04/09/2023
Şiənin ruhu Kərbəla və Aşuraya aid bir ruhudur. Şiə Hüseynin Aşurasının ardıcılıdır.
04/09/2023
Əhli-beytə mərifəti olan kəslərin qəlbində Kərbəla eşqi və şövqü diridir.
04/09/2023
Bizim şiə cəmiyyəti üçün ən böyük nemətlərdən biri İmam Hüseynin (ə) xatırlanması və yad olunması, yəni əzadarlıq məclisləri, Məhərrəmlik və Aşura nemətidir.
04/09/2023
Aşura dərsləri siz İran millətinin zamanın Hüseyni sayılan şəxsin və Əba Əbdillahın (ə) övladı arxasında həyata keçirdiyiniz həmin böyük və əzəmətli inqilabdır.
Plakat
Aşura qiyamının qələbəsi
04/09/2023
Kim deyə bilər ki, İslam aləmi, İslam tarixi və İslami düşüncə Hüseyn ibn Əlinin (ə) şəhadəti ilə ziyana uğradı?! Bəşəriyyət tarixinin böyük şəxsiyyəti və məsum imamı olan Hüseyn ibn Əli (ə) insanların əlindən çıxdı, lakin İslamın qalıcılığı onun coşan pak qanı ilə zəmanətləndi.
Plakat
Aşura dərsləri və mesajları
04/09/2023
Aşuranın mesaj və dərsləri vardır. Aşura dərs verir ki, dinin qorunmasından ötrü fədakarlıq göstərmək gərəkdir, Quran yolunda hər bir şeydən keçmək lazımdır. (Aşura) Dərs verir ki, haqla batil arasındakı döyüş meydanında hər kəs: böyük-kiçik, qadın-kişi, cavan-qoca, yuxarı və ya aşağı təbəqəli (insanlar), imam və rəiyyət bir cərgədə yer alırlar. Dərs verir ki, düşmən cəbhəsi bütün zahiri imkanlarına baxmayaraq, asanlıqla zərbəyə məruz qalandır. Necə ki, Bəni-Üməyyə cəbhəsi Aşura əsirləri karvanının vasitəsi ilə Kufədə, Şamda, Mədinədə zərər gördü və nəhayət, bu macəra Süfyani cərəyanının aradan getməsi ilə nəticələndi.
Plakat
Məhərrəm ayı
04/09/2023
Məhərrəmlik təkcə Aşura ongünlüyü deyil. Tarixdə Məhərrəm ayında əzəmətli bir hadisə baş verdi ki, bu hadisə tamam olan deyildir.
Plakat
Zirvələrə yaxınlaşmışıq
04/09/2023
Bu gün cihadi şəkildə, gecə-gündüz və yorulmadan işləmək ölkənin bütün məsullarının öhdəsində olan vəzifədir. Biz kifayət qədər hərəkət edib üzüyuxarı və kəskin yoxuşu keçib zirvələrə yaxınlaşmışıq. Yorulmamalıyıq, bu gün yorulmaq və naümid olmaq zamanı deyil. Bu gün şövq, ümid və hərəkət zamanıdır.
04/09/2023
Əgər millətimiz əsrlər boyu Aşuranı bu cür israrla təbyin və bəyan etməsəydilər, mümkün idi ki, bu əhəmiyyətli hadisə yaddaşlardan silinər, yaxud da həqiqətdə baş verənlərdən daha zəif göstərilərdi.
Plakat
Məhərrəmlik zamanı təbliğ
04/09/2023
Mən Məhərrəmlik ayında təbliğ etmək haqqında bir şey qeyd etmək istəyirəm. Mümkündür, bəziləri desinlər ki, əgər siz İmam Hüseynin (ə) hərəkatını bəyan etmək istəyirsinizsə, çox yaxşı, gedin bəyan edin, amma daha bu rövzəxanlıq, ağlayıb-sızıldamaq nədir? Gedin oturun bəyan edin ki, Həzrət filan işi gördü, bəhmən işi etdi və hədəfi də bu idi. Bu, çox səhv bir fikirdir, yanlış bir baxışdır. (Çünki) Bu Allah dostlarına, din dostlarına olan atifə və duyğu, bu emosianal bağlılıq fikri və əməli bağlılıq üçün çox dəyərli bir arxa-dayaqdır. Bu arxa-dayaq olmasa, bu yolda hərəkət etmək çox çətin olar. Belə atifi bağlılıq çox mühümdür.
04/09/2023
Bir insanı və bir bəşər cəmiyyətini səadətə çatdıracaq hər nə varsa, Peyğəmbər (s) onların hamısını bəyan etdi. Təkcə bəyan etməklə kifayətlənmədi, bunları əmələ keçirdi və tətbiq də etdi. Bəli, Peyğəmbərin (s) zamanında İslam hökuməti və cəmiyyəti təşkil olundu, İslam iqtisadiyyatı, İslami cihad bərpa olundu, İslami zəkat (müsəlmanlardan) yığıldı və bir İslam ölkəsi və İslam nizamı quruldu. Bu nizamın qurucusu və bu qatarı bu xətdə idarə edən Peyğəmbər (s) və (ondan sonra) onun yerində oturan şəxsdir. Xətt də aydın və müəyyəndir. İslam cəmiyyəti və müsəlman şəxs bu xətdə, bu istiqamətdə və bu yolda hərəkət etməlidir. Çünki belə bir hərəkət baş tutarsa, o zaman insanlar kamala çatar, saleh və mələk xislətli olarlar, insanlar arasında zülm aradan gedər, pislik, fəsad, ixtilaf, yoxsulluq və cəhalət yox olar, habelə bəşər kamil xoşbəxtliyə yetişər və Allahın kamil bəndəsi olar.
04/09/2023
Allahın adı ilə
Salam olsun göz yaşları şəhidinə
Mehriban və candan əziz olan ata, İslam İnqilabının böyük rəhbəri Həzrət Ayətullah Əl-Üzma Xameneinin mübarək hüzuruna
Salam ərz edirik. Mənnan olan Allahın lütfü və Əmirəl-möminin və Seyidüş-Şühədanın köməyi ilə övladlarınızdan bir qrupu tövfiq dapdılar ki, dəstə halında Ərbəin ziyarətinə getsinlər.
Dəyərli və canyandıran ata, çoxlu xeyiri olan mənəvi səfərin astanasında, bu dəyərli ziyarətin mümkün qədər daha yaxşı bərqərar və səmərəli olması üçün öz mərhəmət və müşviqanə olan göstərişlərinizdən bizi faydalandırmanızı xahiş edirik.
Bu cəm- sizin övladlarınız və davamçılarınızın hamısı bütün hallarda sizin dəyərli və nazənin vücudunuz üçün dua edirlər. Sizin duanıza ehtiyaclıyıq.
Mədəniyyət və tərbiyə məcmuəsinin bir qrup şagird və məktəb məzunları
31/08/2023
Qısa müddət ərzində iki mühüm beynəlxalq müqaviləyə (BRICS və Şanxay) üzv olmaq böyük uğur idi. Bu onu göstərir ki, ölkə elə bir vəziyyətdədir ki, bu beynəlxalq müqavilələrin təsisçilərinin ölkəmizin onların üzvü olmağı üçün meyil və israrları vardır.
31/08/2023
İslam Respublikasında hazırkı dövlətin (Rəisi) qonşularla münaqişələrin həlli, ölkələrlə və qitələrlə, o cümlədən Cənubi Amerika, Şərqi Asiya və Afrika ilə çoxsaylı və müxtəlif əlaqələrlə bağlı siyasəti çox yaxşı və doğru siyasətdir.
31/08/2023
Xətəri gözə almadan böyük işlərin altına girmək mümkün deyildir.
31/08/2023
Sanksiyaların əksəriyyəti insanların dolanışığını hədəf almaq məqsədi daşıyır. (BƏRCAM-ı diriltmək üçün) Danışıqlarla yanaşı, sanksiyalar zərərsizləşdirilməlidir. Sanksiyaların zərərsizləşdirilməsinin ən mühüm göstəricisi inflyasiyanın azalmasıdır.
Plakat
Şəhidlərin verdiyi mesajlar
20/08/2023
Bir məsələ "Əksinə (şəhidlər) Allah yanında ruzilərdən bəhrələnirlər" ayəsinin şəhidlərin məqamına işarə etməsidir, digər bir məsələ isə onların verdiyi mesajdır; "Arxalarınca (hələ gəlib) onlara qoşulmamış kəslərə müjdə verərlər ki, onlar üçün nə bir qorxu var və nə də qəmgin olacaqlar". Bu yolda heç bir qəm-qüssə yoxdur. Bu yol fərəh, fərəc, şadlıq və ürəkoxşayan bir yoldur. Budur, şəhidlərin mesajı. Yəni şəhidlər bizləri təşviq edirlər və deyirlər ki, bizim getdiyimiz bu yolun ardınca siz də gəlin.
20/08/2023
"Həqiqətən, Allah möminlərin canlarını və mallarını onlardan qarşılığında cənnət verməklə alıb". Ayə göstərir ki, bu, Allahla müamilə etməkdir. "Allah yolunda vuruşurlar və beləliklə, öldürürlər və öldürülürlər". Hər ikisi – həm düşməni məhv etmək, həm də bu yolda öldürülmək dəyərdir və bu, Allah ilə olunan müamilədir. Şəhid öz canını verib və varlıq aləminin ən üstün dəyərlərindən olan İlahi razılığı kəsb edibdir. Yəni şəhidlər bizləri təşviq edirlər və deyirlər ki, bizim getdiyimiz bu yolun ardınca sizlər də gəlin.
20/08/2023
Mühüm olan budur ki, bizlər şəhidlərin yolunu təqib edək, şəhidlərin verdiyi dərsləri öyrənək və əməl edək. Şəhadət məsələsinə gəldikdə isə, həqiqətən, dilimiz şəhadət rütbəsi və şəhidlərin dərəcələri haqqında danışmağa acizdir.
20/08/2023
Səfəvilərin ölkədə etdikləri böyük xidmət Əhli-beyt (ə) məzhəbini bütün İran boyu yaymaqları idi. Bu gün sizin Əhli-beytə (ə) olan məhəbbət və ehtiramınız, habelə bütün siyasi, ictimai, məzhəbi və başqa zəminlərdə Əhli-beytdən (ə) aldığımız dərs onların bərəkətinə görədir.
20/08/2023
Ərdəbillilər İran üçün iki böyük iş gördülər; bunlardan biri milli və digəri də məzhəbi iş idi. Milli iş ölkənin vəhdətindən ibarət idi, yəni İranda gördüyünüz bu birlik və vəhdət Səfəvilərin gördükləri işdir. Məzhəbi iş də Əhli-beyt (ə) məzhəbinin yayılması idi. Əlbəttə, İranlıların qədimdən Əhli-beytə ehtiram və məhəbbətləri var idi, lakin Əhli-beytin məzhəbi vüsət tapmamışdı, qürbətdə idi.
Plakat
Ərdəbillilərin mücahidliyi
20/08/2023
Cihad və mücahidlik meydanında olmaq məsələsində də Ərdəbillilər insafən birinci cərgədə dayananlar içərisindədir. Təxminən Ərdəbildən 35000 döyüşçünün cəbhəyə getməsi yaxşı və yüksək bir göstəricidir. Bu bölgə təqribən 3400, yaxud daha çox şəhid verməklə bərabər, bu məntəqədə çoxlu qazi və əzəmətli şəhid ailələri vardır. Ərdəbilin şəhadətnaməsi (kimliyini göstərən) bunlardır.
Plakat
Ən acı gecələr
19/08/2023
İslam tarixinin ən böyük faciələrindən biri Məhərrəm ayının on birinci günü baş verdi. Peyğəmbər (s) ailəsindən əsir düşənlər İslam tarixinin ən əziz və ən şərafətli insanlarından idilər. Əsirlər arasında elə qadınlar küçə və bazarlarda gəzdirildilər ki, o günün İslam cəmiyyəti arasında onların ləyaqət və şərəf baxımından bənzərləri yox idi. Bu əziz insanları əsir götürənlər İslamdan zərrə qədər payları olmayan, (ümumiyyətlə) İslamla əlaqələri olmayan, habelə öz zamanlarının ən xəbis və ən səviyyəsiz insanları idilər.
19/08/2023
Diqqətli olmalı və düşməni tanımaqda səhvə yol verməməliyik. İmam Xomeyni (r.ə) o "Bəsirət gözü" ilə dedi ki, nə qədər bacarırsınız, Amerika üzərinə fəryad edin.
19/08/2023
Fransa və Sovet Bolşevik inqilabında bir sıra qruplar inqilab tərəfdarı ünvanında ayağa qalxdılar. Onlar əsaslı prinsiplərə bağlı olmayan dağıdıcı (qruplar) idilər. Lakin SEPAH İslam İnqilabının əvvəlində təşkil olunduğu ilk gündən bir təşkilat kimi fədakarlıq kimi dəyərlərə sahib idi.
19/08/2023
Bu gün SEPAH dünyada ən böyük antiterror təşkilatıdır. Hərbi cəhətdən təchiz olunmuş bir təşkilatdır. Bu təşkilat dünyada bir çox böyük orduların edə bilmədiyi işləri görə bilən yararlı və müstəqil bir təşkilatdır.
17/08/2023
Quran məntiqinə əsasən, qaradərili insanın başqa insanlardan heç bir fərqi yoxdur. Beləliklə, irqi ayrı-seçkilik məntiqini biabırçı şəkildə yayıb və indi də yaymaqda olan qərblilər, məgər İslam hökuməti ilə mehriban ola bilərlərmi?
17/08/2023
İslam hökuməti hər bir ölkənin, hətta müxalifçilik etməyən və bizimlə həmfikir olmayan ölkələrin də sözünü qəbul edir, lakin əgər qarşı tərəfin hiyləgərliyi, yalançılığı və arxadan bıçaqlamaq üçün hazırlıq gördüyünü bilərsə, İslam hökuməti heç vaxt onun sözünü qəbul etməyəcək və əhdi pozmaq müqabilində də eyni rəftarı görəcəkdir.
07/08/2023
86-cı Hərbi Dəniz Donanmasının Yer kürəsi ətrafında hərəkəti təhlükəsizlik təmin edən bir hərəkət idi. Sizin okeanın uzaq nöqtələrində, Sakit, Atlantik okeanı və s. ucqar nöqtələrində olmağınız ölkənin təhlükəsizliyinə bir töhfə idi.
06/08/2023
Böyük bir missiyanı yerinə yetirmiş və dünyanı uğurla dövr etmiş sizlərə– 86-cı Hərbi Donanmanın hər bir üzvünə və həmçinin ailələrinizə səmimi qəlbdən təşəkkür edirəm. Sizin etdiyiniz iş böyük bir iftixardır. Bu bizim ölkənin dənizçilik tarixində görünməmiş bir işdir.
06/08/2023
Bu gün dünya ticarətinin 90 faizi dəniz yolu ilə həyata keçirilir. Dəniz yolu ilə yükdaşıma və nəqliyyat ən əhəmiyyətli beynəlxalq yükdaşıma və nəqliyyatın bir hissəsidir. Biz də xoşbəxtlikdən bir neçə min km dəniz sərhədinə sahib ölkələrdən biriyik. Ölkənin şimalında dəniz varımızdır, ölkənin cənubunda dəniz və okean varımızdır. Bunlardan (bu imkanlardan) çox istifadə etməliyik.
06/08/2023
365 nəfərlik bir qrupun dünya ətrafında 65000 km yol qət etməsi və 8 ay müddətində su üzərində qalması dünyada böyük və nadir bir işdir. Üç okeanı səhayət etdiniz və başıuca şəkildə Vətənə qayıtdınız.
06/08/2023
86-cı Hərbi Dəniz Donanmasının dünya ətrafında çətin boğazlardan və su yollarından keçməsi "Nə qədər bacarırsınız, hazırlıqlı olun" ayəsinin bir nümunəsi idi. Sizin gördüyünüz iş zehinlərdə "Biz bacarırıq" şüarını gücləndirdi. Düşmən bunu görəndə özünü yığışdırmağa məcbur olur.
06/08/2023
Gəmiçilik və dəniz nəqliyyatının təhlükəsizliyi bütün ölkələr üçün təmin edilməlidir. Bu gün amerikalılar neft tankerlərinə təcavüz edir, dəniz qaçaqmalçılığı ilə məşğul olan qruplara kömək edirlər.
06/08/2023
Hegemon qüdrətlər əgər bacarsalar, okeanları da öz adlarına sənədləşdirərlər. Qarətçilik və bəşər mənafeyini mənimsəyib özünküləşdirmək Amerikanın xüsusiyyətlərindən biridir. 86-cı Hərbi Dəniz Donanmasının Yer kürəsi ətrafında hərəkəti onların bu (addımını) pozdu və bununla da göstərdi ki, azad sular hamıya məxsusdur.
06/08/2023
Hamımız bilməliyik ki, bəşəriyyətin müvəffəqiyyəti, böyük kamilliyi, müxtəlif inkişafı, gerçəkləşən ümidi- bütün bunların hamısı təlaş və çətinliklərin bətnindən doğulur. Rahat tələblik, çəkilib bir küncdə oturmaq, tamaşa etmək, həsrət və ah çəkmək və bəzən də deyinmək işləri qabağa aparmır. Müvəffəqiyyətə çatmaq üçün çətinliklərə dözmək lazımdır, çalışmaq və iş görmək gərəkdir.
06/08/2023
Düşməni hücuma təşviq edən amillərdən biri qarşı tərəfin passiv, zəif və tərəddüddə olmasını hiss etməsidir. Bu, düşməni hərəkətə keçməyə sövq edir. Lakin görəndə ki, xeyr, sizlər oyaqsınız, hazırsınız, bacarıqlısınız, biliklisiniz, təbii olaraq öz ölçülərini götürürlər.
06/08/2023
İkinci dərs inqilabdır. Bu biliyi, bacarığı və özünəinamı inqilab bizə öyrətdi. Bu himməti və belə bir böyük iş üçün hərəkətə keçmək cəsarətini inqilab bizlərə öyrətdi. İnqilabdan qabaq bunlardan əsər-əlamət yox idi. İnqilab dənizçiliyi tətil olmaqdan çıxardı, dənizçiliyi unudulmaqdan xilas etdi.
06/08/2023
Sizin bu dənizçilik sahəsində bir neçə dərs vardır və bunlardan birincisi tövhid dərsidir. Dəniz Allahın bariz nişanələrindən biridir. Dənizin əzəməti, okeanların sonsuzluğu, dəniz mənzərələrinin müxtəlif gözəllikləri, bəzi yerlərdə dənizin qəzəbi, bəzi yerlərdə lütfü, dənizin heyrətamiz varlıqları–bütün bunlar İlahi nişanələrdir, Allah nişanələridir.
04/08/2023
Nə oldu ki, qərblilər, xüsusən də ingilislər bu məsələdə (məşrutə inqilabında) uğur qazandılar? Uğur qazanmaq üçün hansı üslubdan istifadə etdilər? Halbuki (bu işdə) əsas sayılan xalq alimlərin ixtiyarında ola bilərdi və Şeyx Fəzlullahın bu xalqın gözü qarşısında edam olunmasına imkan verilməzdi. (Əslində) İş belə olmalı idi. Məncə, problem ondan irəli gəldi ki, onlar ədalət tələb cinahının bəzi üzvlərini, yəni dindarları və əsasən də, alimləri aldadaraq həqiqəti onlardan gizlədə, ixtilaf yarada bildilər...İnsan görür ki, (düşmən) onların inhirafa (sapmağa) qarşı həssaslığını azaldıb. Amma mərhum cənab Şeyx Fəzlullah kimi bəzi insanlar öz həssaslığını itirmədilər. Eyni cinahdan olan başqa bir qrup isə bu həssaslığı itirərək nikbinliyə, hüsnü-zənnə qapıldı və bəlkə də, bir növ özünü görməzliyə vurdu. Təbii ki, insan təxmin edir ki, (bu işdə) bəzi şəxsiyyət və əxlaqi baxımdan zəifliklər və həvayi-nəfs təsirsiz deyildi.
Son
Klip