Ayətullah Əl-Üzma Seyid Əli Xameneinin Qum camaatı ilə görüşü:
Şəhid Süleymani həm şücaətli, həm də tədbirli idi. Təkcə şücaət məsələsi deyildi, bəzi insanlarda şücaət var, amma bu şücaətdən istifadə edəcək tədbir və müdriklik yoxdur. Bəzilərinin idarəçilik qabiliyyəti var, amma əməl əhli deyillər və o işi görməyə ürəkləri yoxdur. Bizim bu əziz şəhidimiz həm ürəkli idi, yəni özünü təhlükənin ağuşuna atırdı və bundan da qorxu-ürküsü yox idi, həm də öz işləri üçün tədbir, düşüncə və məntiqi var idi. Yəni təkcə bu günün hadisələrində deyil, hətta Müqəddəs Müdafiə Günlərində Sarəllah ordusunun komandiri olduğu zaman həm özü, həm də əsgərləri özlərini təhlükəyə atırdılar və bundan da heç bir çəkinəcəkləri yox idi. Tədbirlə olan bu şücaət təkcə hərbi sahədə deyil, siyasət meydanında da var idi. Mən onun davranış və işlərini görürdüm və siyasət meydanında fəaliyyəti olan dostlara dəfələrlə bunu deyirdim. Siyasət sahəsində də həm şücaətli, tədbirli, sözü təsirə malik, qaneedici, həm də nüfuzlu idi. Bunların hamısından daha üstün onun ixlası idi. Bu şücaət və tədbir qabiliyyətini Allah yolunda xərcləyirdi. Özünü göstərən, riya və s. əhli deyildi. İxlas çox mühümdür.

08.01.2020