04/04/2024
Qəzza hadisələri dünyanı necə bir zülm və zülmətin bürüdüyünü, həmçinin insan haqları iddiası edən Qərbin bu dırnaqarası sivilizasiyanın yaşam, fikir və əməllərinə necə bir zülmətin hakim olduğunu göstərdi. Uşaqdan tutmuş qocaya qədər 30 mindən artıq insan qısa bir müddət ərzində məhv edilir, sivilizasiyalı sayılan dünya nəinki bunun qarşısını almır, əksinə, kömək də edir.
03/04/2024
İslam İnqilabının Ali Məqamlı Rəhbərinin İslamın rəşadətli generalı olan SEPAH-ın briqada general-mayoru Məhəmmədrza Zahidi və bir qrup silahdaşlarının şəhadəti münasibətilə mesajı:
Allahın izni ilə, onları (cinayətkarları) bu və buna bənzər cinayətləri etdiklərinə peşman edəcəyik.
Plakat
Dua etmək fürsəti
03/04/2024
Ramazan ayı dua ayıdır. Duaları unutmayın. Ramazan ayı haqda hədislərdə gələn dualar qənimət bilməyiniz gərəkən nemət və fürsətlərdən biridir. Əbu Həmzə Sumali, İftitah, Cövşən-Kəbir duası və Ramazan ayının gündüzlər, gecələr, sübh namazından əvvəl və bu ayın başqa məxsus saatlarında oxunan və hədislərdə gələn dualar, həqiqətən də, böyük İlahi nemətlərdəndir.
02/04/2024
Bu gün Qəzzada baş verən işlər iki tərəfdən pik həddədir. Bir tərəfdən sionistlərlə Qərb sivilizasiyasının cinayət və qaniçənliyi, o biri tərəfdən də xalqın misilsiz səbir və müqaviməti, HƏMAS-ın və Qəzzada mövcud olan Fələstin müqavimətinin döyüş gücü.
01/04/2024
Müqəddəs Qədr gecəsinə daxil olmağa hazırlıq üçün Ramazan ayında qəlblərinizi İlahi zikrlə bacardığınız qədər nurlandırın. Çünki "Qədr gecəsi min aydan daha xeyirlidir. O gecə mələklər və ruh Rəbbinin izni ilə hər bir işin (təqdiri üçün) yerə enərlər". O gecə mələklərin yeri səmaya bağladığı, qəlblərə nur yağdırdığı, yaşayış mühitini Allahın fəzl və lütf nuru ilə nurani etdiyi bir gecədir.
01/04/2024
Ramazan ayının zirvəsi Qədr gecəsi günləri və mübarək Qədr gecələridir. Biz bu zirvəyə (Qədr gecəsinə) gəlib çatmışıq; biz aləmlərin Rəbbinə misilsiz təvəssül, yalvarış, dua və ondan (acizanə) tələb etmək fürsətindən istifadə etməliyik...Özünüz, bütün din qardaşlarınız, ölkəniz və cəmiyyətiniz üçün dua edin, Allahdan istəyin və o duaların icabətə yetişməsindən əmin olun.
01/04/2024
Son bir neçə ayda müqavimət öz bacarıqlarından (bəzilərini) nümayiş etdirdi və Amerikanın hesablamalarını bir-birinə vurdu. Amerika bu məntəqələrdə, yəni İraqda, Suriyada, Livanda və s. hökmranlıq etmək ardınca idi. Müqavimət göstərdi ki, belə bir şey mümkünsüzdür və Amerikalılar məntəqədən çıxmağa məcburdurlar.
31/03/2024
Sionist rejim təkcə özünü qorumaqda böhran yaşamır, əksinə, yaranmış böhrandan çıxmaqda da böhran içərisindədir və özünü xilas edə bilmir. Sionist rejim bu gün Qəzzadan çıxsa da məğlub olub, çıxmasa da.
30/03/2024
Əgər biz istehsalda sıçrayışın olmasını istəyiriksə, iqtisadiyyatı xalqın öhdəsinə qoymalıyıq, istehsal sahələrinə xalqın ayağını gözə çarpan dərəcədə açmalı və xalqın iştirakına maneə yaradan amilləri aradan qaldırmalıyıq. Buna görə də mən bu ilin şüarını "Xalqın iştirakı ilə istehsalatın sıçrayışı" olaraq təyin etdim. Bu ilin şüarı budur.
30/03/2024
Qədr gecəsində ən gözəl əməl duadır. Ehya saxlamaq (oyaq qalmaq) da dua, təvəssül və zikr üçündür. Dua, yəni Allah-təala ilə danışmaq. Dua, əslində, Allahı özünə yaxın hiss etmək və ürək sözünü onunla bölüşməkdir. Dua bir istək, tərif, həmd və məhəbbəti izhar etməkdir. Bütün bunların hamısı duadır.
29/03/2024
Sionist rejimin rəsmiləri arasında qərar qəbul etməkdə ziddiyyət, sərgərdanlıq və dərin ixtilafın olması bu rejimi bir o qədər süqut etməyə yaxınlaşdacaqdır, inşallah.
28/03/2024
Yəməndə, İraqda, Suriya və Livanda müqavimət qüvvələri tərəfindən göstərilən hər bir fəaliyyəti Amerika öz hesablamalarında onu İrana bağlayır. Bu səhv hesablama qəti şəkildə Amerikanı diz çökdürəcəkdir. Onlar (Fələstin) xalqını tanımırlar, bu xalqın özü düşüncə və iradə əhlidir. Əlbəttə, biz müqavimət dəstələrini dəstəkləyirik.
27/03/2024
Amerika Qəzza məntəqəsində mümkün olan ən pis vəziyyəti seçdi. Elə bir iş gördü ki, bütün dünyada mənfur oldu və London və Paris küçələrində, Avropanın başqa ölkələrində və Amerikanın özündə də Fələstinin xeyrinə nümayiş əks etdirənlər, əslində, Amerikadan nifrət etdiklərini elan edirlər.
27/03/2024
İran İslam Respublikası Fələstin hadisəsinə və Qəzzanın məzlum və müqavimətçi əhaslinə dəstək mövzusunda özündə heç bir tərəddüdə yol verməyəcəkdir.
24/03/2024
İlin günləri və ayları arasında Ramazan ayının gecə və gündüzü namaz vaxtlarının hökmünü daşıyır. Necə ki, ibadət saatları gün ərzində bir anlıq maddi əsarətdən çıxmaq üçündür, Ramazan ayı da bir il ərzində bir aylıq uzun-uzadı riyazət fürsətdir ki, nəfs maddi amillərdən xilas olsun, nəfəs çəksin və nuraniyyət tapa bilsin.
23/03/2024
İslama ilk iman gətirən Xədicəyi-Kübra olmuşdur. Daha sonra o, bütün var-dövlətini İslama dəvət və təbliğ etmək yolunda xərclədi. Əgər Xədicənin köməyi olmasaydı, İslamın hərəkətində və inkişafında əsaslı bir xələl və durğunluq yarana bilərdi. Daha sonra isə o, Allah Rəsulu və bütün müsəlmanlarla birlikdə Əbu Talib dərəsinə sürgün olundular və elə Əbu Talib dərəsində də haqqın dərgahına qovuşdu.
23/03/2024
Bizim vəzifələrimizdən biri Quranı tilavət etməkdir. İslam dünyasında elə bir kəs olmamalıdır ki, Quran tilavət etmədən bir gün keçirmiş olsun. Bacardığımız qədər Quran oxuyaq. "Bacardığınız qədər onu qiraət edin". Əgər siz gündə bir səhifə oxuya bilmirsinizsə, (heç olmasa) yarım səhifə də olsa, oxuyun, (əsas odur ki) oxuyasınız.
21/03/2024
1402-ci il bütün illər kimi şirin və acılarla, arzu olunan və arzu olunmayan hadisələrlə dolu idi. Şəhid Süleymaninin il dönümündə Kirmanda baş verən acı hadisə, ilin sonlarında Bəlucistan seli, bu aylar ərzində təhlükəsizliklik məmurları və təhlükəsizliyi qoruyanların başına gələn hadisələr acı hadisələr sırasında idi və bunlardan da daha acı olan bizim beynəlxalq problemimiz olan Qəzza hadisəsi idi.
21/03/2024
Qəzza hadisələri müqavimət cəbhəsinin haqlı yerə təşkil olunmasını göstərdi. Bu hadisələr Qərbi Asiya regionunda müqavimət cəbhəsinin olmasının ən həyati məsələlərdən biri olduğunu göstərdi. Bu müqavimət cəbhəsi günü-gündən gücləndirilməlidir.
21/03/2024
Vicdanları oyaq olan insanların sionistlərin yetmiş illik zülmünü görərək sakit oturmayıb müqavimət fikrinə düşmələri təbiidir. Müqavimət cəbhəsi Fələstin milləti və Fələstini dəstəkləyənlərə qarşı cinayətkar sionistlərin davamlı zülmü ilə mübarizə aparmaq üçün təşkil olunmuşdur.
20/03/2024
Biz bu gecələrin, bu günlərin və bu duaların qədrini bilməliyik. Əgər (düzgün) dəyərləndirə bilsək, bu dualara, onların məzmununa diqqət yönəltməyin çox dəyəri vardır. Bunlar bizim daxilimizdə olan dərdlərin əlacıdır ki, bədbəxtlikdən, bəşər bütün dövrlərdə bunlara mübtəla olmuşdur.
20/03/2024
Allah-təaladan istəyirəm ki, çətinlikləri təlafi etsin və şirinliklərin ardını İran milləti və müsəlman millətlərə əta etsin və İslam ümməti, eləcə də İran millətinin xeyir və bərəkətinə səbəb olacaq şeyləri onlara mərhəmət etsin.
20/03/2024
1402-cil bütün illər kimi şirin və acılarla, arzu olunan və olunmayan hadisələrlə dolu idi. Xalqın Qüds Günü və 22 Bəhməndə qəhrəmanlıq yaradan iştirakı, bu böyük yürüşün təhlükəsiz formada keçirilməsi, ilin sonunda keçirilən seçkilərdə təhlükəsizliyin olması və xalqın iştirakının lazım olduğu başqa yerlərdə hüzur tapması ötən ilin xoş və arzu olunan xəbərlərindən idi. Xarici işlərlə bağlı məsələlərdə isə dövlətin müxtəlif iqtisadi və siyasi sektorlarda beynəlxalq hərəkətliyi şirin xəbərlərdən və arzu olunan hadisələrdən idi.
Plakat
Novruz təbriki
20/03/2024
Novruz bayramı və bu il qəlblərin və mənəviyyat baharı sayılan mübarək Ramazan ayı ilə üst-üstə düşən yeni il münasibətilə bütün əziz İran xalqını təbrik edirəm. (Müharibədə iştirak edən) Fədakar insanların ailələrini və Novruz bayramına dəyər verən başqa bütün millətləri isə xüsusi olaraq təbrik edirəm.
20/03/2024
1403-cü ildə də ölkənin ümdə məsələsi iqtisadiyyatdan ibarətdir. Ölkənin iqtisadi problemlərinin həll yolunun əsas açarı daxili və milli istehsal məsələsindən ibarətdir.Əgər istehsalın inkişafı və milli istehsalda irəliləməyə doğru hərəkət arzu olunan həddə olarsa, inflyasiya, məşğulluq və milli pulun dəyər məsələsi kimi mühüm iqtisadi problemlər öz həllinə doğru yaxşı bir həddə irəliləyəcəkdir.
19/03/2024
Quran qiraətinin özü dəyərlidir. Allah-təalanın yaratdığı ən əzəmətli və vücudu müqəddəs olan varlığa, yəni Peyğəmbərə (s) göstəriş verir ki, qiraət et! (Quran da bu barədə buyurur:) "Bacardığınız qədər onu qiraət edin".
18/03/2024
Quran tilavətini Quran tərcüməsi və təfsirinə doğru yönəldin ki, bu iş (Quranda) dərin təfəkkür etməyə səbəb olsun. Birinci iş Quranın tərcüməsidir. Həqiqətən, belə olmalıdır ki, ölkədə müxtəlif gənclər və yeniyetmələr cəmi arasında Quran ayəsi oxunarkən ayənin məzmununu hər kəs anlasın, ayələri əzbər bilib, bu ayələrdən yararlansınlar. Bu, ölkə və cəmiyyətin dini mərifətinin inkişaf səviyyəsinə kömək edir.
17/03/2024
Həm mübarək “Səhifeyi-Səccadiyə” kitabında olan, həm də Ramazan ayı üçün olan başqa dualarda bu ayın sifətləri qeyd edilib. Bu sifət və xüsusiyyətlərin hər biri üzərində dərindən düşünməyə dəyər.
16/03/2024
İslam əsasında yaranan bir hökumətin əsas işi "Zülm etməyin" və "Zülmə baş əyməyin" məsələsidir.
15/03/2024
Bir neçə aydır ki, sionistlər Amerika və digərlərinin müxtəlif silah-sursatları, xaincəsinə və zalimanə yardımları hesabına Fələstin müqaviməti ilə döyüşürlər. Müqavimət də orada o cür qüdrət və duruş gətirməyi ilə mövcuddur və Allahın tövfiqi ilə sionistlərin burnunu yerə sürtəcəkdir.
14/03/2024
Qəzzada soyqırım, hətta Qərb mədəniyyəti ilə tərbiyə olunmuş bir gənc üçün də ağır gəlir, vicdanı əzab çəkir və özünü yandırır.
13/03/2024
Qəzza hadisəsində Qərb mədəniyyəti özünü tanıtdı, özünü çılpaq formada göstərdi və özünün nə qədər fasid, azğın və zalım olduğunu (bilmədən) üzə çıxardı.
12/03/2024
Təəssüflər olsun ki, İslam dünyasında məzlum Qəzza əhalisinin düşməninə kömək edən kəslər və dövlət vardır. İnşallah, bir gün özləri də peşman olub bu xəyanətin cəzasını və gördükləri işin faydasız olduğunu görəcəklər.
12/03/2024
(Qəzzalıların) Qəzzada səbrin zirvəsini dünyaya göstərə bilməsi o xalqın Quranla ünsiyyətindən irəli gəlir.
10/03/2024
Bir millət öz ölkəsində böyük bir zülmə məruz qalır; qadınları, uşaqları və evləri tam rəhimsizcəsinə məhv edilir. Amerika ,İngiltərə və bəzi Avropa ölkələri nəinki buna mane olmurlar, hətta kömək də edirlər. Biz bunlarla müxalifik.
10/03/2024
Qərb sivilizasiyası budur. ABŞ və Qərbin qeyri-insani siyasətinin rüsvayçılığı o yerə çatıb ki, Amerika Hərbi Hava Qüvvələrinin bu zabitinin özünü yandırdığını eşitmisiniz. Yəni o mədəniyyətdə tərbiyə alan gənc üçün də ağır gəlir, hətta onun da vicdanı sızıldayır. Təbii ki, bir nəfər deyil, min nəfər özünü yandırmalı idi, amma fəsada qərq olmaq (vicdanların oyanmasına) imkan vermir. İndi (bunların içindən) kiminsə təsadüfən vicdanı oyanıb özünü yandırdı. Qərb mədəniyyəti özünü tanıtdı, ifşa etdi və nə qədər fasid, nə qədər azğın, necə də zalım olduğunu ortaya qoydu.
09/03/2024
Seçkilər milli gücü və xalq gücünü göstərən amildir. Amerika, Avropaya hakim siyasət, sionistlərin siyasəti, sərmayədarların və dünyanın böyük kompaniya sahiblərinin siyasətləri hər kəsdən daha çox xalqın iştirakından qorxurlar. Nə üçün? Çünki gördülər ki, əgər bu millət meydanda olsa, mütləq, problemlərin öhdəsindən gələcəkdir.
08/03/2024
Millətin seçki məntəqəsində iştirakı onların ölkənin mühüm idarə sahələrində iştirakını göstərir. Bu, ölkə üçün böyük bir sərvətdir. Əgər biz ölkənin mühüm sahələrində millətin iştirakını dünyaya göstərə bilsək, demək, ölkəyə nicat vermişik.
07/03/2024
Bu gün həm İran millətini istəyənlərin, həm bədxahların və həm də milli və siyasi mötəbər mövqelərə sahib olanların gözü İrandadır və istəyirlər ki, görsünlər, İran milləti bu seçkilərdə nə edir və nəticə nə olacaqdır.
06/03/2024
İslam Respublikasının vücuda gəlməsi dünyada iki qütblük yaradan bir zəlzələ idi. Bir cəbhə liberal demokratiya, bir cəbhə də İslama bağlı cümhuriyyət. Liberal demokratiyanın zatında zülm mövcuddur, lakin dinə əsaslanan xalqmehvər cəbhənin ən mühüm məsələsi zülmlə üz-üzə dayanmaqdır.
Son
