22/07/2023
İsveç hökuməti onu da bilməlidir ki, Quranı yandıran cinayətkarı dəstəkləməklə İslam dünyasına qarşı müharibə mövqeyi tutmuş və bütün müsəlman xalqların və onların hökumətlərinin bir çoxunun nifrət və düşmənçiliyini özünə doğru cəlb etmişdir.
22/07/2023
İsveçdə müqəddəs Qurani-Məcidə qarşı hörmətsizlik etmək acı, hiyləgərcəsinə və təhlükə yaradacaq bir hadisədir. Bu cinayəti törədən şəxsə veriləcək ən ağır cəza bütün İslam alimlərinin yekdil nəzəridir.
20/07/2023
Mən prezident idim və müəyyən həddə ölkə imkanları prezidentin ixtiyarında idi, yəni mənim ixtiyarımda idi. Lakin bu qoca kişi ilə qoca qadının azacıq belə olsun, gözləntiləri yox idi ki, bu evi daha yaxşısına dəyişələr, yaxud da bu evə əl gəzdirələr. Atam 1986-cı ilə qədər, anam da prezident (olduğum) dövrün axırlarına kimi o evdə yaşayırdılar, amma bu evin daha yaxşı bir vəziyyətə düşməsi üçün azacıq belə, dəyişiklik olunmadı. Bu, İslam Respublikası üçün iftixar və qürur mənbəyidir. Əlbəttə, bu işin fəziləti mənə aid deyildir, əksinə, sözün həqiqi mənasında zöhdə sahib olan və dünyanın zahiri zinətlərinə qarşı rəğbətsiz olan o iki alicənab şəxsə aiddir. Onlar üçün bunun əhəmiyyəti yox idi ki, necə və harada yaşasınlar. Atam rəhmətə gedərkən onun kitablarını çıxmaq şərtilə, bu evin əşyaları hamısı bir yerdə təxminən 45 min tümən pul elədi. Baxmayaraq ki, o gün o 45 min tümən pulu xərcləsəydilər, o pulla, məsələn, bir soyuducu və qaz almaq olmazdı. Bu onun 50 il bu şəhərin imam-camaatı, hörmətli ruhani olduğu və ona çoxlu insanların rəğbət etdiyi vaxtlar idi. Bizim keçmişdəkilərimiz belə yaşayıblar.
20/07/2023
Bağışlayan və mehriban Allahın adı ilə
"Allahın rəhmət və salamı əziz şəhid Mustafa Sədrzadəyə və bütün haqq yolunun ixlaslı şəhidlərinə olsun".
Seyid Əli Xamenei
Şəhriyar şəhəri sakini gənc hərəm müdafiəçisi Mustafa Sədrzadə 2015-ci ilin Tasua günü Suriyanın Hələb bölgəsində şəhid olub. İslam İnqilabının Rəhbəri müxtəlif görüşlərdə bu şəhidin xatirəsini anaraq onun gənc nəsil üçün örnək olduğunu qeyd edib.
21.08.2023-cü il tarixdə səhər saatlarında "Mustafa kimi" adlı mərasim zamanı İnqilab Rəhbərinin "Sənin adın Mustafadır" və "Doqquzuncu günün əsgəri" adlı kitablara iki ürək sözü nəşr olundu.
20/07/2023
Şəriətin bütün vacib hökmləri arasında əhəmiyyətli və daha əhəmiyyətli olanı vardır. Bəzən bir şey vacib olmasına baxmayaraq, ikinci dərəcədə yer alır və ərsədən xaric olur. Həcc vacibdir, lakin gördünüz ki, İmam Hüseyn (ə) öz Həccini Ümrə ilə əvəz etdi. Əgər o Həzrətin bundan öncə Həccə getmiş olduğunu və birinci vacib Həccinin olmadığını fərz etsək belə, amma (ən azından) o Həzrətin səhabələri arasında bu Həccin bəziləri üçün vacib olması mütləq idi. Lakin tərk etdilər və gəldilər. Bu nə cür oldu? Nə üçün gəldilər? Həmin mübarizəyə görə idi.
19/07/2023
Bu bir-iki ildə keçən Məhərrəmlik bizim minillik Məhərrəmlik tariximizdə ən dolğun mənalı və ən həyacan dolu Məhərrəmlikdir. Bizim Məhərrəmliyimiz mesaj ötürən, cihad və müqavimət ocağı olan Məhərrəmlikdir. Şiə məntiqində və İslam mədəniyyətində Məhərrəmliyin mənası ideal olan haqq yolda öz qanından keçməyin, şəhid olmağın və qiyam etməyin bütün bəşəriyyət və insanlıq üçün dəyərli olmasıdır.
Plakat
Fədakarılığın zərurəti
19/07/2023
İnsanın bəşəriyyətin tərəqqisi üçün bir addım daha artıq məşəqqətlərə qatlaşmaq istəyinin dəyəri vardır. Məsələn, İmam Hüseynin (ə) şəhadətə çatdığı həmin o hədəf kimi. Bundan daha üstün bir şey yoxdur ki, İmam Hüseyn (ə) o qədər zəhmət çəkdi. Məgər İmam Hüseyn (ə) öz evində otura bilməzdi?
19/07/2023
Əgər şiə tarixinin Əmirəlmöminin (ə), İmam Həsən (ə), İmam Hüseyn (ə) və Xanım Fatimeyi-Zəhra (s.ə) kimi böyük simaları olmasaydı, bu gün kitab səhifələrində nəinki təkcə şiədən, əksinə, İslamdan bir əsər-əlamət tapılmazdı. İslamı mən və sizlər üçün qoruyub-saxlayan Əlinin (ə) adı, xatırlanması və bu böyük şəxsiyyətlərin şəhadət və fədakarlıqlarını xatırlamaq olmuşdur.
16/07/2023
Müxtəlif elmlərdən, o cümlədən psixologiyadan istifadə edən qərblilər yüz faiz yalan mesajları öz müxatəblərinin beyninə həqiqət kimi yerləşdirirlər.
16/07/2023
İslam Respublikası qurulandan sonra elmiyyə hövzələrinin vəzifələri arasında təbliğin üstünlüyü ikiqat artmışdır, çünki dinə əsaslanan siyasi nizamın qurulması hegemonların İslamla düşmənçiliyinin artmağına səbəb olmuşdur.
16/07/2023
Allahın dini moizədən başqa bir yolla kütlə səviyyəsində düzgün şəkildə həyata keçirilə bilməz.
13/07/2023
Fransızlar yüz ildən çox Əlcəzairdə cinayətlər törətmiş və insanları öldürüblər. Bəlkə də bir neçə il ərzində on minlərlə insan qətlə yetirilib. Budur liberalizm?
13/07/2023
Əgər siz liberal və azadlıq tələb edənsinizsə, necə olur ki, Hindistan kimi çoxmilyonlu bir xalqı yüz ildən artıq müddət ərzində müstəmləkə altında saxlayıb bütün sərvətlərini oradan çıxarıb kasıb bir millətə çevirirsiniz? Budur liberalizm?!
13/07/2023
Bu gün dünyada iki cəbhə arasında qarşıdurma mövcuddur. Bir cəbhə İslam nizamıdır, digər cəbhə isə özünü liberal- demokratiya adlandıran yalançı cəbhə. Halbuki o nə liberaldır, nə də demokrat.
11/07/2023
İmam Musa ibn Cəfərin (ə) şəxsi həyatında o Həzrətin yaxınlarından və xüsusi səhabələrindən İmamın (ə) nə üçün çalışdığından xəbəri olmayan bir kəs yox idi. İmam Musa ibn Cəfərin (ə) özü aşkar əməlləri və işarələri ilə, həmçinin yerinə yetirdiyi gizli işləri ilə bunu başqalarına göstərirdi. Hətta İmamın oturduğu xüsusi otağı haqqında o Həzrətin yaxınlarından olan hədisi nəql edən deyir ki, mən daxil oldum və gördüm ki, İmam Musa ibn Cəfərin otağında üç şey vardır: biri hədəfin cihad olduğunu çatdıran qılınc, digəri hədəfə çatmaq yolunda inqilabi və əziyyətlə dolu həyatın vasitə olmasını çatdıran cod paltar və bir də Quran var idi ki, hədəfin bu vasitələrlə Qurani bir yaşam tərzinə yetişmək olduğunu bildirirdi. Bunun üçün də bu çətinliklərə qatlaşırıq.
06/07/2023
İslamı ictimai və siyasi məsələlərdən çıxarıb onu fərdi və insanların həyatının şəxsi məsələləri ilə məhdudlaşdırmağa çalışanların cavabı Qədir-Xum məsələsidir. Dəyərli Peyğəmbər (s) o həssas mövqedə, ömrünün son aylarında Allahın göstərişi ilə əsaslı və əhəmiyyətli bir məsələni bəyan edir və bu məsələ Peyğəmbər (s) zamanından sonrakı hökumət məsələsini bəyan etməkdir. Burada Əmirəlmömininin (imam) təyin edilməsi məsələsi təkcə mənəvi cəhətlərdən deyildir, əksinə, deyə bilərik ki, mənəvi cəhətlər təyin etməklə mümkün deyildir. Təyin etmək hökumət, ölkə idarəçiliyi, siyasət və İslam camiəsinin idarəçiliyi məsələlərində mümkündür. Peyğəmbər (s) bunları insanlara tövsiyə etdi.
06/07/2023
Qədir-Xum məsələsi bütün müsəlmanlara aid bir məsələdir, çünki ədalətli hakimiyyət, fəzilət, və Allah vilayəti mənasındadır. Əgər Əmirəlmömininin vilayətindən yapışanlardan olmaq istəyiriksə, özümüzü və öz yaşayış mühitimizi ədalətə yaxınlaşdırmalıyıq.
05/07/2023
Qədir-Xum hadisəsi və Əmirəlmömininin (ə) dəyərli İslam Peyğəmbəri (s) tərəfindən İslam ümmətinin Əmr sahibi ünvanında təyin olunması böyük və dolğun mənalı bir hadisədir. Bu, həqiqətdə əziz Peyğəmbərin (s) camiənin idarəçilik məsələsinə dəxalət etməsidir. Hicrətin onuncu ili Zihəccə ayının on səkkizi baş verən bu hərəkətin mənası İslamın camiənin idarəçilik məsələsinə əhəmiyyət verməsidir. Bu cür deyil ki, İslam nizamında və İslam camiəsində idarəçilik işləri öz başına buraxılsın və buna etinasız yanaşılsın. Səbəb budur ki, bir cəmiyyətin idarə olunması məsələsi həmin cəmiyyətdə olan ən təsirli məsələlərdən biridir.
05/07/2023
İmam Hadi və digər imamların (əleyhimussəlam) hamısı Allah hakimiyyətini və İlahi qanunları cəmiyyətlər üzərində bərqərar etmək xətti üzrə hərəkət ediblər. (Bu yolda) Səylər göstərildi, cihadlar edildi, əziyyətlər çəkildi. Bu yolda zindanlara, sürgünlərə, səmərəli və mənfəət dolu şəhidliklərə təhəmmül edilmişdir.
03/07/2023
Bu gün qərəzli və xəstə qəlbli insanlar məhkəmə sisteminə qarşı şayiə yayırlar, cəncəl yaradırlar. Məhkəmə sistmenin daxilindəki fəsad hər nə qədər az olsa da, kökündən təmizləməlisiniz.
03/07/2023
Məhkəməyə müraciət edən şəxs qaşqabaqla qarşılaşsa, işinə baxılmış olsa belə, qəlbi sınıq halda oradan çıxacaq, ona görə də insanlarla yaxşı rəftar etmək vəzifəsi səbir və dözümlülüklə yerinə yetirilməlidir.
30/06/2023
Həcc mərasimi bəşər cəmiyyətinin tərəqqisinə və bütün insanların əmniyyət və (mənəvi cəhətdən) sağlamlığına xidmət edə bilər. Həcc bütün bəşəriyyəti ruhi, mənəvi və əxlaqi ucalığa çatdıra bilər, bu isə bugünkü bəşərin həyati ehtiyacıdır.
Plakat
İbrahimi Həcc
30/06/2023
İbrahimin (ə) Həcc çağırışı və onun ümumdünya dəvəti növbəti dəfə tarixin qəlbindən bütün yer üzünü müxatəb qərar verdi və qəbul etməkdə hazır olan, zikr edən qəlbləri həvəsə və şövqə gətirdi.
30/06/2023
Bu gün dünyada əsas məsələ hegemon qüdrətlərin nüfuz etmə məsələsidir. Bu gün hamı hegemon qüdrətlər müqabilində hazır olduqlarını, qüdrətli olduqlarını və sinələrini sipər etdiklərini elan etməkdən ötrü cəm olmalıdır. Əslində, əsas məsələ budur. Bu (Həccin) dünyəvi faydalarıdır.
30/06/2023
Şəhidin balaca övladları vardır,–təbii ki, cavandır və iki-üç övladı vardır,– bunlara bağlıdır, xanımına bağlıdır, ata və anasına məhəbbəti vardır, lakin Allaha görə, habelə dinin, İslamın və inqilabın müdafiəsindən ötrü öz övlad və xanımına olan şiddətli məhəbbətindən keçir, bunları tərk edir və gedir.
30/06/2023
Hegemon qüdrətlər müsəlmanların vəhdəti, həmçinin cavan və dindar nəsil ilə müxalifdirlər və əllərindən gələn hər vasitə ilə onlarla mübarizə aparırlar. Bizim və bütün millətlərin vəzifəsi amerikalıların və sionistin müqabilində müqavimət göstərməkdir.
30/06/2023
Həcc hegemonların və sionizmin bu gün və sabahın insanlarının əxlaqını tənəzzül etdirməkdən ötrü cızdığı bütün proqramları puça çıxara və təsirsiz edə bilər.
30/06/2023
Həccin əsas köklü xitablarından biri də müsəlmanların vəhdətidir. Yəni siyasi və mədəni lokomotivlər Birinci Dünya müharibəsindən sonra Qərb hökumətlərinin əli ilə Qərbi Asiyanın siyasi və ərazi mühəndisliyinin acı təcrübəsinin təkrarlanmasına imkan verməsinlər.
30/06/2023
Axirət faydalarına gəldikdə isə, axirət faydaları dünya faydaları ilə yanaşıdır. Həccin təsiri qəlblərdədir. Yəni Allah-təala ilə üns yaratmaq, Allah ilə rabitəni gücləndirmək, əməldə ixlas, qəlbi Allahı yad etməklə müxalif olan hər bir şeydən təmizləmək və pak etmək. Həccin (qəlblərdə olan təsiri) bunlardır. Bunların hamısı baş verməlidir. Həcdə olan bu əməllərin (bu ehram, təvaf, namaz, (iki dağ arasında olan) səy, ərəfat, məşər, mina əməlləri və bu kimi işlər) hər biri məna və qeyb aləminə açılan və o aləmi nurlandıran bir qapıdır və qəlbləriniz bundan istifadə edir. Həccə bu şəkildə getmək lazımdır. Həcc ziyarətini belə yerinə yetirmək lazımdır.
29/06/2023
Qurban bayramında olan hikmətlərə diqqət yetirsək, üzümüzə bir çox yollar açılmış olar. İnsanın öz canını fəda etməsindən daha üstünü (ağır olanı) bəzi hallarda yaxınlarını fəda etməsidir. Həzrət İbrahim (əleyhissəlam) öz əli ilə Allah yolunda sevdiyi br əzizini qurban edirdi. O (qurbanlıq) da bir ömür intizarını çəkdikdən sonra Allah-təalanın ona verdiyi gənc övladı idi.
Plakat
Vilayət və imamət on günlüyü
29/06/2023
Qurban bayramından Qədir-Xum bayramına qədər olan bu zaman kəsimi, əslində, imamət məsələsi ilə bağlı və əlaqəlidir.
26/06/2023
Şəhidin balaca övladları vardır,–təbii ki, cavandır və iki-üç övladı vardır,– bunlara bağlıdır, xanımına bağlıdır, ata və anasına məhəbbəti vardır, lakin Allaha görə, habelə dinin, İslamın və inqilabın müdafiəsindən ötrü öz övlad və xanımına olan şiddətli məhəbbətindən keçir, bunları tərk edir və gedir.
26/06/2023
Şəhid üçün şəhid olduğu an onun ilkin rahatlıq anı olsa da, ata-anası və həyat yoldaşı üçün ilk əziyyətləridir. Şəhid bu dünyadan gedəndə Allah qatında Allahın öz qonağı olur, ruzisini Allah özü verir və onun ilkin rahatlığıdır. Bəs ata, ana və həyat yoldaşı üçün necə? Əzizlərinin şəhid olduğunu eşidəndə onların iztirabları elə oradaca başlayır, daha bitmək bilmir.
26/06/2023
Mən öz övladlarını özləri dəfn edən və dəfn hazırlıqlarını özləri görən şəhid analarını ziyarət etmişdim. Məgər bunlar zarafatdır? Əgər biz bunları görməsəydik və görən şəxslərdən də eşitməsəydik, ümumiyyətlə inanılası bir şey deyildi, amma bunlar baş veribdir.
26/06/2023
Cihad adı gələndə insanın gözünün qarşısına ilk olaraq meydanda döyüşən gənc döyüşçü gəlir. Bəli, o, Allah yolunda mücahiddir. Lakin təkcə o, deyil, meydandan kənarda olan mücahidlər də vardır. Evində döyüşçülər üçün çörək bişirən xanım da mücahiddir.
26/06/2023
Əgər kimsə İmam Baqirin (ə) öz imamət dövründə İslami cihadın ən çətin yüklərini öz öhdəsinə götürdüyünü iddia edərsə, bihudə iddia etməyibdir. İmam Baqir (ə) elə bir dövrdə məsuliyyət yükünü öz çiyninə götürürdü ki, İslam aləmi tağut hökumətinin, yəni qəddar Mərvani xəlifələrinin ağır yükləri altında əyilmişdi.
İmam Baqir (ə) bu müddət ərzində vəziyyəti elə yerə çatdıra bildi ki, ixlaslı fədakar şiə İmam Baqirin (ə) vəfatından sonra qısa bir müddət ərzində İslami və Ələvi hökumətinin hakim olmasının intizarında idi.
25/06/2023
Məmləkətimizdə şəhidlərdən üstün qəhrəman yoxumuzdur.
25/06/2023
Gənclərimizə örnək lazımdır. Şəhidlər örnəkdirlər. Bunların xatirəsi yaşamalıdır. Şəhidlərin xatirəsini kim yaşada bilər? Ataları, anaları, həyat yoldaşları və ailələri.
25/06/2023
Şəhidlər İran tarixinin ən həssas bir dönəmində taleyi əvəz etdilər. İslam İnqilabı ölkəni dini və siyasi tənəzzülə doğru getməkdən hifz etmək üçün baş verdi və hifz etdi də. Daha sonra Səddam hərbi hücum etdi. Bu şəhidlər idilər ki, səkkiz il müqavimət göstərdilər.
25/06/2023
Şəhidlər ölkəmizin qəhrəmanlarıdır. Bəzən bir xalq arasında bir nəfər qəhrəman kimi tanınır. Onun həyat xatirələri və təfərrüatları insanlar üçün əhəmiyyət kəsb edir. Şəhidlərimizin hamısı qəhrəmandırlar.
Son
