Plakat
Hər cəhətdən güclüyük
16/08/2025
İran xalqı heç bir meydanda zəif tərəf kimi zahir olmayacaq. Çünki biz bütün lazım olan vasitələrə malikik, həm məntiqimiz var, həm də gücümüz, həm diplomatiya sahəsində, həm də hərbi sahədə.
16/08/2025
Son müharibədə əgər başqaları əvvəllər uzaqdan nəsə eşitmişdilərsə, bu dəfə İran İslam Respublikasının gücünü yaxından hiss etdilər.
15/08/2025
İranın hücum etdiyi o mərkəz [Əl-Üdeyd bazası] Amerikanın bu bölgədəki son dərəcə həssas bir mərkəzi idi. Zərbə böyük bir zərbə idi, əlbəttə, Amerikaya və başqalarına bundan da böyük zərbələr endirmək mümkündür.
15/08/2025
İslam İnqilabının qələbəsindən sonra tələbələrin sayının təxminən on dəfə artması və İranın elmdə yeni söz deməsi hegemon qüvvələri, xüsusilə də cinayətkar Amerikanı narahat edir. Onların nüvə zənginləşdirilməsi və insan haqları kimi irəli sürdükləri məsələlər sadəcə bəhanədir, əsas məsələ məhz budur.
15/08/2025
Əgər İslam ölkələrinin imkanları birləşsə, o zaman İslam ümməti İlahi izzətin nə demək olduğunu göstərəcək, İslamın əzəmətli sivilizasiyasını dünya ictimaiyyətinə tanıdacaq. Hədəfimiz bu olmalıdır və bu Ərbəin yürüşü bu hədəfin həyata keçirilməsi üçün təsirli bir vasitə ola bilər.
15/08/2025
Cinayətkar Amerika İslam və Quranın kölgəsində yaranan birliyin əleyhinədir, həmçinin siz İran xalqının elminə də düşmən kəsilmişdir.
14/08/2025
“Düşmənə qarşı bacardığınız qədər güc-qüvvə tədarük görün...”
Ərbəin yürüşü İslamın, həqiqətin və İslami müqavimət cəbhəsinin gücüdür ki, bu cür milyonluq möhtəşəm yığıncaq Kərbəlaya, Hüseynə, fədakarlıq və şəhadətin iftixarlı zirvəsinə doğru yola çıxır və bütün dünyanın azad insanları ondan dərs almalıdır.
14/08/2025
İslam inqilabından əvvəl İranda Amerika adı insanları qorxudurdu, əməli qarşıdurmadan isə söhbət belə gedə bilməzdi. İndi isə həmin xalq elə bir yerə çatıb ki, artıq Amerikadan qorxmur, əksinə, onu qorxudur və əli çatdığı qədər əməli baxımdan da ona qarşı hərəkət edir.
14/08/2025
Elə ki, biz heç olmasa bəyanatlarımızda belə bir-birimizin yanında dayansaq, bu, İslam ümmətinin şəxsiyyətinə əzəmət gətirər. Harada bu birliyin nümunələrini gördüksə, hətta yalnız bədənlərin bir yerdə dayanması şəklində olsa belə, onun dünyadakı əks-sədasının İslama və müsəlmanlara şərəf və abır gətirdiyinin şahidi olduq. İmam Hüseyn Ərbəinində milyonlarla insanın bir-birinin kənarında dayanmasını gördünüz. Elə bir qisim müsəlmanların bu möhtəşəm hərəkətinin özü dünyada əks-səda doğurdu və buna ehtiram göstərildi, təqdir edildi.
Plakat
Düşmənə sarsıdıcı zərbə
14/08/2025
Bəli, biz sionist rejimi bir xərçəng xəstəliyi kimi görürük, Amerika rejimini isə ona dəstək verdiyinə görə cinayətkar hesab edirik. Lakin biz müharibəyə üz tutmadıq, amma düşmən hücum etdiyinə görə cavabımız sarsıdıcı oldu.
14/08/2025
Əgər biz bir yerdə olsaq, İslam ölkələri, müsəlman xalqlar – sünni və şiə, sünnilik və şiəlikdəki müxtəlif məzhəblər – bir-birinə qarşı ürəkləri saf olsa, bir-birinə qarşı sui-zənn etməsələr, bir-birinə hörmətsizlik etməsələr, görün, dünyada nə baş verəcək, İslam üçün necə bir izzət formalaşacaq! Vəhdət, vəhdət!
13/08/2025
14 avqust cümə axşamı İmam Hüseynin qırxı və Ərbəin günüdür.
13/08/2025
Son müharibədə İran İslam Respublikası öz quruluşunun və ölkəsinin təməl dayaqlarının misilsiz möhkəmliyini bütün dünyaya nümayiş etdirdi.
13/08/2025
Biz, dini imanımızı möhkəmləndirmək və müxtəlif və çoxşaxəli elmlərimizi inkişaf etdirmək və dərinləşdirmək yolunda böyük addımlar atacağıq.
08/08/2025
İmam Səccad (ə) İslam cəmiyyətində əxlaqı təlim vermək və dəyişməklə məşğul oldu. İmam Səccadın (ə) təhlilinə əsasən, İslam dünyasının əsas problemlərinin mühüm bir hissəsi xalqın əxlaqının tənəzzülə uğraması və zay olub aradan getməsi idi.
Əgər camaat İslam əxlaqına sahib olsaydılar, Yezid, İbn Ziyad, Ömər Səd və başqaları o faciəni törədə bilməzdilər... Hakimiyyətlər istər fasiq olsunlar, istər dinsiz və zalım – xalqı belə böyük bir faciəni törətməyə, yəni Peyğəmbərin (s) oğlunu və Fatimeyi-Zəhranın (əleyhassalam) övladını öldürməyə vadar edə bilməzdilər.
07/08/2025
Sionist rejimin İrana qarşı başlatdığı on iki günlük təcavüzkar xarakterli müharibədə İran xalqı böyük qürur və iftixar qazandı ki, dünya xalqları da buna etiraf edirlər. İran milləti bu savaşda öz gücünü, əzmini, iradəsini, müqavimətini və üstün mövqeyini bütün dünyaya nümayiş etdirdi.
Plakat
İmam Səccadın həqiqi siması
07/08/2025
İmam Səccad (ə) barəsində yaradılmış o susqun, başıaşağı, məzlum və passiv obraz tamamilə həqiqətə ziddir. İmam Səccadın (ə) həqiqi siması mübariz, qəhrəman, yorulmaz və (zülmlə) barışmaz bir simadır. O, tam tədbirlə, tam dəqiqliklə yolları tanıyır, onları seçir və hədəflərə doğru bu yollarla irəliləyir, özü isə (bu yolda) yorulmur, amma düşməni yorur.
02/08/2025
Düşmənin son təcavüzü nəticəsində baş verən müharibədə şəhid olanların anım mərasimi İslam İnqilabı Rəhbərinin, şəhid ailələrinin, ölkənin yüksək rütbəli dövlət və hərbi rəsmilərinin, eləcə də xalqın geniş şəkildə iştirakı ilə 29.07.2025-ci il tarixdə İmam Xomeyni hüseyniyyəsində keçirildi.
Həzrət Ayətullah Xamenei mərasimin bir hissəsində bir neçə dəqiqəlik çıxış etdi.
01/08/2025
İslam İnqilabının əvvəlindən indiyədək, İranda bu kimi hadisələr dəfələrlə baş vermişdir – səkkiz illik təcavüzkar müharibə, müxtəlif fitnələr: hərbi, siyasi, təhlükəsizlik sahəsində və çevriliş cəhdləri və bu kimi başqa olaylar. Son 45 il ərzində İran İslam Respublikası bu sahələrdə bütün düşmənləri üstələməyi bacarmışdır.
Plakat
Dünya hegemonlarının
01/08/2025
Dünya hegemonlarının, başda isə cinayətkar Amerika rejiminin əleyhinə olduğu əsas məsələ İran xalqının dini və elmi qüdrətidir.Həzrət Ayətullah Xamenei mərasimin bir hissəsində bir neçə dəqiqəlik çıxış etdi.
01/08/2025
İmam Xomeyninin yaratdığı İran xalqının İslam İnqilabı dünya hegemonlarının təyin etdiyi, qüdrətlərin müqabilində zəlil olan və İslama zidd bir nizamı (sistemi) meydandan çıxardı və müstəqil, xalqmehvər, milli izzətə söykənən bir nizamı onun yerinə gətirdi. Bu inqilab istibdadı azadlığa çevirdi.
31/07/2025
İran İslam Respublikasının quruluşunda din və elm iki əsas təməl ünsürdür. Məhz bu səbəbdəndir ki, xalqın dini inancı və gənclərimizin elmi biliyi müxtəlif sahələrdə düşməni geri çəkilməyə məcbur edə bildi. Bundan sonra da bu belə olacaq.
29/07/2025
Sionist rejimin son hücumu nəticəsində şəhid olmuş hərbi komandirlərimizin, alimlərimizin və əziz xalqımızın yaxınlarına başsağlığı verməyi özümə lazım bilirəm.
18/07/2025
Rza şah təkcə bir xarici səfər etdi və o səfər də Atatürk zamanı Türkiyəyə səfər idi. Orada hicabsız qadınları gətirib ona göstərdilər. Hicabsızlıq ideyasını onun zehninə yerləşdirdilər və sonra da ətrafında olanlar dedilər ki, sivilizasiya və bu kimi işlər Atatürkün gördüyü həmin işlərdir və o zamandan bunun fikrinə düşərək, bu işin müqəddimələrinə başladı. Sonra 1935-ci ildə bu iş artıq icbari oldu.
18/07/2025
Gövhərşad Məscidi hadisəsinin əsas mövzusu mərhum Hacı Ağa Hüseyn Qumidir. O, Allah yolunda qorxmaz, hazırlıqlı və bütün təhlükələri gözə alan bir mücahid ruhanı idi. O, "Hicabın zorla açılması" məsələsində demişdi: "Mən gedib Rza xanla danışacağam və onu məcbur edəcəyəm ki, məni dinləsin." 28.03.2017
KHAMENEI.IR media orqanı Rza xan hakimiyyəti dövründə hicabın zorla açılmasına qarşı çıxanların 1935-ci ilin iyul ayında Məşhəd şəhərindəki Gövhərşad Məscidində baş vermiş qanlı hadisənin ildönümündə Hacı Ağa Hüseyn Quminin şəklini paylaşaraq onu bu hərəkatda ilk mücahid kimi qeyd etmişdir.
17/07/2025
Mən, cənab Fərşçianın illər əvvəl mənə verdiyi tablosuna hər dəfə baxanda ağlamışam. Halbuki mənim sinəm Aşura səhəri və günortadan sonrakı hadisələri ilə bağlı rövzələrlə doludur. Axı kim bizdən daha çox bilir ki, bu barədə kim nə yazıb, nə oxuyub, nə deyib?
Deyirlər, bu işlərlə məşğul olan adamların özləri ağlamır. Amma biz bu qədər rövzə bildiyimiz halda cənab Fərşçian [çəkdiyi tablo ilə] elə bir rövzə oxuyur ki, bizi ağladır. Bu necə faydalı, dərin məzmunlu və mənalı bir sənətdir ki, bir sənətkar bu halı yarada bilir?
17/07/2025
Rza şah zamanının Əli Əsğər Hikmət kimi məşhur mədəniyyət sahəsinin şəxsiyyətləri hicabın açılması mövzusunda mütəmadi rol ifa etdilər. Rza şahın əlində tüfəng var idi və bunlar da düşüncə formalaşdırıb, Rza şahı o tüfəngi harada istifadə etməsi üçün yönləndirirdilər.
Plakat
Biz güzəşt etməyəcəyik
06/07/2025
Bu gün bu alçaq, rəzil və xəbis kimliyə malik terrorçu sionistə qarşı qətiyyətlə hərəkət edilməlidir və inşallah, ediləcək də. Biz onlara heç bir güzəştə getməyəcəyik.
06/07/2025
Bunu dünyanın bütün güc sahibləri və hegemonları bilməlidirlər ki, İran xalqı heç bir gücə boyun əyməyəcək.
06/07/2025
Düşmənin hərbi meydanda yaratdığı psixoloji müharibədən məqsədi qorxu yaratmaq və geri otuzdurmaqdır. Qurani-Kərimin təbirinə görə, istənilən hərbi, siyasi, təbliğat və iqtisadi sahədə qeyri-taktiki geri çəkilmə İlahi qəzəblə nəticələnəcəkdir.
05/07/2025
Həqiqətən də, İslamın İmam Hüseynin qiyamı ilə qorunduğuna dair bu etiqad düzgün bir etiqaddır. Təxminən yüz il əvvəlki dövrlə müqayisədə insanların dindarlığına zahirən bu günkü qədər qarşı çıxanlar yox idi, amma bu gün keçirilən mərasimlər daha coşqulu, daha təsirli və daha geniş miqyasda keçirilir. Bütün bunlar Hüseyn ibn Əlinin (ə) rəhbərliyi ilə dünyada irəliləyən bir həqiqətin və bir cərəyanın göstəricisidir. Bu cərəyan yol açacaq və xalqların düyünlərini açacaqdır.
Plakat
SAKİT DAYANMAYIN
05/07/2025
İslam Şurası Məclisi üçün diplomatiya sahəsində fəaliyyət nümunələrindən biri həmin Qəzza məsələsidir. (Bu mövzuda) Rahat oturmayın, sakit qalmayın... Amerika kimi böyük bir hərbi, siyasi və iqtisadi sistem qəsbkar sionist rejimin arxasında dayanaraq, bir müqavimət qrupu ilə döyüşürlər, amma bununla belə, onları diz çökdürə bilmirlər. HƏMAS və müqaviməti diz çökdürə bilmədiklərinə görə öz hiddətlərini xalqın üzərinə tökürlər.
05/07/2025
Biz hegemoniyaya, hegemon quruluşa və bir neçə ölkənin dünyanın taleyinə hakim kəsilməsinə qəti şəkildə qarşıyıq, bununla mübarizə aparırıq və onların dünyanın taleyi ilə oynamasına imkan vermərik.
05/07/2025
Düşmənlər İslam İnqilabının qələbəsinin əvvəlindən müxtəlif yollarla millətimizə təlqin edirdilər ki, Amerika, İngiltərə və sionistlərdən qorxmalısınız. Şəhidlər öz fədakarlıqları ilə bu psixoloji savaşı zərərsizləşdirdilər.
04/07/2025
Ayətullah Seyid Əli Sistani (bəyanat):
İranın Ali Dini Rəhbərinə qarşı hər cür cinayətkar hərəkət və sui-qəsd cəhdi bütün bölgə üçün ağır nəticələrə səbəb olacaq.
Ayətullah Məkarim Şirazi (istiftaat):
İslam ümmətinə və onun hakimiyyətinə zərbə vurmaq məqsədilə Rəhbərliyi (Vəliyyi-fəqihi) və mərcəiyyəti hədələyən və ya onlara qarşı təcavüz edən istənilən şəxs və ya rejim müharibə elan etmiş (muharib) sayılır.
Ayətullah Nuri Həmədani:
Əzəmətli mərcə və İslam ümmətinin Rəhbərliyinə (Vəliyyi-fəqih) qarşı hər hansı bir təcavüz, İslamın əsasına və bütün müsəlmanların həyatına qarşı edilmiş təcavüz sayılır.
Ayətullah Cavadi Amoli (mesaj):
Ümid edirik ki, müstəqilliyin dayağı və müqavimətin sütunu olan İslam İnqilabının Ali Rəhbəri Uca Allahın pənahında olsun.
Ayətullah Cəfər Sübhani (bəyanat):
İslam Respublikası quruluşuna və Ali Rəhbərə yönəlmiş istənilən təhqir məhkumdur və bu, düşmənin acizliyinin və çıxılmaz vəziyyətinin göstəricisidir.
Ayətullah Seyid Əli Əkbər Hairi (mesaj):
İslam Respublikasının Rəhbərliyinə edilən hər cür təcavüz bütün İslam ümmətinə qarşı təcavüzdür, çünki o şəxs yalnız İslam ümmətinin dini təqlid mərcəsi deyil, həm də müqavimət və İslam vəhdətinin rəmzidir.
Ayətullah Seyid Musa Şübeyri Zəncani:
Qaniçən rejim açıq şəkildə İnqilabın Ali Məqamlı Rəhbərini (bərəkəti davamlı olsun) hədələyib. Bu hədələr qarşısında milli birliyin qorunması və möminlərin həmrəyliyi güclü bir silahdır.
Ayətullah Hüseyn Məzahiri:
Amerikanın abırsız prezidenti utanmadan İran xalqının şücaətli rəhbərini terrorla hədələyir və bu alçaqcasına təhdidin tarixin bu cinayətkarları üçün necə pis bir aqibət yazacağını anlamır.
Şeyx Nəim Qasim:
Trampın İmam Xameneini (Allah ömrünü uzun etsin) terrorla hədələməsi həm alçaq bir hərəkətdir, həm də eyni zamanda onun acizliyinin göstəricisidir. Tramp bu böyük din təqlid mərcəsinin müsəlmanlar və dünya xalqları arasında tutduğu mövqedən xəbərsizdir və bu təhdidlərin ağır nəticələrinə cəhaləti var.
Doktor Səlah Əbdülhəqq, "İxvanul-Muslimin" (Müsəlman Qardaşları) cəmiyyətinin ümumi irşad rəhbəri:
İslam İnqilabının Ali Rəhbəri, İxvanul-Müsliminin heç bir şübhəsi yoxdur ki, düşmənimiz birdir və o da sionist rejimdir. Bizim ona qarşı ilk və əsas silahımız isə İslam birliyidir.
04/07/2025
Görürsünüz, İmam Hüseyn (ə) buyurdu: Biz zilləti qəbul etmirik, "HEYHAT MİNNƏZ-ZİLLƏH, Əbəllah zalikə", Allah zilləti qəbul etməyimizə qarşıdır. Möminin haqqı yoxdur ki, kafirlərə qarşı təslimiyyətin zillətini qəbul etsin və onların təzyiqinə və zorakılığına boyun əysin.
04/07/2025
Sionist düşmən böyük bir səhvə yol verib, böyük bir cinayət törədib və mütləq şəkildə cəzalandırılmalıdır.
03/07/2025
İmam Hüseyn (ə) buyurdu: "ZİLLƏT BİZDƏN UZAQDIR". İmam Hüseynin hərəkəti izzət hərəkəti idi, yəni haqqın izzəti, dinin izzəti, imamətin izzəti və Peyğəmbərin təqdim etdiyi yolun izzəti. İmam Hüseyn (ə) izzətin təcəssümü idi və ayağa qalxdığı üçün həm də fəxr və qürur mənbəyi oldu.
03/07/2025
İran xalqı zorla tətbiq edilmiş sülh qarşısında qətiyyətlə dayanır və zor tətbiqi qarşısında heç kimə təslim olmaz.
Son