstəklədiyinə görə İrana sanksiya tətbiq edirlər. Onların gözündə terrorist kimdir? Qəzza əhalisi.
29/04/2024
(Pəhləvi hökuməti) Siyasi baxımdan xarici qüvvələrin əlaltısı olan bir siyasi quruluş idi. Rəsmi şəkildə xarici və hegemon qüdrətlər onları iş başına gətirmişdi. O qüdrətlər bir gün İngiltərə idi və sonra isə Amerika.
29/04/2024
(Pəhləvi hökuməti) İdarəetmə üslubu cəhətindən istibdad idarəetmə üslubu hakim idi və mütləq şəkildə xalqın heç bir rolu yox idi. Bu gün xalqın ölkə işlərində nə qədər iştirakının olmasını və o işlərə dəxalət etməsini keçmişdəki ilə müqayisə edin. Görün haradan başladıq və haraya gəlib çatdıq. Əlbəttə, indi olduğumuz vəziyyətlə qane olmaq olmaz. Bu bizim üçün məlum məsələlərdən biridir. O hökumətdə xalqın istəklərinə mütləq formada etina olunmurdu və ümumiyyətlə, xalqı heç bir işdə, heç bir məsələdə hesaba almırdılar.
28/04/2024
Bu İslam hökumətini meydana gətirən mübarizə kimə qarşı idi? Kiminlə mübarizə aparılırdı? Nə ilə və hansı mövcud olan bir vəziyyətlə mübarizə aparılırdı? Bu, mühümdür. Bu günün həqiqətlərini müəyyən etmək və onlar haqda düzgün mühakimə etmək o zaman hasil olar ki, haradan hərəkətə başladığımızı və o zaman ölkədə hansı vəziyyətin hakim olduğunu bilək. Mən deyirəm ki, bu mübarizənin müqabil tərəfi (xarici qüvvələrdən) asılı olan fasid və xəyanətkar Pəhləvi hökuməti idi.
Plakat
İnqilabi hökumət nə deməkdir
28/04/2024
İnqilabi hökumət nə deməkdir? Yəni bir sıra çətin və mürəkkəb mübarizələri arxada qoyduqdan sonra acı həqiqətlərlə yanaşı meydana gəlmiş bir hökumətdir. Yəni mübarizə ilə vücuda gəlmiş bir hökumət.
24/04/2024
Bəzi günahlar vardır ki, insan onların günah olmasına diqqət etmir. Danışdığımız sözlər və sosial şəbəkələrdə verdiyimiz nəzərlərin bir çoxuna görə (Allah dərgahında) cavab verməliyik. Xülasə, ehtiyatlı olmaq lazımdır. Quran buyurur: "Çünki qulaq, göz və ürəyin hər biri sorğu-suala tutulacaqdır". Rəftarlamızda olan səhvlərin tapılmasına diqqət etmək lazımdır. Əgər bunlar bilinsə, islah olunması, onlara görə tövbə və istiğfar etmək də mümkün olacaqdır. Əgər bu səhvlər tapılmasa, insan daha tövbə də etməyəcək, üst-üstə yığışıb qalacaq və qəlbi nurani olmaqdan saxlayacaqdır. Belə olması isə heyifdir.
21/04/2024
Sadiq vədə əməliyyatı hadisəsində sionist rejimə qarşı etdikləri səy və müvəffəqiyyətlərə görə Silahlı Qüvvələrə səmimi-qəlbdən təşəkkür edirəm.
21/04/2024
Silahlı Qüvvələrdə xidmət edənlərin həyat yoldaşlarına və övladlarına çətinliklərə dözdüklərinə görə təşəkkür edirəm. Çəkilən zəhmətlərin əsas yükü bu ağır çətinliklərə dözən Silahlı Qüvvələrdə xidmət edənlərin həyat yoldaşları və övladlarının çiynindədir.
19/04/2024
Fələstin məsələsinin London, Paris və Vaşinqtonda birinci məsələyə çevrilməsi kiçik bir şey deyil. Bu görülməmiş bir hadisədir. Məlum məsələdir ki, İslam dünyasında yeni bir dəyişiklik həyata keçməkdədir.
19/04/2024
İslam ölkələrinin sionist rejimlə əlaqələrinin kəsilməsi təkcə bizim deyil, eyni zamanda müsəlman millətlərin də gözləntisidir. Əgər müsəlman ölkələrində bu haqda referendum keçirilsə, heç şübhəsiz, nəzər verərlər ki, dövlətləri əlaqələri kəsməlidirlər.
18/04/2024
Müsəlman dövlətlər sionist rejimlə iqtisadi və siyasi əlaqələri, ən azı, müvəqqəti olsa da, dayandırsınlar! Nə qədər ki bu cinayətlər baş verir, (sionistlərlə) əlaqələr kəsilsin və onlara kömək olunmasın.
18/04/2024
Fələstin hadisəsində müsəlman dövlətlərin sionist rejimə kömək etməsi təəssüf doğurucu bir haldır. Sionistlər bir ölkəyə daxil olan zaman ağcaqanad kimi o ölkənin qanını öz xeyirlərinə sovururlar. Sionist rejimə kömək etmək özlərinin də məhv olmalarına kömək etmək deməkdir.
17/04/2024
Sizlər gəncsiniz; orucun, Quran tilavətinin, gecə vaxtı, sübh namazında qabaq və gündüzlər oxunan duaların sizlərdə yaratdığı təsir mənim kimilərlə müqayisədə neçə qat artıqdır. Sizlər mütləq şəkildə bu il Ramazan boyu nuranilik əldə etmisiniz. Bu nuraniyyəti qorumağa çalışın. Bunun yolu da günahdan uzaq qalmaqdadır.
10/04/2024
Bu il Ramazan ayında Qəzzada baş verən qanlı hadisələr dünya müsəlmanlarını qəm-qüssəyə boğdu.
10/04/2024
Qəsbkar sionist rejimə Allahın lənəti olsun ki, Ramazan ayında nəinki qadınları, uşaqları və müdafiəsiz xalqı qətliam etməkdən əl çəkdi, əksinə, daha da şiddətləndirdi.
10/04/2024
Sionist rejim İranın Suriyadakı konsulluğuna hücum etməklə sanki torpağımıza hücum edib. Xəbis rejim səhv etdi, tənbeh olunmalıdır və olunacaqdır.
09/04/2024
Səhifeyi-Səccadiyyənin 20-ci duası olan mübarək Məkarimul-Əxlaq duasını çox oxuyun ki, İmam Səccadın (ə) bu duada Allah-təaladan nə istədiyini görəsiniz. İmamların (ə) kəlamları, Səhifeyi-Səccadiyyənin duaları və əxlaqi xəstəliklərimizə şəfa verə biləcək, ruhumuzun yaralarını müalicə edəcək bu şəfaverici dərmanlarla özümüzü tanış edək.
08/04/2024
Sionist rejimin Qəzzada məğlubiyyəti davamlı olacaqdır. (İsrailin) Suriyada İran konsulluğuna terror hücumu kimi alçaqcasına bihudə cəhdləri onları məğlubiyyətdən xilas edə bilməyəcəkdir. Əlbəttə, bu hərəkətin də silləsini yeyəcəklər.
07/04/2024
Şeir mediadır. Bu gün dünyada çəkişmə və toqquşmalar media əsasındadır. Medialar düşməni geri oturtmaqda, habelə qəlbləri və zehnləri təsir altına salmaqda raket, pilotsuz uçuş aparatı, təyyarə və döyüş sursatlarından daha effektivdir. Kimin mediası daha güclü olarsa, öz hədəflərində daha müvəffəq olacaqdır.
07/04/2024
Qərb universitetlərinə olunan böyük bir irad budur ki, bu universitetlər sionist qüdrtələrin elmdən sui-istifadə etmələrinə səbəb olmuşdur.
07/04/2024
Ədaləti düzgün başa düşmək lazımdır. Ədalət dedikdə, yəni ümumi ictimai imkanlardan istifadə zamanı ictimai təbəqələşmənin aradan qaldırılması nəzərdə tutulur. Bütün imkanlar bərabər şəkildə xalqın ixtiyarına verilməlidir. İmkanlardan yararlanmaq imtiyazı zülmdür, ədalətin ziddinədir.
06/04/2024
Əqsa fırtınası hadisəsindən sonra Qərbi Asiya məntəqəsindəki hesablamalar dəyişdi və dəyişəcəkdir. Müqavimət düşmənləri bu dəyişikliklərlə razılaşmağa məcburdurlar və bilsinlər ki, bu məntəqədə hökmranlıq edə bilməzlər.
06/04/2024
Fələstinlilərə kömək etmək yolunun sionist rejimlə rabitə yaratmaq və əlaqə qurmaq olduğunu düşünsək, bu, çox böyük bir səhv olar. Bu qırx ildə sionist rejimin cinayətləri azaldı məgər?! İnsafən, sionist rejim də rəzillik və cinayətin ən son həddini törətməkdədir. Daha bundan artıq və bundan xəbis iş çox az zehnə gələ bilər.
05/04/2024
Ümidvarıq ki, Allah-təala Fələstin hadisəsində bu işi yaxşı nəticə ilə sonlandırsın, inşallah, fələstinliləri düşmənə qalib etsin.
05/04/2024
Qüds Günü təkcə Fələstinə aid bir gün deyil, əksinə, İslam ümmətinin günüdür.
Son
Klip