02/10/2023
Müqəddəs Müdafiə illəri sərhədlərimizi genişləndirdi. Coğrafi sərhədləri nəzərdə tutmuram. Biz nə o gün, nə də bu gün coğrafi sərhədlərimizi genişləndirməyin ardınca olmamışıq. Başqa sərhədləri, məsələn, müqavimət sərhədini genişləndirdi. Bu gün müqavimət həm məfhum olaraq zehnlərdə yer alıb və həm də zahirdə öz yerini tutub. Fələstində müqavimət vardır, Qərbi Asiyada müqavimət vardır, müxtəlif ölkələrdə, o cümlədən İraqda, İranda və başqa yerlərdə müqavimət mövcuddur. Bu müqavimət anlayışını Müqəddəs Müdafiə illəri dünyada gündəmə gətirdi, inkişaf etdirdi və dünyanın bir çox yerlərində bərqərar etdi.
02/10/2023
Tarix boyu bizə belə deyilmişdi və bizimlə belə rəftar olunmuşdu: "Siz bacarmazsınız, siz heç kim deyilsiniz və dünya qüdrətləri sizi bir işarə ilə yer üzündən silə bilərlər". Müqəddəs Müdafiə illəri göstərdi ki, xeyr, belə deyil. Bəzilərinin həyat və ümidlərinin bağlı olduqarı kəslərin hamısı əl-ələ verib bir millətin əleyhinə hərəkətə keçirlər və heç bir qələt də edə bilmirlər. (Müqəddəs Müdafiə illəri) Bunu İran millətinə göstərdi.
30/09/2023
Dünya müsəlmanlarının ən böyük problemi Qurandan uzaq düşmələridir.
30/09/2023
Biz insanların problemi səhvimizdən, onu islah etməyin zərurətindən və islah etməyi özümüzdə həyata keçirməkdən qəflət etməyimizdir.
30/09/2023
Burada bir hədis qeyd edim: "Bəlaları istiğfar etməklə (özünüzdən) uzaqlaşdırın". Bəla qapılarını istiğfar etməklə bağlayın. Bu oxuduğumuz "... Sizi müəyyən müddətədək (dünya həyatının) gözəl bəhrələrindən bəhrələndirsin" ayəsində də mövcuddur, yəni həyatın gözəl bəhrəsi Uca Allahdan bağışlanma və tövbə diləməklə əldə ediləcəkdir.
30/09/2023
Əgər ürəkdən istiğfar diləyə bilsəniz, əzm göstərib hərəkət etsəniz, bilin ki, İlahi tövfiq və diqqət halınıza şamil olur, sizi (mənəvi aləmə tərəf) cəzb edirlər və (özlərinə tərəf) çəkirlər.
24/09/2023
Allah-təala Quranda təkrar-təkrar bağışlanma diləmək və Allaha doğru tövbə etməyə əmr edir. Tövbə, yəni qayıdış. Bu qayıdış həm iman mərhələsindədir, həm də əməl və rəftar. Bizim səhlənkarlıqlarımız olub və (indi də) vardır. Özümüzü islah etməliyik və bunun da birinci dərəcəli əhəmiyyəti vardır. Mübarək "Hud" surəsi belə başlayır: "Bağışlayan və mehriban Allahın adı ilə. Əlif, Lam, Ra. Ayələri möhkəmlənmiş, sonra isə hikmətli və xəbərdar (Allah) tərəfindən ətraflı şəkildə izah edilmiş bir kitabdır. (Mənim dəvətim bundan ibarətdir) ki, Allahdan başqasına ibadət etməyəsiniz. Həqiqətən, mən onun tərəfindən sizin üçün bir qorxudan və müjdə verənəm. Öz Rəbbinizdən bağışlanmaq istəyəsiniz, sonra ona tərəf qayıdasınız". Yəni Quranın risaləti birinci növbədə tövhid məsələsidir. Dərhal Allaha qayıdış və Allahdan məğfirət diləməkdən söhbət gedir. Bu bütün təbəqələrə–peyğəmbərlərdən tutmuş aşağı dərəcədə olanlara qədər hamıya aiddir. Lakin istiğfar etməyimizə səbəb olan günah bizdə bir cür, pak və seçilmiş insanlarda isə başqa cürdür.
24/09/2023
Xudbinlikdən istiğfar etməliyik. (Yalnız) Özünü istəmək Allahı istəməyin müqabilində dayanıb.
24/09/2023
Hədislərdə görmüşük və oxumuşuq ki, Əhli-beyt imamlarının (ə) həyatı Allah yolunda başdan-ayağa mücahidlik və mübarizə olmuşdur. İmam Səccaddan (ə) tutmuş on birinci imam olan İmam Həsən Əskəriyə (ə) qədər (bütün imamlar üçün) vahid bir xətt mövcuddur. Bu vahid xətt başdan-ayağa təlaş, döyüş, zəmanənin (hakim) qüdrəti və onlara bağlı olanların müqabilində cəbhələşməkdən ibarət davamlı bir xətdir.
24/09/2023
Bu üç imamın, yəni İmam Cavad (ə), İmam Hadi (ə) və İmam Əskərinin (ə) Mədinədən birbaşa İraqa gətirilməsinin, hər üçünün İraqda qalmasının, orada şəhid olmasının, (elə ordada da) dəfn olunmasının və eləcə də cavanlıq dövründə qətlə yetirilməsinin səbəbi bu idi ki, şiə təşkilatı bu üç imamın dövründə öz qüdrət zirvəsinə çatmışdı.
24/09/2023
Mərifət əhli və mənəvi yolu seyr edən kəslərdən bəzilərin etiqadı budur ki, Rəbiül-əvvəl ayı həyatın və yaşayışın baharıdır. Çünki bu ayda əziz Peyğəmbər və o cümlədən ali cənab övladı Həzrət Əba Əbdillah Cəfər ibn Muhəmməd Sadiq (əleyhissəlam) dünyaya gəliblər və Peyğəmbərin mövludu Allahın-təalanın bəşər üçün təqdir etdiyi bütün bərəkətlərin başlanğıcıdır.
24/09/2023
Şiələrin bir dəstəsi belə düşünürdülər ki, İmam Həsən Əskəri (ə) öz atalarının yolundan dönmüşdür. İmam Həsən Əskəri (ə) onlara (yazdığı) məktubunda buyurur: "Bizim niyyət və əzmimiz həmişə olduğu kimi möhkəmdir. Qəlbimiz sizin xoş niyyət və xoş düşüncələrinizlə hüzur tapır". Görün bu, şiələr üçün necə də enerji bəxşdir... Bu, İmam və tərəfdarları arasında olan həmin möhkəm təşkilati bir əlaqədir.
Plakat
İstiğfar—ən yaxşı dua
20/09/2023
(Hədisdə buyurulur:) "Ən yaxşı dua istiğfar etməkdir". Allah-təaladan bağışlanma diləmək bütün dualardan üstündür.
20/09/2023
Deyilirdi ki, Səddamı İrana hücuma keçməyə təşviq edən əsas Amerikalılar idi. Sonra da döyüş zamanı kəşfiyyat yardımı olan ən əsas köməyi də Amerikalılar edirdilər. Daimən hava kordinantlarını, döyüş mövqelərimizin planını çəkib Səddamın ixtiyarına verirdilər. Döyüşün taktiki gedişatlarını onun ixtiyarında qoyurdular.
20/09/2023
Müqəddəs Müdafiə illərində kimlər hücuma keçmişdilər? Əgər bu baxışla Müqəddəs Müdafiə illərinə baxsaq, Müqəddəs Müdafiə illərinin əzəmət və əhəmiyyəti aydın olacaqdır. Amerika, Avropa ölkələri, Sovet İttifaqı və o zamanın bütün qüdrətləri bir cəbhədə yer aldılar və İslam Respublikasına qarşı müştərək olaraq hücuma keçdilər.
20/09/2023
Şərq bloku, keçmiş Sovet İttifaqı və Şərqi Avropa ölkələri Səddama lazım olan bütün quru və hava hərbi imkanlarını verdilər. O zamanlar raket baha idi və ona görə də (İraqın) artilleriyasını elə təchiz edirdilər ki, çox xərc çəkmədən Tehranı topla vura bilsinlər.
20/09/2023
Ömrünün mühüm bir dönəmində, təxminən ömrünün son otuz ilində Şəhriyar çox gözəl bir irfani və mənəvi dövr keçirdi. O, Quran və mənəviyyatla ünsiyyət qurmuşdu və özünü düzəltməklə məşğul olmuşdu. Yəni özünə (mənəvi cəhətdən) yetişdi, öz batin və mənəviyyatına səfa bəxş etməyə çalışdı.
20/09/2023
İslam Respublikasının əleyhinə müşahidə etdiyiniz bu qədər çox cəncəl bizim qüdrətimizdən xəbər verir. İmam Xomeyni (r.ə) bir zaman buyurmuşdu ki, əgər İslam Respublikası önəmli bir şey deyilsə, nə üçün onun əleyhinə bu qədər düşmənçilik edirlər? Əgər əhəmiyyəti yoxdursa, nə üçün onunla qarşıdurma yaradırlar və özlərini öldürürlər? Bu, İslam Respublikasının qüdrətinə dəlildir.
20/09/2023
"وَعْدَ اللَّهِ لا يُخْلِفُ اللَّهُ وَعْدَهُ وَ لكِنَّ أَكْثَرَ النَّاسِ لا يَعْلَمُونَ"
"Allah bu vədi verib, Allah əsla öz vədinə xilaf çıxmaz, lakin camaatın əksəriyyəti (bunu) bilmir". (Rum surəsi, ayə 6)
Plakat
Haqpərəst və sədaqətli şair
19/09/2023
Şəhriyar təmiz və saf, üstün əxlaqi keyfiyyətlərə malik bir şəxsiyyət idi. O, təvazökar, haqpərəst, təqvalı, səmimi, sədaqətli və şeir azuqəsini heç kimə satmayan bir insan idi. O, sağlığında şöhrət zirvəsinə çatsa da, tağutun tələbinə boyun əymədi.
14/09/2023
Düşmən düşmənçiliyində və plan tökməyində ciddidir, biz də düşmənlə qarşıdurmada çox ciddiyik.
12/09/2023
Avropanın da vəziyyəti Amerikadan yaxşı deyil və tənəzzül etmək üzrədir. Bu günlər Afrika əhalisi Fransanın əl altısı olan hökumətləri süqut etdirirlər. Qərb qüdrətləri əvvəlki o qüdrətə sahib deyil və zəifləmək üzrədir. Bu, dünya miqyasında böyük bir dəyişikliyidir.
12/09/2023
Amerikanın digər qüdrət göstəricilərindən biri də başqa dövlətlərə dəxalət etmək imkanının olması idi. Bu gün bu, tənəzzül etmək üzrədir. Bu gün Amerika zərbə vurmaq istədiyi dövlətlərdə çoxlu xərclərlə hibrit müharibə yaratmağa məcburdur, lakin bunun özü də axırda bir nəticə vermir.
12/09/2023
Mən səmimi qəlbdən İraqlı bacı-qardaşlara Ərbəindəki dəyərli qonaqpərvərliklərinə görə təşəkkür edirəm. Əllərində olan hər bir şeylərini ortaya qoydular və 22 milyondan artıq zəvvara qonaqlıq və mizbanlıq etdilər.
12/09/2023
Bizim təhlükəsizlik qüvvələrinin dediklərinə əsasən, Amerika bir "Böhran qrupu" yaradıb. Yəni ölkələrdə, o cümlədən də İranda böhran yaratmaq üçün məmuriyyət alıblar. Onlar bu nəticəyə çatdılar ki, İranda böhran yaratmaq üçün bir neçə məqam vardır və onu təhrik etmək lazımdır. Məsələn, qövmlər arası ixtilaf, məzhəbi fərqliliklər, qadın-kişi arasında ayrı-seçkiliklər və qadın məsələsi. Bu, Amerikanın proqramıdır.
12/09/2023
Dünyada böyük bir dəyişiklik başlanıb. Bu dəyişiklikdə ən əsas gözə çarpan Amerika kimi hegemon qüdrətlərin zəifləməsi, habelə dünyada və məntəqədə yeni qüdrətlərin meydana gəlməsidir.
12/09/2023
Qərb və hegemon qüdrətlər zəifləməkdədir. Amerika qüdrətinin göstəricisi tənəzzülə doğru getməkdədir. Amerika qüdrətinin göstəricilərindən biri də onun güclü iqtisadiyyatıdır ki, özlərinin dediklərinə əsasən, çökməkdədir.
07/09/2023
İmam Hüseynin adı, onun yolu, İmam Hüseynə olan diqqət, Seyidüş-Şühəda Hüseyn ibn Əliyə təvəssül etmək (qarşıda olan) yolları açır.
07/09/2023
Bu gün doğru yoldan sapdırmaq üçün şeytanın vəsvəsələri həmişəkindən daha çoxdur. Əgər bu vəsvəsələr müqabilində müqavimət göstərsəniz, o zaman zirvəni fəth edərsiniz, yəni Allah dininin, haqqın, ədalətin hakimiyyəti, o cümlədən insan yaradılışının və təkamülünün hədəfinə çatmaq zirvəsinə.
07/09/2023
İnşallah, necə ki, möhkəm iradə ilə əzəmətli Ərbəin yürüşündə Kərbəlaya doğru hərəkət etdiniz, eləcə də bütün işlərdə, inşallah, mənəviyyat, həqiqət və tövhid hakimiyyətinin yolunu da həmin möhkəm əzmlə keçəcəksiniz.
Plakat
Hüseynçi olaraq yaşayın
07/09/2023
Hüseyn əleyhissəlam hidayət çırağıdır. Həmişə Hüseynçi olaraq yaşayın və Hüseynçi olaraq da qalın.
Plakat
Hüseynin maqnit cazibəsi
06/09/2023
Ərbəin günü başlanan Hüseynin maqnit cazibəsi Cabir ibn Abdullahı Kərbəlaya çəkir.
06/09/2023
Aşura günündən Ərbəin gününə kimi olan 40 gün haqq məntiqinin zülmət dünyasındakı hökmranlığı idi.
06/09/2023
Əzəmətli Ərbəin yürüşü Allah yolunda mübarizə aparmaq təfəkkürünün yüksəlmə göstəricisidir.
04/09/2023
Şiənin ruhu Kərbəla və Aşuraya aid bir ruhudur. Şiə Hüseynin Aşurasının ardıcılıdır.
04/09/2023
Əhli-beytə mərifəti olan kəslərin qəlbində Kərbəla eşqi və şövqü diridir.
04/09/2023
Bizim şiə cəmiyyəti üçün ən böyük nemətlərdən biri İmam Hüseynin (ə) xatırlanması və yad olunması, yəni əzadarlıq məclisləri, Məhərrəmlik və Aşura nemətidir.
04/09/2023
Aşura dərsləri siz İran millətinin zamanın Hüseyni sayılan şəxsin və Əba Əbdillahın (ə) övladı arxasında həyata keçirdiyiniz həmin böyük və əzəmətli inqilabdır.
Plakat
Aşura qiyamının qələbəsi
04/09/2023
Kim deyə bilər ki, İslam aləmi, İslam tarixi və İslami düşüncə Hüseyn ibn Əlinin (ə) şəhadəti ilə ziyana uğradı?! Bəşəriyyət tarixinin böyük şəxsiyyəti və məsum imamı olan Hüseyn ibn Əli (ə) insanların əlindən çıxdı, lakin İslamın qalıcılığı onun coşan pak qanı ilə zəmanətləndi.
Son
